بالصور..ناس ملهاش ف السواقة أساسا.. الجزء التاني

من قديم الآزل والانسان بيحلم ب السواقة.. وبيحلم يبقى تحت رجليه دواسة بنزين ودواسة فرامل.. وعشان كدة لما كبر وبقاله حضارة وعلم قديم وبعدين إتطور حبة وبقاله كمان علم حديث على القديم بتاعه فكر ازاي يطير وحاول يعمل طيارات وواضح انه فشل فقرر يعمل ساعتها عربيات عشان نفسه ف السواقة اوي..

بس واضح برضة انه مدرسش طبيعته كويس قبل مايفكر ف الاختراع دة ويحطه موضع التنفيذ.. واضح انه كان لازم يتآنى ف القرار دة حبة ويدرس كدة تاريخه كويس وياخد باله هو قد ايه مالوش لا ف السواقة ولا ف الركنة ولا ف صناعة المتحركات بشكل عام..

بس اللي حصل بقى انه اخترع الاختراع الجميل دة قال ايه عشان يروح ف كل حتة بسرعة.. والسرعة دي تحديدا ف السواقة هي سبب كل المشاكل..

معظم الصور اللي هتشوفها ف الموضوع دة مثلا سببها سرعة زايدة او إهمال فظيع ف إدراك ابعاد العربية أو مجرد كسل شنيع بيتمثل ف واحد ولا واحدة قبل مايركنوا مكلفوش خاطرهم يفكوا الحزام - دة لو لابسينه جوة العربية اصلا - وينزلوا يبصوا ويتطقسوا على مكان الركنة ويشوفوا ينفع الاول يركنوا فيه ولا مينفعش.. لو كانوا عملوا كدة كنا اترحمنا من غشومية باينة ف الصور اللي ف الموضوع دة واللي بتفتن على ان الانسان واضح انه مالوش ف السواقة بس بيصر يطلع رخصة ويمتلك عربية وخلاص..

جايز لما تقرا الكلام دة تفتكرني مفتري على الانسان او مجرد بهزر بس بص كدة ف الصور الاول بس كدة وبعدين شوف بنفسك معايا حق ولا لأ..

اللي داخل بعربيته ف بيت واللي داخل ف يخت واللي ركنه فوق سقف بيت متفهمش وصله ازاي وليه.. واللي مش عارف يركن ف باركينج فاضي اساسا وحاجات تشل وتشيب..

ماعلينا.. للأسف من حق الانسان يشتري بفلوسه اي حاجة تعجبه حتى لو مش هيعرف يستعملها وهيعمل بيها كوارث عادي خالص.. دة نظام الكوكب لحد دلوقتي والانسان معرفش يخترع نظام احدث منه ينظم بيه السواقة للأسف لسة..

نأمل ف المستقبل الاجيال اللي جاية علمها يكون احدث من علمنا الحديث ويقدروا يخترعوا جهاز ما لما تحطه على مناخير اي بني آدم يزمر ويقولك "الانسان دة مالوش ف السواقة" ويعلمه ف مناخيره علامة بتنور فسفوري ف حالة واحدة بس..

لو قل عقله وعاند بعدين وركب عربية ومسك الدركسيون ف ايده ودور وطلع.. ساعتها كل اللي ماشيين ف الطريق هيشوفه وهو سايق وفرحان ومناخيره منورة ماشاء الله ف وسط العربيات بلون فسفوري والكل هيعرف ساعتها انه شخص مالوش ف السواقة وعلى الاقل هيتجنبوه ومحدش هيقرب منه على الطريق..

طبعا دة لو افترضنا انه ف المستقبل هيبقى لسة في عربيات بدركسيون اساسا..

ياللا..ملناش دعوة بحد ونتمنى السلامة للجميع.

يعني مثلا الاخ دة كان بيفكر ف ايه لما عمل كدة بالعربية..
يعني مثلا الاخ دة كان بيفكر ف ايه لما عمل كدة بالعربية..

دخل بالعربية جوة البيت بالورب
دخل بالعربية جوة البيت بالورب

النقل عالي اه بس مش للدرجة اللي تخليك متشوفش العربية اللي قدامك على فكرة
النقل عالي اه بس مش للدرجة اللي تخليك متشوفش العربية اللي قدامك على فكرة

واضح انه داس بكل عزمه على البنزين والفتيس ف وضع المارشيدير ف حصل اللي حصل
واضح انه داس بكل عزمه على البنزين والفتيس ف وضع المارشيدير ف حصل اللي حصل

ركنت فوق العمود الحديد ذات نفسه..شوف الجبروت
ركنت فوق العمود الحديد ذات نفسه..شوف الجبروت

دي واضح انها خناقة مابين العربيات وإحنا كبشر ملناش ذنب
دي واضح انها خناقة مابين العربيات وإحنا كبشر ملناش ذنب

لا تعليق ونو كومنت ومنه لله ع الخضة اللي خضها لأصحاب البيت المسكين دة
لا تعليق ونو كومنت ومنه لله ع الخضة اللي خضها لأصحاب البيت المسكين دة

العربية فعصت الموتوسيكلات تماما  وهي بتركن او بتطلع من الركنة ف الاغلب
العربية فعصت الموتوسيكلات تماما وهي بتركن او بتطلع من الركنة ف الاغلب

دة درس للأخ صاحب العربية اللي ركن جنب حنفية الحريق مش هينساه ابدا وغالبا هيعيش طول عمره متعقد من الحنفيات كلها
دة درس للأخ صاحب العربية اللي ركن جنب حنفية الحريق مش هينساه ابدا وغالبا هيعيش طول عمره متعقد من الحنفيات كلها

ترضى انتا حد ينط بعربيته ف حمام السباحة بتناعك كدة بذمتك؟
ترضى انتا حد ينط بعربيته ف حمام السباحة بتناعك كدة بذمتك؟

دة واحد دخل بعربيته حرفيا جوة البيت
دة واحد دخل بعربيته حرفيا جوة البيت

دي مجرد غتاتة عربيات صغننة مش اكتر
دي مجرد غتاتة عربيات صغننة مش اكتر

ازاي تشرح لحد ان في عربية خبطتك وانتا قاعد جوة بيتكوا؟
ازاي تشرح لحد ان في عربية خبطتك وانتا قاعد جوة بيتكوا؟

دة واحد نزل بالعربية لحد المترو تحت ماشاء الله
دة واحد نزل بالعربية لحد المترو تحت ماشاء الله

لا تعليق..لاتعليق
لا تعليق..لاتعليق

الفالحة مكانتش عارفة ان في حاجة اسمها فرامل يد غالبا
الفالحة مكانتش عارفة ان في حاجة اسمها فرامل يد غالبا

شايف الافترا بتاع الانسان
شايف الافترا بتاع الانسان

دة واضح انه انهيار ارضي والعربية وصاحبها مظلومين..
دة واضح انه انهيار ارضي والعربية وصاحبها مظلومين..

مثال تاني علي الناس اللي بتخش بعربياتها بيوت الناس من غير إستئذان
مثال تاني علي الناس اللي بتخش بعربياتها بيوت الناس من غير إستئذان

لو عجبك الموضوع دة وحابب تشوف زيه أو أحسن منه خش هنا قط بلدي