التوقيت الخميس، 28 مارس 2024
التوقيت 02:57 م , بتوقيت القاهرة

برج الدلو حظك اليوم الأربعاء 18 أكتوبر 2017 ..إحساسك صح

برج الدلو
برج الدلو

تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الدلو


حظك اليوم برج الدلو عاطفياً


( الكراش والإكس والبوي والجيرل فريند والجوز والزوجة والقرايب ):


 


مش لازم ابدا تجري ورا الحب او ورا ارضاء الحبيب النهاردة..انتا صح وإحساسك صح..هو اللي المفروض يعتذر وواضح انه مش هيعمل كدة..ف براحته..بشوقه وبإختياره..ف الاخر كل واحد حر ف رأيه وف حكمه على الاخرين بس انتا مش مضطر ابدا للقبول بأحكام حد عليك ولا مضطر تسمع رأيه فيك..خصوصا لو الاحكام دي والأراء دي كلها هدفها انه يطلعك غلطان وخلاص حتى لو انتا معملتلوش حاجة اساسا..


حظك اليوم برج الدلو عملياً 


( الشغل والمذاكرة والتخطيط لبكرة ):


جميل النهاردة وحظك ماشي بس خد بالك عشان كتر الكلام والرغي غلط اليومين دول.. حاول تقنن وتقلل من الحاجات اللي انتا شايفها مهمة ومحتاجة تتقال للناس..محدش هيفهمك بسهولة لأن الكل مهتم بالارض وانتا مهتم بالسحاب اللي فوق ف السما..كمان خد بالك انه مش ذنبك ان الناس مش فاهماك..ف الاخر كل واحد بيصدق اللي هو عاوز يصدقه وبس..ف كبر دماغك..كبر دماغك جدا..


حظك اليوم برج الدلو صحياً 


( نفسيا وجسمانيا وكل مايخص طاسة المزاج ):


 


اهتم بكميات السوايل اللي بتشربها اليومين دول وياريت تقلل كميات الاكل وتظبط توقيتاتها بشكل اكبر وتهتم جدا بنوعية الاكل دة..كمان ياريت يبقى نص الأكل فاكهة وحاول تدلع نفسك ف كوز درة ولا بوسة ولا اي حاجة تعدل طاسة نفسيتك المايلة


إعرف توافق برج الدلو مع باقي الأبراج النهاردة


متوافق مع الابراج الدخانية والمائية


من مشاهير برج الدلو


برج الدلو Ronda Rousey



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الدلو