تعرف على حظك اليوم لبرج العقرب مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج العقرب عاطفياً

( الكراش والإكس والبوي والجيرل فريند والجوز والزوجة والقرايب ):

المزاج رايق والمود ماشي حاله ف اتجاه الحب والرغبة ف الحب..خد بالك بس عشان الجو بدأ يبقى برد بالليل..خصوصا ف منطقة القلب والمشاعر عند ناس كتير..

حظك اليوم برج العقرب عملياً 

( الشغل والمذاكرة والتخطيط لبكرة ):

خد بالك من نفسيتك النهاردة خصوصا بالليل عشان في حد هيبقى كيفه انه يعكنن عليك ويضايقك.. كبر دماغك وطنشه خالص..متسيبوش يفسد مودك.. مودك ومزاجك أهم من اي حاجة الليلة وأهم من اي حد.

حظك اليوم برج العقرب صحياً 

( نفسيا وجسمانيا وكل مايخص طاسة المزاج ):

سواء اتجهت ناحية الطواجن او الصواني او المحاشي او مجرد السندوتشات..مش هتفرق ومش مهم..المهم ايا كان اللي هتاكله النهاردة ميكونش أكل شارع..مهم يكون اكل معمولك مخصوص وبحب وتكون ألوانه حلوة..كمان متقعدش قدام التلفزيون كتير عشان عينيك متوجعكش الليلة قبل ماتنام.. مزيكا هادية ورايقة ف نفسها وبس..

إعرف توافق برج العقرب مع باقي الأبراج النهاردة

متوافق مع الابراج النارية والبرمائية والفنكوشية

من مشاهير برج العقرب

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.