متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل..

  : كلام جد

الريليشن شيب جولز بقت انك متحاولش تخش ف علاقة من اساسه.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل الخميس 19 أكتوبر 2017 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

الكسل حالة عامة النهاردة حتى ف الحب والعواطف..قشطة انتا حر تكسل براحتك بس خد بالك عشان متخسرش بسببه اي فرص كويسة للإنبساط..الافضل ترشد ف استهلاك مجهودك وتوفره للحاجات اللي تستاهل وبس..انما متقفلش حنفية المجهود والطاقة..بلاش..

برج الحمل عملياً

( الشغل والمذاكرة والتخطيط لبكرة ):

النوم سلطان فعلا..النوم النهاردة اهم من اي حاجة ومن اي حد.. نام ومتشغلش دماغك بأي حاجة..ولو هتضطر تخرج وتشتغل او تروح ف اي حتة ياريت تطفي دماغك كأنك نايم بالظبط.. وحاول متشغلش بالك بأي حاجة ولا أي حد طول اليوم.. مفيش حاجة مستاهلة.

برج الحمل صحياً

( نفسيا وجسمانيا وكل مايخص طاسة المزاج ):

النوم مفيد للصحة طبعا وكذلك الكسل بس الكلام دة يمشي اه لو انتا نايم مبسوط ومزقطط وبمزاجك..مش نايم عشان انتا متكدر او زعلان وعاوز تهرب وتعدي الوقت بالنوم وخلاص..بلاش

إعرف توافق برج الحمل مع باقي الأبراج النهاردة:

متوافق مع الابراج المستحية والفنكوشية والهوائية

إعرف حظك اليوم برج الثور الخميس 19 أكتوبر 2017 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

قلل من كلمة "لأ" النهاردة حبة عشان خاطر نفسك يابرنس.. كلمة لأ دي بتقلل فرصك ف الانبساط وبتضربها ف مقتل اساسا وانتا عارف كدة كويس..خليك عاقل ورزين وإنبسط.. دة حقك

برج الثور عملياً

( الشغل والمذاكرة والتخطيط لبكرة ): 

السمك النهاردة يحمل عنوان السعادة في باطنه وفي ظاهره أكل ممتع وخفيف وبيسبب الشعور بالسعادة الغامرة اللي انتا محتاجها ف حياتك النهاردة بشكل عاجل خصوصا وان الحظ مش ناصفك ف بشر خالص الفترة دي وكله عمال يخلع من حياتك بالطريقة متفهمش ليه..واضح ان فن الجدعنة بقى بعافية حبتين والزمن معادش ظابط الكلام معاك..عموما السمك اجدع من اي حد.. خليك معاه وبس.

برج الثور صحياً 

( نفسيا وجسمانيا وكل مايخص طاسة المزاج ):

مزاجك محتاج يتظبط الليلة بمزيكا كتير جدا جدا وياريت تكون تراكات جديدة مش مجرد قدايم انتا حافظها وعارفها وبس..حاول تكتشف جديد وتنبسط..بالنسبة للأكل قولنا ان السمك هو الحل..لو مش عاوز تاكل سمك انتا حر..المهم تنبسط..

إعرف توافق برج الثور مع باقي الأبراج النهاردة:

متوافق مع الابراج النارية والهوائية والترابية

إعرف حظك اليوم برج الجوزاء الخميس 19 أكتوبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

من حقك تدور على الحب النهاردة بشكل مكثف وبشكل فيه اهتمام واضح..حاول بس متخوفش نفسك او تكبتها وانتا بتعمل كدة لأن براح الحياة ممكن يستوعب اي حد وأي حاجة لدرجة متخطرش على بالك..حاول بس متلويش المنطق لصالحك وانتا بتتعامل مع الناس عشان محدش يزعل منك او يبطل يتعامل معاك..بلاش

برج الجوزاء عملياً 

( الشغل والمذاكرة والتخطيط لبكرة ):

ركز ف حالك النهاردة خصوصا وان تفاصيلك محتاجة إهتمام بشكل عام..إحترس من الأماكن العالية ومن الرماديات سواء ف الصور او ف نفسيات الناس..اللون الأصفر لون من حقك تبعد عنه وتخاف منه كمان..لأنه فعلا خطر..

برج الجوزاء صحياً 

( نفسيا وجسمانيا وكل مايخص طاسة المزاج ):

الشتا داخل ومحتاج تهتم بصحتك بشكل اكبر من العادي عشان مناعتك تشتغل صح الصح وبالتالي هتلاقي ان البروكلي والتفاح الاخضر والكرنب الاحمر نباتات لازم تبقى من هنا ورايح مهمة ف حياتك

تعرف على توافق برج الجوزاء مع باقي الأبراج النهاردة:

متوافق مع الابراج النباتية والنارية

إعرف حظك اليوم برج السرطان الخميس 19 أكتوبر 2017 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متزهقش من البحث عن مطالبك العاطفية..العالم واسع وبراح كبير جدا وانتا لسة مقابلتش كل الانماط البشرية الموجودة ف الحياة..اتقل ومتزهقش ابدا..مسيرك تعتر ف طلبك وتنبسط..

برج السرطان عملياً 

( الشغل والمذاكرة والتخطيط لبكرة ):

إحترس من الصداع ومن مسببين الصداع حواليك.. اي رغي او لت او عجن او جدال او حتى خناق مالوش مكان ف دماغك النهاردة..الحالة الوحيدة اللي الكلام فيها بركة وحلو لصحتك ولدماغك لو هتقول كلام حلو لحد انتا بتحبه.. غير كدة لأ ولأ كبيرة أوي كمان.

برج السرطان صحياً 

(نفسيا وجسمانيا وكل مايخص طاسة المزاج ):

السعادة تكمن الليلة ف فيلم ابيض واسود قديم وفشار..ولو في صحبة حلوة اكيد الفرجة هتبقى امتع واظرف..حاول بس تخلي نفسيتك ف العلالي مش عشان تنبسط وبس انما عشان مناعتك تشتغل بقوة وتدافع عنك بنجاح كافي ضد ميكروب البرد اللي بيتفسح ف الهوا اليومين دول

تعرف على توافق برج السرطان مع باقي الأبراج النهاردة:

متوافق مع الابراج المستحية والنارية

إعرف حظك اليوم برج الأسد الخميس 19 أكتوبر 2017 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متزهقش من البحث عن مطالبك العاطفية..العالم واسع وبراح كبير جدا وانتا لسة مقابلتش كل الانماط البشرية الموجودة ف الحياة..اتقل ومتزهقش ابدا..مسيرك تعتر ف طلبك وتنبسط..

برج الأسد عملياً 

( الشغل والمذاكرة والتخطيط لبكرة ):

إحترس من الصداع ومن مسببين الصداع حواليك.. اي رغي او لت او عجن او جدال او حتى خناق مالوش مكان ف دماغك النهاردة..الحالة الوحيدة اللي الكلام فيها بركة وحلو لصحتك ولدماغك لو هتقول كلام حلو لحد انتا بتحبه.. غير كدة لأ ولأ كبيرة أوي كمان.

برج الأسد صحياً 

( نفسيا وجسمانيا وكل مايخص طاسة المزاج ):

السعادة تكمن الليلة ف فيلم ابيض واسود قديم وفشار..ولو في صحبة حلوة اكيد الفرجة هتبقى امتع واظرف..حاول بس تخلي نفسيتك ف العلالي مش عشان تنبسط وبس انما عشان مناعتك تشتغل بقوة وتدافع عنك بنجاح كافي ضد ميكروب البرد اللي بيتفسح ف الهوا اليومين دول

تعرف على توافق برج الأسد مع باقي الأبراج النهاردة:

متوافق مع الابراج المستحية والنارية

إعرف حظك اليوم برج العذراء الخميس 19 أكتوبر 2017 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حاول متتخانقش مع اللي بتحبه النهاردة عشان متخسرش بشكل استراتيجي مستقبلا..خليك ذكي وخليك متفهم حبة خصوصا وان الطرف التاني غالبا محتاج يشتكي ويتشحتف حبة..خليك انتا الكبير وتفهم الوضع لحد الفترة دي ماتعدي..

برج العذراء عملياً 

( الشغل والمذاكرة والتخطيط لبكرة ):

متسرحش ورا الندم النهاردة خصوصا وان نفسيتك الليلة هشة حبة رغم انك بتمثل الصلابة والتحمل والتماسك والثبات بقالك فترة كبيرة جدا عشان محدش يشمت فيك..إلا انه آن الآوان تريح وتشتكي وتبدي إعتراضك على اي ظلم موجه ليك ف حياتك من اي حد.. كمان مهم تاكل ايس كريم النهاردة..متنساش.

برج العذراء صحياً 

( نفسيا وجسمانيا وكل مايخص طاسة المزاج ):

اهتمامك بصحتك ف النازل حبة جايز عشان انتا مبتحبش الشتا وجايز عشان انتا زهقان ومش مبسوط اليومين دول من جواك..متقلقش..كل دة هيتغير قريب ان شاء الله وهترجع تاني تفرفش وبقوة..ركز ف ورق العنب النهاردة وف شوربة الخضار او شوربة السمك..اللي يريحك فيهم اشربه..اهم حاجة تشغل غدة الحب بالليل لو امكن..وهتنبسط جدا..

تعرف على توافق برج العذراء مع باقي الأبراج النهاردة:

متوافق مع الابراج الهوائية والحنكوشية

إعرف حظك اليوم برج الميزان الخميس 19 أكتوبر 2017 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

شقلباظات عاطفية مسيطرة على المشهد ومودك المتقلب عاطفيا اليومين دول عاملك قلق ف كواليس عقلك بشكل كبير..حاول متمشيش ورا الشعور المتخلف دة خالص لأنه ممكن يوبظلك حاجات حلوة كتير ف حياتك..الافضل تشغل نفسك بالجانب العملي لحد ما التقلب العاطفي دة يعدي على خير..وان معداش متقلقش..لكل حاجة حل ان شاء الله..

برج الميزان عملياً 

( الشغل والمذاكرة والتخطيط لبكرة ):

سعيك الحثيث المتفرد نحو النجاح بقوة ف الحياة لازم هينجح ولازم هيسفر عن نواتج مُرضية ليك وتألق..اتقل انتا بس وخليك مثابر وكمل على وضعك كدة ومتبطلش محاولة ابدا ابدا..ثق ف نفسك ومتحاولش تسرح ورا رغبتك ف استعراض قدراتك او شطارتك واشتغل على مصلحتك من تحت لتحت وانتا ساكت وبس..متضيعش وقت ف الاستعراض ابدا.. وخليك على وضعك.على وضعك وبس.

برج الميزان صحياً 

( نفسيا وجسمانيا وكل مايخص طاسة المزاج ):

تقل بالليل حبة ف الهدوم ومتعتبرش نفسك طرزان عشان متعياش..محتاج تركز غذائيا تركز ف الحاجات اللي بتميل ليها وبتحبها ف الاكل بشكل عام ومتاكلش على مزاج حد خالص النهاردة..جسمك محتاج عناصر غذائية ف الحاجات دي..ف متطنش احساسك عشان ترضي اي حد حواليك ايا كان..

تعرف على توافق برج الميزان مع باقي الأبراج النهاردة:

متوافق مع الابراج المائية والبرمائية

إعرف حظك اليوم برج العقرب  الخميس 19 أكتوبر 2017 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متقلقش نفسك بضرورة وجود الحب ف حياتك لأن الحاجات دي بتاخد وقت عشان تتظبط وتتسنجف ف الحياة..خد وقتك ومتستعجلش عشان متبوظش كل حاجة..كمان ياريت متلجأش لأي أنصف حلول ف المسألة دي عشان اخرتها وحشة..

برج العقرب عملياً 

( الشغل والمذاكرة والتخطيط لبكرة ):

واضح ان في مشكلة ما غامضة محيراك النهاردة ومش لاقيلها اي حل.. متقلقش..كلنا بنتعرض للموقف دة من وقت للتاني.. حاول تصفي نيتك وكل حاجة هتمشي زي السكينة ف الحلاوة ان شاء الله ولو محصلش والمشكلة اتحلت ياريت متملاش الدنيا شكوى ونكد وشحتفة..مفيش حاجة ف الحياة دي بتحصل ابدا ف التوقيت اللي احنا عاوزينه بالظبط ابدا..الحياة مبتشتغلش عند حد يابرنس.. مبتشتغلش عند حد خالص.

برج العقرب صحياً 

( نفسيا وجسمانيا وكل مايخص طاسة المزاج ):

خد معاك سندوتشات وانتا نازل وطنش اكل الشارع النهاردة برضة زي إمبارح..معادش في ضمير خلاص ف عمايل اكل الشارع والحموضة والحمو بقوا شيئ عادي فيه وبسببه..اهتم بصحتك وبلاش اهمال وبلاش بوس واحضان ف السلام اليومين دول عشان في دور برد سخيف ماشي ف الهوا بيتسنكح بيدور على ضحايا جدد..اتمنى متكونش منهم..

تعرف على توافق برج العقرب مع باقي الأبراج النهاردة:

متوافق مع الابراج الطينية والهوائية

إعرف حظك اليوم برج القوس الخميس 19 أكتوبر 2017 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

حظك ف الحب ماشي بقاله فترة بس دة مش معناه انه هيخبط عليك الباب وانتا قاعد ف مكانك..لازم تتحرك وتدور عليه سيادتك..لازم تبذل مجهود ف الجزئية دي من حياتك ومجهود ف الاغلب كبير كمان عشان تلاقي مقاسك سواء ف التفكير او ف طريقة التعبير عن المشاعر..المسألة مش مجرد توافق طباع او اعجاب يدوم ويستمر..القلب لازم يبقى راضي بشكل كامل مش مجرد نص نص وخلاص عشان يعرف يكمل وينبسط..

برج القوس عملياً 

( الشغل والمذاكرة والتخطيط لبكرة ):

خد بالك عشان النهاردة هتسمع كلام مهم جدا جدا من حد ممكن يكون مهم جدا جدا او مش مهم بالنسبالك اساسا.. ف كل الاحوال ركز كدة وفوق وشوف هتعمل ايه ف الموضوع دة.

برج القوس صحياً 

( نفسيا وجسمانيا وكل مايخص طاسة المزاج ):

عدد ساعات نومك مش كافي..محتاج يزيد حبة بسيطة..كمان انتا محتاج تعود نفسك تاخد وقتك ف الفوقان والصحيان بزيادة..متصحاش مسروع وتنزل على الشارع فجأة..دي حاجة تقلب مزاج اي حد ف الدنيا اصلا..بالنسبة لصحتك الغذائية ف اليوم مناسب لأي صينية او طاجن من اختيار مزاجك..بلاش كشري النهاردة..دلع نفسك ف حاجة اكبر من كدة حبة

تعرف على توافق برج القوس مع باقي الأبراج النهاردة:

متوافق مع الابراج النارية والهوائية

إعرف حظك اليوم برج الجدي الخميس 19 أكتوبر 2017 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

في احتياج دائم عندك للدلع النهاردة ومحتاج تفرفش وتنبسط ف حين انه وراك حاجات كتير جدا لازم تتعمل وتخلص واغلبها حاجات مهياش على مزاجك..حاول توازن حبة مابين الكفتين بحيث لا تيجي على مصلحتك العملية ف الحياة ولا تيجي على مشاعرك او قلبك..كمان خد بالك عشان في حد بيكراش عليك من تحت لتحت وخايف يقول..

برج الجدي عملياً 

( الشغل والمذاكرة والتخطيط لبكرة ):

إهتم بصحتك وبمزاجك النهاردة وخليلهم الاولوية على اي حاجة..كمان خد بالك عشان في عكوسات ممكن تعوق مسار الفلوس حبة..ف متضايقش نفسك وإتقل لحد ما العكوسات دي تعدي على خير.

برج الجدي صحياً 

( نفسيا وجسمانيا وكل مايخص طاسة المزاج ):

الصحة تمام بس احتمال يكون في دور برد معشش ف مناخيرك ومستني فرصة عشان يظهر او ظهر بالفعل..حاول تتعامل مع لموقف صح وتقوي من مناعتك ومتعتمدش على المضادات الحيوية عشان متهدش حيلك على الفاضي..اللمون والبرتقان والاكل الصحي احسن من اي مضاد حيوي..كمان ميكروب البرد كدة كدة بياخد وقته وبيغور ف داهية..ف حاربه بذكاء بدون ما تقضي الوقت كله مزاجك مقلوب او عاوز تنام بسبب الادوية..

تعرف على توافق برج الجدي مع باقي الأبراج النهاردة:

متوافق مع الابراج الخشبية والبرمائية

إعرف حظك اليوم برج الدلو الخميس 19 أكتوبر 2017 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

فترة هدوء وإستكانة غالبا عشان عقلك الباطن بيستعد يرازيك بحب جديد رغم انه عارف كويس انه مش وقته ف حياتك الا انه ف حالة إصرار..حاول متطاوعوش ولا تمشي وراه عشان دة واضح مش عايش ف الدنيا ومنفصل عن الواقع فعلا..الوقت مش مناسب للحب بالشكل دة خالص..وراك حاجات اهم لما تخلصها ابقى حب براحتك يامعلم..

برج الدلو عملياً 

( الشغل والمذاكرة والتخطيط لبكرة ):

واضح ان في صراعات ممكن تعترض طريقك النهاردة.. طنش تعيش وتاكل قراقيش وفكك وكبر دماغك ومتتخانقش.. دي ناس مش لاقية حاجة تعملها ف بتحاول تعطلك وبس.

برج الدلو صحياً 

( نفسيا وجسمانيا وكل مايخص طاسة المزاج ):

ف حالة اي شك فيما يخص صحتك ياريت متسكتش ولا تطنش وتروح من نفسك تكشف وتتطمن وتتأكد انه مفيش حاجة..بالنسبة للأكل ياريت متاكلش وتتقلب تنام..التصرف دة غلط..حاول تبطله خالص..

تعرف على توافق برج الدلو مع باقي الأبراج النهاردة:

متوافق مع الابراج الفنكوشية والمائية

إعرف حظك اليوم برج الحوت الخميس 19 أكتوبر 2017 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

إهتم بمشاعرك الحقيقية مش المشاعر اللي انتا بتتمنى انك تحس بيها ف المستقبل..كمنا متضحيش بالحب عشان ترضي إحتياجك للبرستيج والوضع الاجتماعي..الحب أهم..قلبك اهم من اي حاجة المفروض لانه لو منبسطش ف الحياة مفيش حاجة تانية ممكن تعوض دة مهما كان شكلها من بردة حلو او بيلمع..

برج الحوت عملياً 

( الشغل والمذاكرة والتخطيط لبكرة ):

مصيبة لو إتعاملت مع الناس على انك اذكى منهم طول الوقت.. مصيبة بجد..خد بالك..خد بالك كويس ومتعملش كدة..إوعى.

برج الحوت صحياً 

( نفسيا وجسمانيا وكل مايخص طاسة المزاج ):

قلبة الجو ممكن تقلب مزاجك من تحت لتحت وانتا مش واخد بالك كمان مهم النهاردة تركز ف الاكل المنعش الخفيف وتفكك من الصواني المسبكة والرز والمكرونة خالص..خليك بسيط وخفيف احسن لمصلحتك ولمصلحة معدتك..

تعرف على توافق برج الحوت مع باقي الأبراج النهاردة:

متوافق مع الابراج الترابية