ولع الدنيا وخلصانة بشياكة ده مش اي كلام وكلها بقيت أشباح..

طب خلصانة بقى يلا معايا انت وهي نشوف كلام جديد وبلاش تبقى دقة قديمة احنا الجديد يا برنس.. اصحى للكلام يا صاحبي:

1- احنا في اي مكان تلاقينا وان غبنا الناس تحكي علينا

دي جملة تقولها لما تكون واخد حبوب شجاعة وبتكلم مع واحد لسه عارفه.. هارش.. وبعدين الناس تحكي عليك في ضهرك وتقول ده عامل فيها سرسجي..

2- هتعرف الحقيقة وقت الضيقة.

طب وليه اعرفها وقت الضيقة متقولي علاطول يا سردينة مش لازم تذلني يعني وبعدين ليه ضيقة ماتلخص وتجيب من الأخر.. عايز متكلمنيش متكلمنيش انما ليه الذل؟

3- خلصانة ومعاها حصانة.

"خلصانة ومعاها حصانة".. ودي تقولها لما تهز راسك على شكل نص قطر من الدايرة وتغمز بعينك الشمال بس معلش هي ايه اللي معاها حصانة هو للدرجادي الكلام بقى اي بتنجان وخلاص.. 

4- خليك دوغري حتي لو الشمال مغري

ودي تقولها لو واحد صاحبك حوّر عليك ف حاجة او قالك "لا دي تلزمني يا صاحبي".. بس هو ليه الشمال بيتقال على البنت بس معلش طب لو هي شمال اومال ايه اليمين عامل ازاي طب ليه اي حاجة وحشة شمال.. طب لو انا اشول ايه طيب ابقى شمال ولا هاتصنف ايه حد يقولي؟
 

5- لو انته ف القول فاجر انا ف الفعل قادر.

قادر وتعملها وتنسى هوااك.. نعم يعني هو اي كلام وخلاص قادر تعمل ايه طب في الكلام فاجر دي عرفنها ان مثلا واحد يقدر يغلبك بالكلام بس ليه تبقى انت عيل فاجر انت عارف يعني ايه فاجر بس الأول ولا هو كلام افلام وخلاص نركز شوية يا جماعة..نركز لو سمحتم..

الموضوع منتهاش عند النقطة دي لا ده كمان الكلام زاد اوي والتصرفات بقيت غريبة لازم الشاب علشان يبقى شبح يلوي بوقه وينزل نص عينه كدة وينحني بضهره ويقولك احلى مسا يا ابو الصحاب طب ده اسمه كلام.

كان معكم الأسطى:

إسلام ناصر..نصر الدين طالبية عريش

لو عجبك الموضوع دة وحابب تقرا زيه او احسن خش هنا..

بالفيديو| شوف بنفسك.. قط بلدي قرر يعمل شبح

حلمك تجيب "آيفون 8"؟.. خش يمكن تغير رأيك