تعرف على حظك اليوم لبرج السرطان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج السرطان عاطفياً:

( الكراش والإكس والبوي والجيرل فريند والجوز والزوجة والقرايب ):

الحق:

حساس بزيادة ياحمادة تجاه كل كلام وتصرفات الناس حتى لو مش انتا المقصود بيها..بتحب تعمل مناحة وتعزم عليها ناس يعيطوا معاك طول الوقت..

إبن عمه:

كريم وبتحب الخير للناس وبتحب تشوفهم بيضحكوا ومبسوطين ومزقططين وبتعتبر ان هي دي الحياة اللي المفروض الكل يعيشها ويسقي ف شوربتها..

حظك اليوم برج السرطان عملياً:

( الشغل والمذاكرة والتخطيط لبكرة ):

متنصحش حد ف حياته وبلاش فتي..شوف حياتك الاول واعدلها وحل مشاكلها وبعد كدة ابقى اعمل فتك ع الناس..

حظك اليوم برج السرطان صحياً:

( نفسيا وجسمانيا وكل مايخص طاسة المزاج ):

إهتم بسنانك كويس وبلاش اهمال..السنان اوقات من اهم اجزاء الانسان..اهتم بيها عشان تعرف تبتسم وتضحك براحتك..

حظك الغذائي:

البصل والتوم والقوطة والسبانخ والبامية والبطاطس اصحابك النهاردة..لو مش حابب تصاحبهم او مش على مزاجك متضايقش نفسك وركز ف البيض بالبسطرمة وخلاص..

شعارك اليوم:

الضهر إنحني من كتر الشبحنة..

لونك اليوم:

بوستاشيو..

إعرف توافق برج السرطان مع باقي الأبراج النهاردة

متوافق مع الابراج الشرشوبية والزغلولية والعسلية..

من مشاهير برج السرطان

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.