تعرف على حظك اليوم لبرج الميزان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الميزان عاطفياً

( الكراش والإكس والبوي والجيرل فريند والجوز والزوجة والقرايب ):

الحق:

متقلب لدرجة تخنق اي حد مركز معاك او بيفكر يحبك..كمان لما بتقرر تفتح ف النكد مبتعرفش تقفل الحنفية خالص مهما حصل..

إبن عمه:

ليك كاريزما طاغية وحضور جميل ومعظم الناس بتحب تتكلم معاك وتعرفك..كمان ذوقك ف الهدوم دايما حلو ورايق..

حظك اليوم برج الميزان عملياً 

( الشغل والمذاكرة والتخطيط لبكرة ):

هتشوف حاجة مبهرة النهاردة وهتعجبك جدا وهتقف حبة قدامها تتفرج عليها مندهش ومتسائل وبعدين هتمشي وتنساها وتنسى خالص انها حصلت اساسا وهتروح تنام.. خد بالك بقى عشان الحاجة دي هتجيلك ف احلامك الليلة..خد بالك كويس..

حظك اليوم برج الميزان صحياً 

( نفسيا وجسمانيا وكل مايخص طاسة المزاج ):

شاي اخضر كتير بالنهار واسود بالليل..وخد بالك عشان الريادياتير مش شغال كويس ومحتاج يتسلك وينضف عشان دورة المية تبرد الموتور بشكل صحيح..كمان خد بالك ان في اشارة ورا مش شغالة..غالبا في فيوز ضارب ولا حاجة..

حظك الغذائي:

زيك زي برج العقرب النهاردة تقدر تتجه للبيزا بكل انواعها براحتك..اهم حاجة ميكونش فيها انشوجة كتير..

شعارك اليوم:

مره واحد حب واحدة محبتوش فات الآوان وجت تحبه ملقتوش..

لونك اليوم:

روز فاتح..

إعرف توافق برج الميزان مع باقي الأبراج النهاردة

متوافق مع الابراج الزلومية والنارية والترابية..

من مشاهير برج الميزان 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.