أسوان- دوت مصر 

بين عشرات السيدات الجالسات بزاويا محكمة الأسرة بأسوان، جلست الحاجة "سعيدة" بجسدها النحيل ووجهها الذي بدى عليها علامات الوهن والتعب، تظنها أنها قادمة لمعاونة ابنتها أو حفيدتها في قضية طلاق أو نفقة، لكن سرعان ما تصيبك الصدمة.. إنها صاحبة دعوى خلع من زوجها.

تروي الحاجة سعيدة، 80 عامًا، تفاصيل إصرارها على الخلع من زوجها بعد حياة زوجية عمرها أكثر من 60 عامًا، قائلة: مش لاقية أكل هعيش منين وإزاي بعد ما غدر بيا بعد العمر ده مكنش قدامي غير إني أشحت أو أتطلق منه عشان أعرف أعملي معاش أصرف منه. 

واستطردت قائلة: أنا إتجوزت من أكتر من 60 سنة خلفت منه 3 عيال "بنتين وولد" وبعد العشرة دي سابلي البيت وبدل ما يختم معايا بقية اللي فاضل من عمره راح اتجوز وهو عنده 70 سنة من واحدة مطلقة أصغر منه بعشرات السنين، رماني وأنا بالعمر ده أشحت من الجيران".

وأضافت الحاجة "سعيدة": يارتني كنت موت قبل الذل والإهانة أنا اتكسرت مرتين من الخيانة وإني بقيت مش عارفه هعيش إزاي، أكتر من 10 سنين وهو سايبني من غير مليم وعايش مع مراته الجديدة، عشان كده عايزة أتطلق منه عشان أخد معاش من الدولة أعيش بيه".

وعن موقف أبنائها، تروى قائلة: أولادي كل واحد مشغول في حياته ومصاريف أولاده، كتر خيرهم ربنا يعينهم وربنا يكرمني بمصدر دخل أعرف أعيش منه"، وما زالت دعوى الحاجة سعيدة بالمحكمة ولم يفصل بها بعد.

اقرأ أيضًا:

حبس شاب تحرش بفتاة جامعية داخل سيارة أجرة بالشرقية