التوقيت الجمعة، 29 مارس 2024
التوقيت 03:34 ص , بتوقيت القاهرة

برج الثور حظك اليوم الثلاثاء 14/11/2017 ..جميل بلا تجميل جذاب بلا عذاب

برج الثور
برج الثور

تعرف على حظك اليوم لبرج الثور مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم سواء اليوم أو كل يوم


حظك اليوم برج الثور


حظك اليوم برج الثور عاطفياً


( الكراش والإكس والبوي والجيرل فريند والجوز والزوجة والقرايب ):


الحق:


 


العند اكبر مشاكلك يليها علاطول احساسك انك مش واخد وضعك ف الحياة او عند الناس ودة دايما بيدفعك للصدام والخناق ولإثبات انك اجمد منهم وبتعرف تاخد حقك ومبتسكتش للظلم ابدا لو قرب منك او من طراطيف نفسيتك..


إبن عمه:


 


جميل بدون تجميل وجذاب بلا عذاب وقريب وسهل الكلام معاك وبتسمع وتنصح من قلبك وجدع وصاحب صاحبك..


حظك اليوم برج الثور عملياً: 


( الشغل والمذاكرة والتخطيط لبكرة ):


 


متفتحش صدرك اوي للدنيا النهاردة عشان انتا من جواك غلبان وطيب وكلنا عارفين كدة كويس وأي محاولة لطمس الحقيقة دي او للتظاهر بعكسها مش هتنجح ومسيرها هتتكشف..


:حظك اليوم برج الثور صحيا


( نفسيا وجسمانيا وكل مايخص طاسة المزاج ):


صوت الكركبة اللي بتسمعه وانتا ماشي على السرعة العالية دة جاي من الكارونة..واضح ان فيها مشاكل او انك ببساطة محتاج تغير ديسك واسطوانة..كمان متنساش ان صليبة عمود الكردان بتعمل نفس المشكلة دي..شيك عليها بالمرة بقى طالما هتفك وتركب بالمرة واهو يبقى اسمك اتطمنت على ادوات الجر كلها مرة واحدة..


 


حظك الغذائي:


 


فراخ ورز ولحمة وشوربة براحتك النهاردة..حاول بس تقلل حبة من عدد ارغفة العيش..


شعارك اليوم:


حكاية من أيام الجدود..عمر القطط ما تعلي علي الأسود..


لونك اليوم:


بينك فاتح..


إعرف توافق برج الثور مع باقي الأبراج النهاردة


متوافق مع الابراج البلاستيكية والحديدية والبرمائية..


من مشاهير برج الثور


Jessica Alba برج الثور



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الثور