تعرف على حظك اليوم برج الحمل مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الحمل عاطفياً

( الكراش والإكس والبوي والجيرل فريند والجوز والزوجة والقرايب ):

الحق:

الشيكولاتة عندك اهم من البشر واساسا بتحلم كتير ببشر معمولة من الشيكولاتة..

إبن عمه:

حنون وجميل ورشيق وروحك خفيفة زي الفراشة وبتعرف تضحك وبتحب تضحك وتنبسط ببساطة وبدون اي تعقيدات..

برج الحمل عملياً:

( الشغل والمذاكرة والتخطيط لبكرة ):

انتا محتاج تفرفش وتكبر دماغك من الدنيا والناس النهاردة.. شوف هتعمل دة ازاي..ياترى هتحتفل ف البيت ولا برة البيت.. ياترى هتعمل كل اللي نفسك فيه برة دماغك ولا جواها ف خيالك كالعادة وبس..وف كدة اللي يريحك وإعمله.

حظك اليوم برج الحمل صحياً: 

( نفسيا وجسمانيا وكل مايخص طاسة المزاج ):

ضهرك بيتعبك عشان انتا مش مصدق تقريبا ان الشتا على الابواب وان الجو بقى سقعة خصوصا بالليل..تقل ف الهدوم وبلاش عند..

حظك الغذائي:

هتاكل اي حاجة موجودة لانك مكسل اساسا تفكر تاكل ايه او تطبخ ايه ف كالعادة هتستسهل وتاكل اي حاجة موجودة واللي عايش معاك يتفلق او يتصرف ملكش فيه..

شعارك اليوم:

مفيش حب دايم كله ع الشط عايم..

لونك اليوم:

برتقاني..

إعرف توافق برج الحمل مع باقي الأبراج النهاردة

متوافق مع الابراج الحديدية والهوائية والمستحية..

من مشاهير برج الحمل

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.