التوقيت الخميس، 28 مارس 2024
التوقيت 04:55 م , بتوقيت القاهرة

حظك اليوم مع عبدالله أحمد الاثنين 20/11/2017 ..متذاكرش لعيال صغننة

حظك اليوم وتوقعات الأبراج مع عبدالله أحمد الاثنين 20/11/2017
حظك اليوم وتوقعات الأبراج مع عبدالله أحمد الاثنين 20/11/2017

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


إزاي مفيش ماسك جبنة بالقوطة طالما في ماسك خيار وزبادي.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الاثنين 20/11/2017 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


داخل على مشروع جديد او بتفكر تخش ف مشروع ما.. موفق ف كل الاحوال طالما نيتك خير.


برج الحمل عملياً


( الشغل والمذاكرة والتخطيط لبكرة ):


الفلوس عاملالك قلق وازمة بشكل دايم ودة مش كويس..حاول تنوع مصادر دخلك على قد ماتقدر وتيجي على نفسك حبة وتلم ايدك ف الصرف حبة لحد مانشوف الكوكب دة اقتصاده رايح على فين بالظبط معلش..


برج الحمل صحياً


( نفسيا وجسمانيا وكل مايخص طاسة المزاج ):


الصداع الناتج عن النقار والشكّل والمناهدة طبيعي يضايقك خصوصا وانك مش عارف تبطل تعمل الحاجات دي للأسف..الحل بسيط..متذاكرش لعيال صغننة خالص..


إعرف توافق برج الحمل مع باقي الأبراج النهاردة:


متوافق مع الابراج البلاستيكية والحلزونية والهوائية والنارية..


حظك اليوم برج الثور دوت مصر


إعرف حظك اليوم برج الثور بالتفصيل الاثنين 20/11/2017 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


طاقة جبارة جواك النهاردة..حاول تستغلها صح وياريت ياريت تستغلها ف الخير..مش ف مرازية الناس.


برج الثور عملياً


( الشغل والمذاكرة والتخطيط لبكرة ): 


وجه نشاطك لكل الحاجات اللي انتا نفسك تنجح فيها مش ف الحاجات اللي نفسك تنجح فيها بس ممنهاش امل ياريت وخليك واقعي حبة ومتتشعبطش ف حبال الهوا الدايبة بدون داعي او منطق..


برج الثور صحياً 


( نفسيا وجسمانيا وكل مايخص طاسة المزاج ):


مش لازم تخس اوي عشان صحتك تظبط وتتعدل قد ما مهم تحسن من حالتك النفسية عن طريق الانشطة اللي مبتخنش زي الاكل بالليل والحزن والاكتئاب كدة..دي كلها حاجات انتا لازم تبعد عنها لو حابب تختار تبقى صحتك افضل واحسن واروق..


إعرف توافق برج الثور مع باقي الأبراج النهاردة:


متوافق مع الابراج البسبوسية والحرنكشية والكتكوتية والنارية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الاثنين 20/11/2017 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


إبعد عن الناس حبة وخليك مع نفسك النهاردة.. ركز ف المزيكا والاكل الحلو ودلع روحك.. مجهودك تجاه الناس ممنوش فايدة النهاردة.. اللي عاوز ينبسط ينبسط واللي مش عاوز عنه ما انبسط.. متوجعش دماغك بحد.


برج الجوزاء عملياً 


( الشغل والمذاكرة والتخطيط لبكرة ):


وراك تفاصيل وانشطة بسيطة جدا بس مهمة جدا ولطيفة جدا خصوصا لو ركزت انك تعملها بإستمتاع وحماسة..


برج الجوزاء صحياً 


( نفسيا وجسمانيا وكل مايخص طاسة المزاج ):


صحتك محتاجة انك تحاول تخرج وتقعد حبة ف الشمس وتتفاءل وتفكر ف الحاجات الحلوة وتفكك من النكد خالص لانه ممنوش رجا ولا فايدة..


تعرف على توافق برج الجوزاء مع باقي الأبراج النهاردة:


متوافق مع الابراج الكهربائية والخشبية والاخطبوطية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل الاثنين 20/11/2017 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


أجواء ترقب وقلق بتلعب جوة نفسيتك..مستني ايه يحصل بالظبط؟.


برج السرطان عملياً 


( الشغل والمذاكرة والتخطيط لبكرة ):


في حد مركز معاك وحاطك ف دماغه ومقرر انه يعد غلطاتك من وراك للسبب ما خفي..حاول تطنشه خالص لأنه مالوش اي قيمة او لازمة لا للناس ولا لنفسه..


برج السرطان صحياً 


(نفسيا وجسمانيا وكل مايخص طاسة المزاج ):


حاول متحرقش دمك بمتابعة اي نشاط كروي اليومين دول..وفر اعصابك لنفسك احسن..


تعرف على توافق برج السرطان مع باقي الأبراج النهاردة:


متوافق مع الابراج الغازية والمرتضائية واللولبية..


حظك اليوم برج الا?سد دوت مصر


إعرف حظك اليوم برج الأسد بالتفصيل الاثنين 20/11/2017 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتلجأ لإستعراض قوتك وذكائك كتير بدون أي داعي..خليك طيب وقريب أحسن عشان متخسرش الناس وتبعدهم من حواليك بدون داعي..


برج الأسد عملياً 


( الشغل والمذاكرة والتخطيط لبكرة ):


محتاج تقرر بينك وبين نفسك انتا هتكمل ف اللي بتعمله ولا هتسيبه وتبتدي حاجة تانية خصوصا وانك مش ف حالة رضا لا عن نفسك ولا عن اللي بتعمله..


برج الأسد صحياً 


( نفسيا وجسمانيا وكل مايخص طاسة المزاج ):


محتاج تقعد بشكل صحيح عشان ضهرك ميوجعكش ومحتاج تركز ف النشاطات اللي فيها حركة حبة..


تعرف على توافق برج الأسد مع باقي الأبراج النهاردة:


متوافق مع الابراج المائية والبرمائية والترابية..


حظك اليوم برج العذراء دوت مصر


إعرف حظك اليوم برج العذراء بالتفصيل الاثنين 20/11/2017 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتحاول تبان عاقل وهادي النهاردة ودة جميل طبعا ونتايجه ان شاء الله مثمرة..بس السؤال بقى هل ياترى هتقدر تفضل كدة عاقل وهادي طول الوقت ولا دي مجرد حالة مؤقتة.


برج العذراء عملياً 


( الشغل والمذاكرة والتخطيط لبكرة ):


حاول تبتسم ف وش القدر حبة معلش عشان اليوم يعدي بس مش اكتر..


برج العذراء صحياً 


( نفسيا وجسمانيا وكل مايخص طاسة المزاج ):


محتاج تتمرن حبة على رياضة التفاؤل يمكن مودك يبقى افضل واحسن وبالتالي نفسيتك وصحتك هتتحسن بالتبعية..


تعرف على توافق برج العذراء مع باقي الأبراج النهاردة:


متوافق مع الابراج الترابية واللحلوحية والدخانية..


حظك اليوم برج الميزان دوت مصر


إعرف حظك اليوم برج الميزان بالتفصيل الاثنين 20/11/2017 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاول تنام الضهر النهاردة حبة عشان هتتباس ف أحلامك.. من أحلامك.


برج الميزان عملياً 


( الشغل والمذاكرة والتخطيط لبكرة ):


كل حاجة ماشية بس لوحدها..في تشويش وفي توهان وفي محاولات لطمس مجهودك من ناس بتحاول تعكنن عليك..عدي اليوم بالذات فترة بالنهار لأن فترة الليل فيها انبساط وروقان جميل جاي ف سكتك ان شاء الله..


برج الميزان صحياً 


( نفسيا وجسمانيا وكل مايخص طاسة المزاج ):


صحتك كويسة بس ممكن تبقى افضل خصوصا لو نمت كويس بالليل ومضيعتش وقتك ف التفكير والقلق من كل حاجة بتحصل او هتحصل تاني يوم بالنهار..التفكير بشكل إستباقي مش لطيف ومش مفيد ولازم تبطله خالص لو سمحت..


تعرف على توافق برج الميزان مع باقي الأبراج النهاردة:


متوافق مع الابراج الحسواكية والإنبهارية والنارية..


حظك اليوم برج العقرب دوت مصر


إعرف حظك اليوم برج العقرب بالتفصيل الاثنين 20/11/2017 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتحاول تتغير بس بتواجه صعوبة ف إقناع الاخرين بالتغير دة لأنك بتطلب نتايج لحظية فورية للتغيير دة ف حين ان اللي حواليك ممكن يكونوا مش مصدقين انك عاوز تتغير خصوصا وانك دايما بتقولهم علي اي حاجة “انه مش ف دماغك وانه مش مهم”.


برج العقرب عملياً 


( الشغل والمذاكرة والتخطيط لبكرة ):


حط مزيكتك ف ودانك وركز ف اللي بتعمله النهاردة ومتحاولش تخش ف اي معارك كلامية مع اي حد..انتا محتاج هدوء النهاردة بشكل كبير..عشان تعرف تفكر وتقرر وتنفذ..


برج العقرب صحياً 


( نفسيا وجسمانيا وكل مايخص طاسة المزاج ):


صحتك محتاجة دايت خفيف جدا تجاه الاصناف التقيلة والدسمة والصعبة ف الهضم وبس ف الاكل..غير كدة تقدر تاكل اي حاجة تعجبك


تعرف على توافق برج العقرب مع باقي الأبراج النهاردة:


متوافق مع الابراج المستحية والفرفورية والهوائية..


حظك اليوم برج القوس دوت مصر


إعرف حظك اليوم برج القوس بالتفصيل الاثنين 20/11/2017 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


إهتم بالحب النهاردة أكتر من أي حاجة تانية..حب الاخرين طبعا مش حب نفسك ف نفسك..


برج القوس عملياً 


( الشغل والمذاكرة والتخطيط لبكرة ):


سيبك النهاردة من اي حاجة وركز ف العواطف والحب والمشاعر والحاجات الحلوة دي..الجو مناسب ومنعش..


برج القوس صحياً 


( نفسيا وجسمانيا وكل مايخص طاسة المزاج ):


خد بالك من ضهرك النهاردة ومن رقبتك ومن ركبك عشان الجو ساقع حبة خصوصا بالليل..وحاول متتحركش اي حركات فجائية من حالة الثبات للحركة عشان مفيش حاجة فيك تتلوح..انتا مش ناقص..


تعرف على توافق برج القوس مع باقي الأبراج النهاردة:


متوافق مع الابراج الفسفورية والحربائية والنارية..


حظك اليوم برج الجدي دوت مصر


إعرف حظك اليوم برج الجدي بالتفصيل الاثنين 20/11/2017 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


خليك حنين وبلاش تصدر الوش الخشب ف وش اللي بيحبوك.. كمان خد بالك انك محتاج تركز وتبذل مجهود ف كل الجبهات اللي انتا بتحارب فيها عشان تنتصر على الحياة وتنجح.. هتتعب حبة بس تأكد ان الناتج اكيد يستاهل.


برج الجدي عملياً 


( الشغل والمذاكرة والتخطيط لبكرة ):


في اجواء من الدوشة واللخبطة حواليك بشكل مشتتك ف مليون اتجاه للأسف..حاول ف نص اليوم تفصل ساعة او اكتر من ساعة وتروق دماغك وتسرح مع اي فيلم لطيف او مزيكا هادية او مكالمة حب حلوة..


برج الجدي صحياً 


( نفسيا وجسمانيا وكل مايخص طاسة المزاج ):


صحتك تمام محتاج بس تهتم برجليك حبة وبكعوب رجليك تحديدا وتسقيهم بالليل ف مية دافية وخل نص ساعة كدة ولا حاجة..


تعرف على توافق برج الجدي مع باقي الأبراج النهاردة:


متوافق مع الابراج الفسفورية والدرامية والترابية..


حظك اليوم برج الدلو دوت مصر


إعرف حظك اليوم برج الدلو بالتفصيل الاثنين 20/11/2017 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


الشحتفة حالة متناسبكش ومش لونك ولا مقاسك ابدا.. انما الندب دة بالنسبالك رياضة..خصوصا لما تكون بتلوم ف نفسك بدل ما تولع ف مراكب أعدائك..بلاش إستسهال وواجه ومتقلقش..هتنتصر وببراعة..بلاش خوف بس مش أكتر.


برج الدلو عملياً 


( الشغل والمذاكرة والتخطيط لبكرة ):


محتاج تصحى بدري حبة ومحتاج تركز ف انك تكثف جهودك اليومين دول عشان تتألق ف اي حاجة انتا بتعملها..الجو مناسب للنجاح وللتألق جدا ومناسب برضة عشان تقفل ابواب القلق وتعمل اللي عليك وبس..


برج الدلو صحياً 


( نفسيا وجسمانيا وكل مايخص طاسة المزاج ):


سوايل كتير زي اليومين اللي فاتوا وياريت تبعد فعلا عن الشاي والقهوة مهما بدا ليك الامر مغري..معلش..عشان صحتك تبقى كويسة بس..


تعرف على توافق برج الدلو مع باقي الأبراج النهاردة:


ترمس كتير بالتوم والخل وبلاش اي شطة..اليوم مناسب للعصاير الإكزوتيك الغريبة ومناسب برضة لهمبرجر بيض وجبنة بالنهار وبالليل سندوتشات خفيفة..كشري مثلا ومحشي ومكرونة..مش اكتر من كدة عشان متتعبش او يجيلك لاسمح الله كوابيس..


حظك اليوم برج الحوت دوت مصر


إعرف حظك اليوم برج الحوت بالتفصيل الاثنين 20/11/2017 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مترفعش راية الحرب على حد لأنك ف الاخر بعد ما تخلص كل حروبك وتاخد كل اللي انتا متخيل انك عاوزه من الناس ومن الحياة هتقعد لوحدك وتكتشف انك كنت موهوم وانك كنت بتحارب ف نفسك ف الاساس..خليك أليف أحسن..تجاه الناس وتجاه نفسك.


برج الحوت عملياً 


( الشغل والمذاكرة والتخطيط لبكرة ):


إبعد عن اللون الاحمر النهاردة ف كل حاجة وحاول متتعصبش او تفكر ف اي حاجة تقلقلك لأن اليوم جميل ومنعش ومناسب للفرحة والزقططة مش للنكد او للتفكيد ف أي حاجة تأدي ف الاخر لأي نكد..


برج الحوت صحياً 


( نفسيا وجسمانيا وكل مايخص طاسة المزاج ):


في باور كويس يكفي انك تتحرك وتمارس كل الانشطة المتعددة اللي بتحبها..ياريت ميبقاش من ضمنها المرازية او الخناق مع اي حد..


تعرف على توافق برج الحوت مع باقي الأبراج النهاردة:


متوافق مع الابراج الترابية والهوائية والسرسوبية..



اعلان حظك اليوم دوت مصر