تامر حسني ينشر صورة مع الزعيم: "أنا مش سهل"

الخميس، 19 أكتوبر 2017 11:55 م

نشر المطرب تامر حسني صورة جديدة له، عبر صفحته الرسمية على موقع تبادل الصور والفيديوهات الشهير "انستجرام"، تجمعة بالزعيم عادل إمام.

وكتب تعليق على الصورة قائلًا: "إني أضحّك الزعيم بالشكل ده يبقى أنا مش سهل ولاموآخذة، حبيبي يا زعيم، يارب دايمًا فرحان كده مفيش أي سبب لنزول الصوره غير إني شفتها بالصدفة".

وتابع: "إفتكرت يوم ما شوفت الأستاذ وأنا لسه في أول طريقي وطبعًا مكنتش مصدق إني واقف معاه من كتر ما بحبه، وقالي افتكر كلامي كويس يا تامر أنا بحبك وهتنجح وهتوصل لأحلامك".

وأوضح حسني: "الصوره دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا، هو الوحيد اللي قام وجالي وفضل يهزر معايا وأهزر معاه وبصراحه فرحت عشان عرفت أضحكه بالشكل ده ومال عليا كده وقالي فاكر كلامي وحضني زي ابنه حسيت بس اني عايز اقولكم اني بحبه جدا".