التوقيت السبت، 27 أبريل 2024
التوقيت 02:47 ص , بتوقيت القاهرة

برج العذراء حظك اليوم الثلاثاء 14/11/2017..هتطير ف احلام اليقظة

برج العذراء
برج العذراء

تعرف على حظك اليوم ل برج العذراء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج العذراء


حظك اليوم برج العذراء عاطفياً


( الكراش والإكس والبوي والجيرل فريند والجوز والزوجة والقرايب ):


الحق:


 


بتهتم بالتفاصيل على حساب الصورة الكبيرة ودة بيتوهك كتير جدا..كمان مهم بالنسباك تحس طول الوقت انك مترفع عن الصغائر ف حين انك ف البليلة 


إبن عمه:


 


بتقدر الكلمة الحلوة اكتر من الفلوس وبتقدر الفلوس اكتر من الفلوس الكتير والفلوس الكتير اكتر من الحب..


حظك اليوم برج العذراء عملياً 


( الشغل والمذاكرة والتخطيط لبكرة ):


 


هتطير النهاردة ف احلام اليقظة وانتا صاحي وبتتحرك وبتتعامل ..واضح انك حابب تعيش ف خيالك حبة ودة مش حاجة وحشة ابدا..بالعكس دة حقك..بالهنا على دماغك..إستمتع..


حظك اليوم برج العذراء صحياً 


( نفسيا وجسمانيا وكل مايخص طاسة المزاج ):


 


راعي قولونك حبة وراعي انك كبرت ومبقتش تقدر تخش شمال ف اي اكل دسم ومعدتك بعدين تبقى تتصرف معاه..الطريقة دي لازم تختفي من حياتك وبسرعة والا هتحتاج عمرة وصيانة والحاجات دي بقت مكلفة اليومين دول خد بالك..


حظك الغذائي:


 


الصواني والمحاشي ف انتظارك النهاردة وياريت لو هتاكل فول الصبح تحطه ف الخلاط دقيقة ولا حاجة بحيث تتجنب تاكله بقشرته لأنه بتتعب القولون جامد..


شعارك اليوم:


اللي الدنيا علمته أحسن من الي ماما مرجحته..


لونك اليوم:


احمر غامق..


إعرف توافق برج العذراء مع باقي الأبراج النهاردة


متوافق مع الابراج المائية والحللولية والبربوشية.. 


من مشاهير برج العذراء


Chanel West Coast برج العذراء


 



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج العذراء