تعرف على حظك اليوم ل برج الحوت مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الحوت
حظك اليوم برج الحوت

حظك اليوم برج الحوت عاطفياً

( الكراش والإكس والبوي والجيرل فريند والجوز والزوجة والقرايب ):

عواتطفك ( العواتطف دلع عواطف) محتاجة تتصنفر بصنفرة خشابي وبعد كدة تاخد وش مبدئي كدة وبعد كدة تقدر تدهنها براحتك..مهم تسيبها تنشف الأول كويس..خصوصا قبل أول ماتدهن اول وش..

حظك اليوم برج الحوت عملياً

( الشغل والمذاكرة والتخطيط لبكرة ):

الأحمر ف العادي لون خطر وبينبأ بحدوث حاجات مش كويسة ومفاجئة وخطيرة بس النهاردة الكلام دة مش هيمشي..حظك اليوم مرتبط ارتباط وثيق باللون الأحمر ومهم تمشي ورا اللون دة ف كل حاجة النهاردة حتى ف الأكل..

حظك اليوم برج الحوت صحياً

( نفسيا وجسمانيا وكل مايخص طاسة المزاج ):

كمان الكوسة والبتنجان هيبقوا فال حلو ف بداية اليوم..وبلاش ضحك ف وش الأعداء خالص ياريت.. كمان هتكشف حاجة مهمة الليلة.. إستعد.

إعرف توافق برج الحوت مع باقي الأبراج النهاردة

متوافق مع الابراج الترابية والفنكوشية والخشبية

من مشاهير برج الحوت

برج الحوت داكوتا فانينج
برج الحوت داكوتا فانينج

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.