حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

  : كلام جد

العلم اثبت ان التفكير بإيجابية مضر لبعض الاشخاص وممكن جدا يسببلهم إكتئاب او قلق مزمن..واضح ان النكد علميا مطلوب.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل الاثنين 25 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

حاول تتعامل مع الاطفال بشكل لطيف وحنين خصوصا وهما نازلين الصبح للمدرسة..حاول متنكدش عليهم مهما عملوا وقدر انك ف يوم كنت مكانهم ومكنتش برضة عاوز تروح المدرسة ولا تتحرك ف اي حتة اصلا الساعة سبعة الصبح.. واضح انك نسيت..عموما مسيرك تفتكر..

برج الحمل عملياً ( الشغل والمذاكرة والتخطيط لبكرة ):

متسمعش نصايح من حد النهاردة..بلاش وش وصداع

برج الحمل صحياً ( نفسيا وجسمانيا وكل مايخص طاسة المزاج ):

دلع نفسك بالليل ف فيلم عربي قديم لعلي الكسار ولا فريد الأطرش.. هيفرق معاك ف مودك جدا.

إعرف توافق برج الحمل مع باقي الأبراج النهاردة

متوافق مع الابراج الكتكوتية والمائية زي إمبارح

*****************************************************************************

إعرف حظك اليوم برج الثور الاثنين 25 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

زحمة اول يومين مدارس طبيعي تقرفك وتقلب مزاجك خصوصا لو بتضطر تنزل تشارك فيها الصبح بدري..

برج الثور عملياً ( الشغل والمذاكرة والتخطيط لبكرة ): 

تسلح بالمزيكا وبإبتسامة وثقة ان بعد كل زحمة روقان..إنزل بالليل وبص لنفس الشوارع اللي بتبقى بالنهار مليانة زحمة وخد بالك كويس من الفرق.. روق وثق انه توتر عابر وهيعدي..أهم حاجة متهربش ومتتخانقش.. مش اكتر..

برج الثور صحياً ( نفسيا وجسمانيا وكل مايخص طاسة المزاج ):

بالليل تقدر تستمتع بالجو والهدوء لوحدك او مع حد.. انتا حر

إعرف توافق برج الثور مع باقي الأبراج النهاردة:

متوافق مع الابراج الغازية

*****************************************************************************

إعرف حظك اليوم برج الجوزاء الاثنين 25 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

النفسية محتاجة سما زرقا

برج الجوزاء عملياً ( الشغل والمذاكرة والتخطيط لبكرة ):

انتا محتاج براح واسع عشان تحس بالحرية اليومين دول..حاول تخرج برة الاوض المقفولة والعقليات الضيقة الخنيقة

برج الجوزاء صحياً ( نفسيا وجسمانيا وكل مايخص طاسة المزاج ):

فاصوليا بيضا وجرجير وإستمتع

تعرف على توافق برج الجوزاء مع باقي الأبراج النهاردة:

متوافق مع الابراج الترابية والكتكوتية

*****************************************************************************

إعرف حظك اليوم برج السرطان الاثنين 25 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

إيقاعك النهاردة متماهي مع الانبساط والفرفشة بس بحساب..

برج السرطان عملياً ( الشغل والمذاكرة والتخطيط لبكرة ):

انتا هتنبسط اه بس هتراعي ان الانبساط دة ميبانش عليك اوي متفهمش ليه..جايز خايف من الحسد او مستكتر على نفسك تنبسط.. عموما انتا حر..

برج السرطان صحياً (نفسيا وجسمانيا وكل مايخص طاسة المزاج ):

بالليل متبصش للقمر كتير ف السما عشان هتتضايق.

تعرف على توافق برج السرطان مع باقي الأبراج النهاردة:

متوافق مع الابراج الهوائية والبرمائية والغازية

*****************************************************************************

إعرف حظك اليوم برج الأسد الاثنين 25 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

متندهشش أوي من اللي هيحصل النهاردة..دي نواتج عادية ومنطقية للحاجات اللي انتا عملتها الفترة اللي فاتت..عموما الندم مش هينفعك ولازم تعترف بكل حاجة..عملت ايه بقى؟..

برج الأسد عملياً ( الشغل والمذاكرة والتخطيط لبكرة ):

إعترف بكل حاجة لأن الإنكار مش هينفعك

برج الأسد صحياً ( نفسيا وجسمانيا وكل مايخص طاسة المزاج ):

المشي النهاردة على اي كوبري بالليل هينعشك ويفرفشك..عندك كوبري عباس وكوبري المنيب وكوبري قصر النيل..بلاش كوبري اكتوبر عشان هتمشي كتير جدا عقبال ماتلاقي سلم تنزل منه تركب مواصلات تروح بعد ماتمشي

تعرف على توافق برج الأسد مع باقي الأبراج النهاردة:

متوافق مع الابراج البرمائية والنارية

*****************************************************************************

إعرف حظك اليوم برج العذراء الاثنين 25 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

بطل تقلق نفسك من قلة الرومانسية ف حياتك..

برج العذراء عملياً ( الشغل والمذاكرة والتخطيط لبكرة ):

وراك شغل ومذاكرة بالكوم وانتا بقالك حبة عندك استعداد تنصب على نفسك عشان متعملش اي حاجة منهم..

برج العذراء صحياً ( نفسيا وجسمانيا وكل مايخص طاسة المزاج ):

ابعد عن الدوشة النهاردة عشان تتجنب اي صداع بايخ مالوش عازة..ركز ف الاكل بالنهار بس..بالليل حاول تاكل خفيف جدا وخصوصا قبل النوم عشان متحلمش بكوابيس..

تعرف على توافق برج العذراء مع باقي الأبراج النهاردة:

متوافق مع الابراج الحبشتكانية

*****************************************************************************

إعرف حظك اليوم برج الميزان الاثنين 25 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

الرشاقة عنوان الصحة والجمال.. والرشاقة الفكرية عنوان الذكاء والدهاء والمكر..

برج الميزان عملياً ( الشغل والمذاكرة والتخطيط لبكرة ):

واضح انك بتدبر حاجة جديدة من تحت لتحت وبتجهز لمصيبة صغننة متدارية من مصايبك.. هاف فان..

برج الميزان صحياً ( نفسيا وجسمانيا وكل مايخص طاسة المزاج ):

قلقك من زيادة وزنك مش ف محله..مفيش ازمة اليومين دول بالنسبالك ف انك تعمل دايت وتلتزم بيه بس انتا مكسل ودة قشطة على فكرة..جسمك من حقه ينبسط قبل نكد الوزن الزيادة اللي بيسببه الشتا..عموما الجمال مبيتوزنش بالكيلو..تاكل براحتك وميهمكش من حد.

تعرف على توافق برج الميزان مع باقي الأبراج النهاردة:

متوافق مع الابراج الهوائية والنارية

*****************************************************************************

إعرف حظك اليوم برج العقرب الاثنين 25 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

جميل النهاردة ماشاء الله وشكلك برئ جدا على غير العادة..

برج العقرب عملياً ( الشغل والمذاكرة والتخطيط لبكرة ):

حاول تبقى تقيل النهاردة كدة وراسي وميبقاش سهل حد يستفزك او يخرجك من المود الحلو اللي بيحاول يعشش ف دماغك بالراحة..

برج العقرب صحياً ( نفسيا وجسمانيا وكل مايخص طاسة المزاج ):

اللون البينك والمزيكا هيبقوا علامة من علامات الانبساط والفرحة النهاردة بالنسبالك..إمشي وراهم بثقة.

تعرف على توافق برج العقرب مع باقي الأبراج النهاردة:

متوافق مع الابراج الهوائية والسنجابية

*****************************************************************************

إعرف حظك اليوم برج القوس الاثنين 25 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

إبعد عن اللون الازرق وعن الناس اللي بتحب تبان فاهمة ف كل حاجة النهاردة

برج القوس عملياً ( الشغل والمذاكرة والتخطيط لبكرة ):

المود مش ناقص اي فتي او هري او مبالغات او تفاصيل تفسد مزاجك بدون داعي..

برج القوس صحياً ( نفسيا وجسمانيا وكل مايخص طاسة المزاج ):

واضح انك محتاج ترجع تهتم بالدايت من تاني وإلا هتواجه أزمة اليومين اللي جايين دول..الوقت مناسب للدايت مفيش كلام خصوصا قبل دخلة الشتا.

تعرف على توافق برج القوس مع باقي الأبراج النهاردة:

متوافق مع الابراج الغازية والترابية

*****************************************************************************

إعرف حظك اليوم برج الجدي الاثنين 25 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

بتحاول تبان طيب بقالك حبة بس مفيش فايدة وفي ناس بتفقس الشر اللي كامن جواك برضة مهما عملت..

برج الجدي عملياً ( الشغل والمذاكرة والتخطيط لبكرة ):

مبتاخدش بالك ان كل حاجة بتفكر فيها بتبان على تعبيرات وشك وبسهولة اي حد مركز معاك ممكن يقراك ويعرف انتا بتفكر ف ايه كمان انتا بتفتكر احيانا انك اذكى من الناس المحيطة ودة غلط كبير..

برج الجدي صحياً ( نفسيا وجسمانيا وكل مايخص طاسة المزاج ):

البرتقان واللمون والتفاح والكيوي حاجات ممكن تبسطك النهاردة حبة خصوصا بشكلها ولونها وريحتها مش بطعمها بس.

تعرف على توافق برج الجدي مع باقي الأبراج النهاردة:

متوافق مع الابراج المائية والبرمائية

*****************************************************************************

إعرف حظك اليوم برج الدلو الاثنين 25 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

في نشاط عظيم وباور جبار جواك بس انتا مكسل اساسا تستغلهم..

برج الدلو عملياً ( الشغل والمذاكرة والتخطيط لبكرة ):

واضح انك موفر مجهودك لمعركة جاية ف الطريق او انك مجرد بس مكسل ومفرهد ذهنيا بالتالي ملكش مزاج تتحرك كتير..

برج الدلو صحياً ( نفسيا وجسمانيا وكل مايخص طاسة المزاج ):

النفسية محتاجة روقان وتركيز وتجنب تام لأي تشويش جاي من ناس مزعجة او معطلة..أهم حاجة متكشرش ف وش الحياة عشان فال وحش النهاردة..ف بلاش منه.

تعرف على توافق برج الدلو مع باقي الأبراج النهاردة:

متوافق مع الابراج الترابية والدخانية

*****************************************************************************

إعرف حظك اليوم برج الحوت الاثنين 25 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

ف مود خطر النهاردة وبتميل للعنف حبة النهاردة.. جايز عرفت حاجة عن نفسك ضايقتك وبتحاول تضرب قنابل دخان إستباقية ف وش الناس عشان محدش ياخد باله انك متضايق من نفسك او اللي انتا فيه دة مجرد إحساس عابر بالزهق..

برج الحوت عملياً ( الشغل والمذاكرة والتخطيط لبكرة ):

ف الحالتين انتا محتاج تخرج من بدري تواجه العالم وتكتشف مكان جديد وناس جديدة متعرفش عنك اي حاجة وبكدة تضمن ان محدش يجروء يواجهك بعيوبك وتقدر تسقي ف شوربة المثالية اللي بتحبها براحتك.

برج الحوت صحياً ( نفسيا وجسمانيا وكل مايخص طاسة المزاج ):

صحيا انتا كويس وزي القرد

تعرف على توافق برج الحوت مع باقي الأبراج النهاردة:

متوافق مع الابراج الترابية والسنجابية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.