تعرف على حظك اليوم لبرج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الأسد عاطفياً

( الكراش والإكس والبوي والجيرل فريند والجوز والزوجة والقرايب ):

متتعصبش ومتتخانقش مع حد النهاردة.. خصوصا مع نفسك ضد نفسك.

حظك اليوم برج الأسد عملياً 

( الشغل والمذاكرة والتخطيط لبكرة ):

انتا مش غريب الاطوار ولا حاجة واللي يقول عليك غريب الأطوار يبقى هو اللي غريب ف أطواره مش انتا ابدا..انتا اناني حبة بس مش أكتر..بتحتاج تسمع كلام حلو عن نفسك حتى لو فيه مبالغات كتير جدا ودة ممكن يعملك مشاكل النهاردة لو مبطلتوش يامعلم..ف خد بالك وحاول تتواضع حبة وتضحك كتير..يمكن تبطل مفعول العكوسات اللي طايرة ف الهوا حواليك دي ولا حاجة..جرب كدة..

حظك اليوم برج الأسد صحياً 

( نفسيا وجسمانيا وكل مايخص طاسة المزاج ):

محتاج تهتم بالمناعة بشكل رئيسي..وبصدرك بشكل فرعي ثانوي وببشرتك بشكل فرعي ثانوي منبثق عن الفرعي الثانوي الاولاني..غذائيا انتا ممكن تاكل اي حاجة تعجبك..المهم تاكل ومتنساش..احساس الجوع دة احساس مش لطيف ومالوش اي لازمة..فكك من اوهام الدايت..مزاجك اهم والله..مزاجك اهم بمراحل..

إعرف توافق برج الأسد مع باقي الأبراج النهاردة

متوافق مع الابراج النباتية والنارية والهوائية

من مشاهير برج الأسد 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.