التوقيت الجمعة، 29 مارس 2024
التوقيت 03:11 ص , بتوقيت القاهرة

برج السرطان حظك اليوم الثلاثاء 21/11/2017 ..طيب وأمور النهاردة

برج السرطان
برج السرطان

تعرف على حظك اليوم لبرج السرطان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


برج السرطان


حظك اليوم برج السرطان عاطفياً:


( الكراش والإكس والبوي والجيرل فريند والجوز والزوجة والقرايب ):


 


إبعد عن الشر وغنيله وخليك ف حالك كدة وبلاش اي تآمر او تكتكة لحد من تحت لتحت من اي نوع..اليوم ممكن يبوظ بسبب الحاجات التافهة دي..


حظك اليوم برج السرطان عملياً:


( الشغل والمذاكرة والتخطيط لبكرة ):


 


متسمعش لشيطانك النهاردة..النهاردة انتا طيب وأمور وبس..


حظك اليوم برج السرطان صحياً:


( نفسيا وجسمانيا وكل مايخص طاسة المزاج ):


متركزش مع الناس واحوالهم عشان متتعبش او يجيلك إكتئاب وانتا لسة صغنن ع الإكتئاب..ف على ايه..خليك ف حالك وانبسط بطريقتك ومع نفسك وبس..


 


حظك الغذائي:


رز وفراخ ومكرونة وطبيخ براحتك يامعلم..حاول بس بعد المعركة دي تحبس بعصير قصب او شاي اخضر..بلاش شاي..


 


شعارك اليوم:


الضهر إنحني من كتر الشبحنة..


لونك اليوم:


بوستاشيو..


إعرف توافق برج السرطان مع باقي الأبراج النهاردة


متوافق مع الابراج الغازية والمرتضائية والمائية والبرمائية..


من مشاهير برج السرطان


Katrina Kaif برج السرطان



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج السرطان