تعرف على حظك اليوم ل برج العذراء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج العذراء عاطفياً

( الكراش والإكس والبوي والجيرل فريند والجوز والزوجة والقرايب ):

بقيت تقول جملة "مش فارقة" كتير بالرغم من انها فارقة معاك وجدا وخصوصا ف التفاصيل الصغننة اللي محدش بياخد باله منها إلا انتا وبس..جايز اللي قدامك مش بيتعمد يضايقك بالكلام او ينغزك وانتا بس اللي حساس بزيادة وجايز يقصد..متضيعش اليوم بتحاول تحسم المشكلة دي ف دماغك عشان هتقرف نفسك على الفاضي..لو يقصد هيبان وهتعرف ولو ميقصدش برضة هيبان وهتعرف..ف كل الاحوال هتقدر ترد صح وتتعامل صح..

حظك اليوم برج العذراء عملياً 

( الشغل والمذاكرة والتخطيط لبكرة ):

تظاهرك باللامبالاة مش حل لمشاكلك.. انتا محتاج تواجه بميكس من الهدوء والثبات والمثابرة.. بس فترة الليل مهم تطنش فيها اي حاجة عشان دة هيبقى وقت مناسب للحب وبس. 

حظك اليوم برج العذراء صحياً 

( نفسيا وجسمانيا وكل مايخص طاسة المزاج ):

اهتمامك بصحتك ف النازل حبة جايز عشان انتا مبتحبش الشتا وجايز عشان انتا زهقان ومش مبسوط اليومين دول من جواك..متقلقش..كل دة هيتغير قريب ان شاء الله وهترجع تاني تفرفش وبقوة..ركز ف ورق العنب النهاردة وف شوربة الخضار او شوربة السمك..اللي يريحك فيهم اشربه..اهم حاجة تشغل غدة الحب بالليل لو امكن..وهتنبسط جدا..

إعرف توافق برج العذراء مع باقي الأبراج النهاردة

متوافق مع الابراج الترابية

من مشاهير برج العذراء

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.