تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الدلو عاطفياً

( الكراش والإكس والبوي والجيرل فريند والجوز والزوجة والقرايب ):

عواطفك مشتعلة ماشاء الله النهاردة ومفيش اي حاجة ممكن تتطفيها..حالة من الحماسة المفاجئة واللي ممكن تبقى شبه البركان بس على المغرب الحالة دي هتهدى كتير جدا وهتعدي بسرعة وتختفي كأنها سحابة صيف..

حظك اليوم برج الدلو عملياً 

( الشغل والمذاكرة والتخطيط لبكرة ):

محتاج تعمل نشاط يدوي بإيدك النهاردة..محتاج تبذل مجهود مضاعف وتركيز مميز وطويل عشان تعمل حاجة حلوة زي ما إتعودت ف كل حاجة..حاول بس متسرحش ورا اوهام الإلهام والوحي والمود وإبتدي علاطول وإكسر حدة أول ساعة لأن كل حاجة بعدها هتبقى سهلة زي البتاعة..إستمتع..

حظك اليوم برج الدلو صحياً 

( نفسيا وجسمانيا وكل مايخص طاسة المزاج ):

صحتك بتتحسن لانك مهتم..خليك مهتم كدة علاطول ياريت وبلاش كسل وإهمال وإبعد عن التفكير ف السلبيات مهما حاوطتك وكترت من حواليك..كلها مسيرها تعدي وبسرعة وبدون اي خساير ان شاء الله..

حظك الغذائي:

على وضعك النهاردة ف الاكل ومن حقك تضرب شاورمة او برجر بيض وجبنة وبطاطس ومسعقة وكمان ممكن تخش ف بيتزا صغننة على مزاجك لو حبيت..المهم تشرب سوايل كتير وتبعد عن القهوة والشاي زي مانتا واكل حاجة تبقى تمام..

شعارك اليوم:

ف أول الكلام وعشان كل حاجة تبقى تمام..عبّر الناس الأول بسلام..

لونك اليوم:

تركواز ..

إعرف توافق برج الدلو مع باقي الأبراج النهاردة

متوافق مع الابراج السرسوبية والدخانية والمائية.

من مشاهير برج الدلو

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.