إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

المفروض يبقى في بلاك فرايداي على المشاعر.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل السبت 18/11/2017 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

الهروب مينفعش رياضة بس اوقات بيبقى مسلي جدا بالنسبالنا نهرب من كل حاجة ومن كل حد..قشطة طالما دة هيخليك مبسوط يبقى خليك ف الهروب احسن..المهم تبقى كويس.

برج الحمل عملياً

( الشغل والمذاكرة والتخطيط لبكرة ):

كبر دماغك وعيش مع نفسك زي مابتحب..دة حقك..متسمعش لأي حد يحاول يخرجك من الحالة دي..دي ناس بتاعت مصلحتها وبس..خليك مع نفسك أحسن..

برج الحمل صحياً

( نفسيا وجسمانيا وكل مايخص طاسة المزاج ):

حالة الشحتفة امتع من اي حاجة ف الدنيا بالنسبالك لأنه بتديلك الفرصة انك متواجهش نفسك وتحاسبها..ابدا ..انتا اسهلك تحسسها انها ضحية وبالتالي تبقى ف نظرك مستحقة للطبطبة والتعويض..قشطة..طالما انتا مبسوط يبقى قشطة..اعمل اللي يريحك..نفسك وانتا حر فيها طبعا مفيش كلام..

إعرف توافق برج الحمل مع باقي الأبراج النهاردة:

متوافق مع الابراج المستحية والخيالية..

إعرف حظك اليوم برج الثور بالتفصيل السبت 18/11/2017 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

كرامتك اهم من الحب طبعا مفش كلام..خليها تنفعك بقى وخليها تونس وحدتك براحتها..إديها فرصتها بس وهي هتتعلم تعمل كدة.

برج الثور عملياً

( الشغل والمذاكرة والتخطيط لبكرة ): 

طالما مش عاوز حاجة وبتقول انك مش عاوزها يبقى متجريش وراها من تحت لتحت..المنطق بيقول كدة..

برج الثور صحياً 

( نفسيا وجسمانيا وكل مايخص طاسة المزاج ):

صحتك زي الفل انتا بس غالبا بتتدلع عشان محتاج شوية اهتمام ودة مش هيحصل خصوصا وانك مبتديش اهتمام لأي حد وفاكر ان دة تكبير دماغ ف حين انه غرور مكلف لانك مسيرك تحتاج نفس الناس دي بعدين ياناصح..

إعرف توافق برج الثور مع باقي الأبراج النهاردة:

متوافق مع الابراج البلاستيكية والحلزونية والكتكوتية..

إعرف حظك اليوم برج الجوزاء بالتفصيل السبت 18/11/2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ابعد عن الازرق النهاردة ف كل حاجة..خصوصا ف التصرفات.. نقي تبعد لما ميكونلكش مكان..إختار تقعد ف حالك ومتسرحش ورا الأوهام لأن ممنهاش فايدة وهتفضل اوهام مهما عملت خصوصا وانك لازم تتعلم تتحمل نتيجة تصرفاتك..عاجلا او عاجلا لازم تتعلم.. وهتتعلم.

برج الجوزاء عملياً 

( الشغل والمذاكرة والتخطيط لبكرة ):

اليوم ملائم ومناسب جدا عشان تبتدي تبص لبكرة وتنسى اللي فات لأنه مات..

برج الجوزاء صحياً 

( نفسيا وجسمانيا وكل مايخص طاسة المزاج ):

صحتك محتاجة نعنشة وفرفشة ونفسية حلوة كويسة..حاول تنبسط عشان صحتك تبقى كويسة..دة حقك..

تعرف على توافق برج الجوزاء مع باقي الأبراج النهاردة:

متوافق مع الابراج البسبوسية والحرنكشية..

إعرف حظك اليوم برج السرطان بالتفصيل السبت 18/11/2017 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الحب مهم ف حياتك..بس السيطرة اهم منه بمراحل.. كمان انتا تقريبا مدمن لإنك تحسس اللي حواليك بالذنب طول الوقت وبتنتقدهم..طب ماتبص لنفسك حبة طالما انتا عاقل اوي كدة ومهتم ان العالم يبقى مكان افضل للبشر..

برج السرطان عملياً 

( الشغل والمذاكرة والتخطيط لبكرة ):

حاول تقف تعمل لنفسك اكل النهاردة بما انك بتحب تقف ف المطبخ..النشاط دة هيقضي على التوتر اللي بيتنامى جواك بقاله حبة..كمان ريحة الاكل وهو بيتعمل واحساس الانجاز مهم جدا وهيبسطك ويفرفشك..

برج السرطان صحياً 

(نفسيا وجسمانيا وكل مايخص طاسة المزاج ):

ابعد عن العصبية الفترة دي خالص ومتسيبش حاجة تضايقك او تقلق منامك..كمان حاول تفكر كويس قبل ماتحدف حد كلمة لأنه مش هيسكتلك وهترجع تندم..ف على ايه..خليك طيب ونايس احسن..

تعرف على توافق برج السرطان مع باقي الأبراج النهاردة:

متوافق مع الابراج البرمائية والحبشتكانية..

إعرف حظك اليوم برج الأسد بالتفصيل السبت 18/11/2017 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إبعد عن آذية الناس بالمشوار النهاردة خصوصا بالكلام.. إحتفظ بملاحظاتك اللاذعة الثاقبة اللي جاية من الكنترول لنفسك ياريت..انتا مش إتش أر على البشر.

برج الأسد عملياً 

( الشغل والمذاكرة والتخطيط لبكرة ):

نفسك ف حاجات كتير ومش طايلها وواقف حياتك وخيالك عليها كأنك طفل شبط ف لعبة قدام محل لعب..طب وبعدين..حاول تبقى عملي حبة وتأجل الاحلام الصعبة لوقت تاني يكون مناسب معلش..

برج الأسد صحياً 

( نفسيا وجسمانيا وكل مايخص طاسة المزاج ):

اهتم برقبتك النهاردة وبضهرك بشكل عام وحاول تشرب مية كتير ومتتحركش حركات فجائية مرة واحدة..بالهداوة على نفسك..بالهداوة..

تعرف على توافق برج الأسد مع باقي الأبراج النهاردة:

متوافق مع الابراج الزلومية والحلبسية..

إعرف حظك اليوم برج العذراء بالتفصيل السبت 18/11/2017 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاسس انك تايه النهاردة ومش محدد الاتجاهات لأنك ببساطة بتتجاهل تعمل الصح اللي انتا عارف انه صح وبتعمل الصح اللي هو صح من وجهة نظر الناس مش من وجهة نظرك انتا خالص..

برج العذراء عملياً 

( الشغل والمذاكرة والتخطيط لبكرة ):

حاول توجه عواطفك لشخص واحد فقط عشان متعملش لنفسك مشاكل نفسية انتا ف غنى عنها خالص النهاردة..

برج العذراء صحياً 

( نفسيا وجسمانيا وكل مايخص طاسة المزاج ):

محتاج تمارس رياضة او تلعب كورة بشكل لطيف وخفيف من غير ما تبقى تنافسي مع حد على الكورة..انتا بتلعب عشان تفك عضلاتك مش عشان تجيب جون ف كاس العالم..

تعرف على توافق برج العذراء مع باقي الأبراج النهاردة:

متوافق مع الابراج الحلبسية والمطاطية والنارية..

إعرف حظك اليوم برج الميزان بالتفصيل السبت 18/11/2017 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حواليك ناس كتير اكبر منك متخيلين طول الوقت انهم عارفين مصلحتك اكتر منك وبيتدخلوا ف حياتك بشكل فج..الغريب انك ساكتلهم او خايف منهم او بتطلب دة منهم عشان خايف تبقى مسئول عن قرارتك طول الوقت..خيبة بالويبة انك تسيب حد يعيشلك حياتك على فكرة.

برج الميزان عملياً 

( الشغل والمذاكرة والتخطيط لبكرة ):

اليوم اجازة عند معظم الناس ودة مش معناه انه وقت فاضي متعملش فيه حاجة بالعكس المفروض النهاردة تعمل كل الحاجات اللي انتا مأجلها بقالك اسبوع..او على الاقل تحط خطة عشان تحسس نفسك انك على الاقل عملت خطة..

برج الميزان صحياً 

( نفسيا وجسمانيا وكل مايخص طاسة المزاج ):

اخرج للجناين والشمس والهوا والناس النهاردة..مش عشان تبوظ نفسيتك بالتعامل مع ناس انتا متبحبهاش..

تعرف على توافق برج الميزان مع باقي الأبراج النهاردة:

متوافق مع الابراج الحسواكية والإنبهارية..

إعرف حظك اليوم برج العقرب بالتفصيل السبت 18/11/2017 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

شوفلك حاجة مفيدة النهاردة إعملها بخلاف المرازية المجانية ف الناس..

برج العقرب عملياً 

( الشغل والمذاكرة والتخطيط لبكرة ):

اليوم هادي وجايز عادي..حاول تستفيد منه ف النوم او ف القعدة مع صحابك وبلاش تفكير كتير ف حاجات ممنهاش رجا..

برج العقرب صحياً 

( نفسيا وجسمانيا وكل مايخص طاسة المزاج ):

صحتك كويسة ودة للأسف معناه انك ف مود عدواني لأنك كل مابتحس انك كويس بتتوحش على الناس كأنك ضمنت انك مش هتتعب تاني او مش هتعيا تاني..

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والحنتوسية والهوائية..

إعرف حظك اليوم برج القوس بالتفصيل السبت 18/11/2017 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

ميل كبير للزقططة والفرحة بس في حاجات محبطة كتير حواليك مخوفاك تنبسط لترجع تتنكد بعدين..

برج القوس عملياً 

( الشغل والمذاكرة والتخطيط لبكرة ):

من جواك حاسس انك مستحق لكل حاجة بتحلم بيها بس الواقع بيقول غير كدة طول الوقت..حاول متعاندش بزيادة عشان مفيش فايدة..

برج القوس صحياً 

( نفسيا وجسمانيا وكل مايخص طاسة المزاج ):

صحتك كويسة بس انتا بسهولة بتقع فريسة للأوهام ومبتسمعش كلام الدكاترة..

تعرف على توافق برج القوس مع باقي الأبراج النهاردة:

متوافق مع الابراج النارية والكبريتية..

إعرف حظك اليوم برج الجدي بالتفصيل السبت 18/11/2017 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

جميل النهاردة وفي حالة هفهفة حواليك هتشد حاجات وإحساسات كتير جميلة لمجالك..حاول تتعامل معاها ببساطة ومن غير تعالي.

برج الجدي عملياً 

( الشغل والمذاكرة والتخطيط لبكرة ):

وراك اكتر من مشوار مؤجلين بقالهم فترة وانتا مش عاوز تعملهم ف الاغلب او خايف او مش مهتم..

برج الجدي صحياً 

( نفسيا وجسمانيا وكل مايخص طاسة المزاج ):

صحتك هتبقى كويسة ومستقرة لو بطلت تقلق نفسك من كل تفصيلة صغيرة حواليك بتضايقك..كمان لو اتحركت بشكل سليم واكلت كويس وكبرت دماغك من المشاكل هتبقى برضة كويس..

تعرف على توافق برج الجدي مع باقي الأبراج النهاردة:

متوافق مع الابراج الفسفسائية والترابية..

إعرف حظك اليوم برج الدلو بالتفصيل السبت 18/11/2017 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

عالم ميستاهلش منك ولا احساس ولا انتياه ولا مجهود اساسا بس انتا لسة للأسف عندك امل فيه بعد كل اللي شوفته منه دة..عندك امل يحس على دمه ويقدر اللي انتا فيه بس مبيحصلش..للأسف انه مبيحصلش..

برج الدلو عملياً 

( الشغل والمذاكرة والتخطيط لبكرة ):

خليك ف السرير النهاردة متتحركش منه لحد ماتبانلك علامة او حاجة تستاهل تقوم عشانها..غير كدة متتحركش.. مفيش حاجة مستاهلة مجهودك اصلا..كبر دماغك وريح حبة..

برج الدلو صحياً 

( نفسيا وجسمانيا وكل مايخص طاسة المزاج ):

مسرك تخف وتبقى زي الفل..حاول بس متزهقش او تمل من المتابعة والاهتمام..مش اكتر..

تعرف على توافق برج الدلو مع باقي الأبراج النهاردة:

متوافق مع الابراج الخيالية..

إعرف حظك اليوم برج الحوت بالتفصيل السبت 18/11/2017 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

واضح انك بتفكر تلجأ للعنف بعد استنفاذ كل الطرق السلمية من وجهة نظرك.. قشطة انتا حر تمعمل اللي يعجبك.. بس خد بالك ان العنف دايما الرد عليه بيبقى بعنف..وبدون تفكير كافي مسبق.

برج الحوت عملياً 

( الشغل والمذاكرة والتخطيط لبكرة ):

اليوم لطيف وخفيف ومناسب للكسل والانتخة والتفكير ف كل الحاجات المحبطة والنكد..فرصة بالنسبالك صعب تتعوض..إستمتع..

برج الحوت صحياً 

( نفسيا وجسمانيا وكل مايخص طاسة المزاج ):

افطر كويس النهاردة اول ماتصحى وابقى كمل نوم بدها براحتك محدش هيمانع..كمان مهم تقعد حبة ف البلكونة..ولو معندكوش بلكونة اطلع اقف ع السطح حبة ف الشمس..اما لو معندكوش سطح ف مش مهم..مش مهم..

تعرف على توافق برج الحوت مع باقي الأبراج النهاردة:

متوافق مع الابراج الحربائية والهوائية..