تعرف على حظك اليوم ل برج الجدي مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الجدي عاطفياً

( الكراش والإكس والبوي والجيرل فريند والجوز والزوجة والقرايب ):

ابعد عن الحسابات والارقام اليومين دول خصوصا ف المسائل العاطفية..الاتنين ملهومش دعوة ببعض..الحب حاجة بتخرج بيها برة حسابات ومنطقية الحياة مش بترشق بدماغك فيها..كدة هتلخبط حياتك على الفاضي..الحب راحة واجازة من المنطق ومن أعباء وهبل الحياة..متبوظوش على نفسك..بلاش..

حظك اليوم برج الجدي عملياً 

( الشغل والمذاكرة والتخطيط لبكرة ):

احداثيات السعادة مش بعيدة ومش ف مكان ما غامض ولا ف وشوش الناس اللي حواليك ولا ف قلوبهم.. ببساطة السعادة كامنة جواك انتا..انتا وبس.. مهمتك ازاي تطلعها وازاي تكتشفها وازاي تحافظ عليها.

حظك اليوم برج الجدي صحياً 

( نفسيا وجسمانيا وكل مايخص طاسة المزاج ):

صحتك كويسة ومخك شغال بشكل ابداعي نشط ومهتم ينجح بيك اليومين دول..حاول متخذلوش وترفع راسه كدة ف وسط الامخاخ المحيطة..كمان حاول تتجه ف الاكل ناحية الصواني النهاردة خصوصا ام بشاميل وام بطاطس وفراخ ومسقعة..هتنبسط وهتروق على روحك..

إعرف توافق برج الجدي مع باقي الأبراج النهاردة

متوافق مع الابراج النباتية والهوائية 

من مشاهير برج الجدي

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.