تعرف على حظك اليوم ل برج العذراء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج العذراء
حظك اليوم برج العذراء

حظك اليوم برج العذراء عاطفياً

( الكراش والإكس والبوي والجيرل فريند والجوز والزوجة والقرايب ):

كفاية عمق عشان تعرف تتنفس وتعيش..كفاية عمق عشان تعرف تتعايش مع كل الاشخاص اللي مش عميقة اللي متنطورة حواليك ف كل حتة..

حظك اليوم برج العذراء عملياً

( الشغل والمذاكرة والتخطيط لبكرة ):

مهم تتماهى مع الظروف ومهم تنزل حبة من عليائك وتتعامل مع جموع الشعب العامل وتنخرط ف صناعة الحياة اليومية وبقلب ومن غير حذر او خوف..

حظك اليوم برج العذراء صحياً

( نفسيا وجسمانيا وكل مايخص طاسة المزاج ):

انتا تقدر تتعامل وتنبسط ف وسط اي ظروف او مكان لو حبيت..انوي انتا بس وصفي نيتك وكل حاجة هتبقى ألسطة بالقشطة.. وبالمرة دلع نفسك ف سندوتش سكلانس طالما جبنا سيرة القشطة.

إعرف توافق برج العذراء مع باقي الأبراج النهاردة

متوافق مع الابراج الطينية.. والهوائية برضة بس نص نص

من مشاهير برج العذراء

برج العذراء بيونسيه
برج العذراء بيونسيه

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.