تعرف على حظك اليوم لبرج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الأسد عاطفياً

( الكراش والإكس والبوي والجيرل فريند والجوز والزوجة والقرايب ):

حاول متخسرش حبيبك النهاردة ف اي مشادة كلامية ممكن تحصل مابينكم لإختلاف الاراء او اختلاف الاذواق او إختلاف قوة وحماسة فيضان المشاعر مابينكم..خليك انتا الكبير وإحتوي الموقف بهدوء وبعقل ياريت..

حظك اليوم برج الأسد عملياً 

( الشغل والمذاكرة والتخطيط لبكرة ):

متتعصبش النهاردة يابرج الأسد وخليك هادي وعاقل..الاصرار والمقاوحة ف الغلط هتوديك ف سكة نفسية كلها مزحلقة..وانتا مبتحبش الزحلقة..ف على ايه..خليك لطيف احسن..

حظك اليوم برج الأسد صحياً 

( نفسيا وجسمانيا وكل مايخص طاسة المزاج ):

دلع نفسك قبل ما اي حد يدلعك..خد القرار وابتدي نفذ وف هدوء..دة حقك ودي صحتك ومزاجك ومودك..من حقك تنبسط يامعلم..

حظك الغذائي:

تقدر تحط جبنة على اي حاجة ينفع يتحط عليها جبنة النهاردة سواء الفراخ او اللحوم او حتى الجبنة ذات نفسها..حاول بس تنقي نوع جبنة خفيف شوية عشان الاكل ميبقاش دسم بزيادة ويكبس على مراوحك ويخليك تنام وانتا قاعد فجأة..

شعارك اليوم:

مادامت انا موجود ستكون ثاني افضل الموجودين..

لونك اليوم:

أخضر غامق..

إعرف توافق برج الأسد مع باقي الأبراج النهاردة

متوافق مع الابراج الفرفوشية والانتعاشية والمائية..

من مشاهير برج الأسد 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.