تعرف على حظك اليوم لبرج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الأسد عاطفياً

( الكراش والإكس والبوي والجيرل فريند والجوز والزوجة والقرايب ):

عاطفيا انتا محتاج تحب بشكل واضح وبسيط وعلني وتفكك من اجواء السرية اللي انتا عايشها اليومين دول خالص..ثم بتداري ليه وايه بالظبط؟

حظك اليوم برج الأسد عملياً 

( الشغل والمذاكرة والتخطيط لبكرة ):

هتتحمس النهاردة جدا لحاجة حلوة وتستاهل تخرجك من مور الإكتئاب والقرف من كل حاجة اللي انتا فيه دة بقالك حبة..

حظك اليوم برج الأسد صحياً 

( نفسيا وجسمانيا وكل مايخص طاسة المزاج ):

كل حاجة تمام جسمانيا بس حاول نفسيا متاخدش كل تفصيلة بتحصلك على صدرك وتعتبرها اهانة شخصية ليك..بلاش..خليك بسيط معلش عشان اليوم يعدي وابقى انتقم منهم كلهم بكرة ولا بعد بكرة.. حاول متاخدش حياتك بشكل شخصي..

حظك الغذائي:

غذائيا انتا محتاج تركز ف الفاكهة النهاردة وف اي طبق شيكولاتة على ايس كريم كدة يتولك ويخليك بعد ماتاكله مش فاهم اي حاجة غير انك مبسوط وبس من نفسك ومن العالم ومن الطبق ذات نفسه..

شعارك اليوم:

مادامت انا موجود ستكون ثاني افضل الموجودين..

لونك اليوم:

أخضر غامق..

إعرف توافق برج الأسد مع باقي الأبراج النهاردة

متوافق مع الابراج البطوطية والمسائية والملسائية والهوائية..

من مشاهير برج الأسد 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.