تعرف على حظك اليوم ل برج الحوت مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الحوت عاطفياً

( الكراش والإكس والبوي والجيرل فريند والجوز والزوجة والقرايب ):

حاول تركز النهاردة ف انك تحب نفسك وبعد كدة ابقى حب الناس براحة راحتك..النهاردة انتا أهم منهم حبة وتستاهل تدي نفسك الاهتمام دة..حاول متتخانقش معاها بس 

حظك اليوم برج الحوت عملياً 

( الشغل والمذاكرة والتخطيط لبكرة ):

حاول النهاردة تتعامل مع الناس بصدر رحب وبإبتسامة لطيفة وبلاش تصدر ف وشهم عقدك وكلاكيعك لمجرد انك بتشك ف نفسك..كمان حاول تبطل تواضع وخد حقك ف التمركز بأريحية ف الصدارة طالما "تستاهلها"..مش لمجرد ان فاكر نفسك ومتخيل انك تستاهلها..

حظك اليوم برج الحوت صحياً 

( نفسيا وجسمانيا وكل مايخص طاسة المزاج ):

صحتك تمام وف حالة جهوزية تامة للحب وللحياة..حاول بس تاخد بالك من جيوبك الانفية خصوصا بالنهار عشان مترجعش تشتكي من الصداع بالليل بدون داعي..

حظك الغذائي:

البطاطس والبامية والرز والمكرونة ام صلصة حمرا مش بيضا والمخلل..كل دي حاجات تقدر تتجهلها وانتا متطمن النهاردة انها مش هتعملك عكوسات بعد ماتاكلها..

شعارك اليوم:

ضربني وبكى وسبقني ف الهشتكة..

لونك اليوم:

ميسيتك..

إعرف توافق برج الحوت مع باقي الأبراج النهاردة

متوافق مع الابراج الهوائية والبرمائية..

من مشاهير برج الحوت

<iframe width="100%" height="166" scrolling="no" frameborder="no" src="https://w.soundcloud.com/player/?url=https%3A//api.soundcloud.com/tracks/34349874&amp;color=%23ff5500&amp;auto_play=true&amp;hide_related=false&amp;show_comments=true&amp;show_user=true&amp;show_reposts=false&amp;show_teaser=true"></iframe>

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.