عبر الإعلامي عمرو أديب، عن غضبه من قرار مدرسة "تحيا مصر" بحي الأسمرات بطرد طلاب لعدم الالتزام بالزي المدرسي لعدم قدرة والديه على شرائه، وشن هجومًا على إدارة المدرسة قائلًا: "هو انتو بتعلموا أوي.. دي مش مدرسة أهلك علشان تطرد حد".

وقال أديب، ببرنامج "كل يوم" المذاع عبر فضائية "ON E": "المفروض مفيش عيل يطرد من مدرسة حكومي، والناس دي بتبتدي حياتها في الأسمرات، والمدراس الحكومية إحنا اللي بندفع فلوسها عشان تتعمل، ومش من حق مديري المدرسة أو الفصل يعمل كده، وده أقذر حاجة اتعملت والمنظر زبالة".

وأضاف عمرو أديب، أن الدستور المصري هو من أعطى الحق في التعليم مجانًا، وتابع: "الناس دي مش ناقصة والتعليم حقه وأنت ملتزم إنك تعلمه، ومينفعش العيال ترجع معيطة ومكسورة والمشاهد دي عمرها ما هتتنسي المواقف دى".

ووجه أديب حديثه لوزير التربية والتعليم الدكتور طارق شوقي قائلًا: "بهيب بوزير التربية والتعليم بعدم ترحيل أي طفل من مدرسة لأي سبب كان".

إقرأ ايضا :

فيديو| عمرو أديب: الأهلي مصدر سعادة المصريين.. و"ساعات الزمالك"

بعد تصرفاته المثيرة.. عمرو أديب: "أحمد الفيشاوي قليل الأدب"