حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

  : كلام جد

تخيل مريض نفسي مشكلته كلها انه بيتخيل أغنية " كان فى فراشة صغنـتتة لابسة بلوزة منقطة على جونلة مخططة " بتطارده ف ودانه طول الوقت ومش قادر يفكر ف حاجة غير فيها وف الجونلة المنقطة دي طول الوقت.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل الأحد 24 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

نفسيتك مابين شد وجذب وجواك في عفاريت بتتنطط وقرود بترقص واحساس نفسي عارم بيزقك طول الوقت تعمل حاجة مجنونة فشخ..

برج الحمل عملياً ( الشغل والمذاكرة والتخطيط لبكرة ):

طب مابراحتك..ايه مانعك تتجنن وتنبسط براحتك..خايف من ايه.. متقلقش..محدش بيعد وراك الانبساط دة ولا حد من حقه يحاسبك اساسا على اي حاجة..شعار اليوم..اللي يعرف باباك يروح يقوله..

برج الحمل صحياً ( نفسيا وجسمانيا وكل مايخص طاسة المزاج ):

شعار اليوم..اللي يعرف باباك يروح يقوله.. غير كدة كله ف المربى بالزبدة سندوتشات..خصوصا لو مربى مشمش.

إعرف توافق برج الحمل مع باقي الأبراج النهاردة

متوافق مع الابراج الكتكوتية والمائية

*****************************************************************************

إعرف حظك اليوم برج الثور الأحد 24 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

إفصل مابين الحب والمصلحة كويس جدا..

برج الثور عملياً ( الشغل والمذاكرة والتخطيط لبكرة ): 

في حد بيتعامل معاك كويس عشان مصلحته مش اكتر.. المشكلة انك واخد بالك ومطنش..حاول النهاردة متتعاملش مع النوعية دي من الاشخاص..ملهاش لازمة..انتا محتاج صدق ف حياتك مش ناس توالسلك بشكل مؤقت..

برج الثور صحياً ( نفسيا وجسمانيا وكل مايخص طاسة المزاج ):

صحتك محتاجة اهتمام خصوصا بشرتك

إعرف توافق برج الثور مع باقي الأبراج النهاردة:

متوافق مع الابراج الهوائية والنارية والسنجابية

*****************************************************************************

إعرف حظك اليوم برج الجوزاء الأحد 24 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

اليوم مناسب للدندشة والفرفشة والضحك وبس.

برج الجوزاء عملياً ( الشغل والمذاكرة والتخطيط لبكرة ):

دور النهاردة على الحاجات والناس اللي تبسطك مش اللي ينكد عليك..

برج الجوزاء صحياً ( نفسيا وجسمانيا وكل مايخص طاسة المزاج ):

الكبدة والكشري والمانجا..حاجات كلها مجرد ذكر اسمها بيحس الواحد بالانتعاش..مابالك لو أكلها كلها ف يوم واحد..أكيد هينبسط..

تعرف على توافق برج الجوزاء مع باقي الأبراج النهاردة:

متوافق مع الابراج النارية والمائية والبرمائية

*****************************************************************************

إعرف حظك اليوم برج السرطان الأحد 24 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

جميل النهاردة وحالة حلوة زي نفسيتك بالظبط خصوصا كمان ان وشك منور بحبة حب للحياة مع تفاؤل مخلي خدودك بتلمع..خلي بالك بقى عشان الحياة مبتحبش النوع دة من التألق..

برج السرطان عملياً ( الشغل والمذاكرة والتخطيط لبكرة ):

وقت الليل مناسب للقراية وللتخطيط لمستقبلك وكاريرك مش للرغي ف التليفون خصوصا وانك هتبقى ف مود جاهز ومستعد للخناق والنزاع والتأكيد على انك أهم من اللي بتكلمه وأهم من اي حاجة بيعملها لا لشيئ إلا انك حاسس انك زهقان ومش لاقي تكسر الملل دة..مش أكتر..

برج السرطان صحياً (نفسيا وجسمانيا وكل مايخص طاسة المزاج ):

عموما البطاطس المحمرة وفوقها جبنة شيدر سايحة هتحل المشكلة دي بشكل سريع وحاسم.

تعرف على توافق برج السرطان مع باقي الأبراج النهاردة:

متوافق مع الابراج اللي بتحسسك انك اهم من اي حد واي حاجة

*****************************************************************************

إعرف حظك اليوم برج الأسد الأحد 24 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

احساس بسيط بالملل ف بداية اليوم هيعقبه حماسة مفاجئة يعقبها خمول ثم انتعاشة مفاجئة تانية..

برج الأسد عملياً ( الشغل والمذاكرة والتخطيط لبكرة ):

واضح انك النهاردة ف مود متقلب حبة ومش حابب تتكلم كتير مع حد الا عشان تسأل على حاجة انتا مش عارفها او تمشي مصلحتك يدوبك يعني..قشطة انتا حر بس حاول تنبسط ف النص..

برج الأسد صحياً ( نفسيا وجسمانيا وكل مايخص طاسة المزاج ):

النكد مش حلو عشان صحتك بعكس القلقاس مع الفراخ واللي هيبقوا حاجة ف مصلحتك جدا.

تعرف على توافق برج الأسد مع باقي الأبراج النهاردة:

متوافق مع الابراج اللي بتحب القلقاس مع الفراخ

*****************************************************************************

إعرف حظك اليوم برج العذراء الأحد 24 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

هتحس انك محبوب النهاردة بزيادة ..يابختك..

برج العذراء عملياً ( الشغل والمذاكرة والتخطيط لبكرة ):

ياريت تستفيد من جو التفاؤل المحيط وتعدي اليوم وانتا كسبان معلومة جديدة وناس جديدة تملى حياتك بهجة وانبساط..

برج العذراء صحياً ( نفسيا وجسمانيا وكل مايخص طاسة المزاج ):

النفسية محتاجة شاورمة..فك الكيس ودلع الاناني.. وياحبذا لو تضرب بطاطا بالمرة تكبس وراها الشاورمة وتقفل عليها.

تعرف على توافق برج العذراء مع باقي الأبراج النهاردة:

متوافق مع الابراج النارية والبرمائية

*****************************************************************************

إعرف حظك اليوم برج الميزان الأحد 24 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

خليك كتوم النهاردة حبة وامسك لسانك ومتعلقش بصراحة وعفوية وتلقائية على كل تفصيلة او تصرف غريب تشوفه النهاردة من الناس المحيطة بيك..

برج الميزان عملياً ( الشغل والمذاكرة والتخطيط لبكرة ):

كمان عرف اللي بتحبه انك بتحبه ومتتكسفش وانسى الخلافات حبة..اركنها حبة عشان تعرف تعدي اليوم وتنبسط خصوصا وانك محتاج تحس بالحب ومحتاج تحس بالأمان اكتر من الحب..

برج الميزان صحياً ( نفسيا وجسمانيا وكل مايخص طاسة المزاج ):

الخس والجزر والخيار والقوطة بينادوك ومناعتك ومزاج محتاج الخروشة دي بشدة..خروش براحتك وإنبسط.

تعرف على توافق برج الميزان مع باقي الأبراج النهاردة:

متوافق مع الابراج الدخانية والحبشتكانية

*****************************************************************************

إعرف حظك اليوم برج العقرب الأحد 24 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

تقدر تقعد تتفرج على البشر وتسجل ملاحظاتك طبعا براحتك..

برج العقرب عملياً ( الشغل والمذاكرة والتخطيط لبكرة ):

بس ياريت برضة تاخد بالك انك معاهم برضة ف كل حاجة غلط بيعملوها وانك برضة اكيد غريب الاطوار بالنسبة لناس كتير حواليك ومع ذلك ساكتين ومبيقولوش حاجة ومبيعلقوش لا عليك ولا على تصرفاتك.. انتا مش مثالي حضرتك..

برج العقرب صحياً ( نفسيا وجسمانيا وكل مايخص طاسة المزاج ):

الطواجن بتناديك النهاردة خصوصا اللي معمولة مخصوص ليك وهتنبسط فعلا بيها خصوصا لو معمولالك بحب.

تعرف على توافق برج العقرب مع باقي الأبراج النهاردة:

متوافق مع الابراج الترابية والمائية

*****************************************************************************

إعرف حظك اليوم برج القوس الأحد 24 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

في حاجة خطر هتحصل النهاردة خلي بالك..

برج القوس عملياً ( الشغل والمذاكرة والتخطيط لبكرة ):

نقي كلامك وحاسب ف تصرفاتك النهاردة كويس جدا عشان ممكن كلمة تقولها بهزار تقلب موازين كل حاجة بجد..مجرد كلمة..

برج القوس صحياً ( نفسيا وجسمانيا وكل مايخص طاسة المزاج ):

دلع نفسك ف جيمز النهاردة بالليل حبة وبعدها إتعشى وكمل لعب بعد العشا او انزل اخرج اتمشي وانبسط بنسايم الهوا الساقعة.. انتا محتاج تفرفش حبة ومحتاج تبطل تهتم الناس بتقول عليك ايه.. يتفلقوا اصلا.

تعرف على توافق برج القوس مع باقي الأبراج النهاردة:

متوافق مع الابراج النارية والمستحية على حدا سواء

*****************************************************************************

إعرف حظك اليوم برج الجدي الأحد 24 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

حاول متبقاش غلس مع الناس اللي بتستلطفهم او اللي بتعرفهم جديد النهاردة لأول مرة..

برج الجدي عملياً ( الشغل والمذاكرة والتخطيط لبكرة ):

عبر عن نفسك ببساطة عشان متتفهمش غلط او عشان على الاقل تسيب انطباع كويس وحنين ف قلوب الناس جايز تحتاجهم بعدين او تحبهم او تبقوا صحاب..مين عارف..

برج الجدي صحياً ( نفسيا وجسمانيا وكل مايخص طاسة المزاج ):

مكرونة بالتونة وجرجير على انغام ام كلثوم ف الغدا ومزاجك يبقى ف السما.

تعرف على توافق برج الجدي مع باقي الأبراج النهاردة:

متوافق مع الابراج السنجابية والهوائية

*****************************************************************************

إعرف حظك اليوم برج الدلو الأحد 24 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

بنات افكارك بيطلبوا منك تكتشف مزيكا النهاردة كتير جدا جديدة سواء مزيكا تسمعها او مزيكا ف الناس والبشر..

برج الدلو عملياً ( الشغل والمذاكرة والتخطيط لبكرة ):

اللون التركواز النهاردة فال خير ف كل حاجة وكذلك التفاؤل بشكل عام..حاول مترازيش نفسك بأي رغي ف مشاكل متخصكش مع ناس متخصكش..هتوجع دماغك على الفاضي وبدون داعي..

برج الدلو صحياً ( نفسيا وجسمانيا وكل مايخص طاسة المزاج ):

الاكل النهاردة محتاج يبقى نوعي ومختلف شوية..جايز تحب تجرب أكلة جديدة او وصفة جديدة لأكلة جديدة..المهم تنبسط.

تعرف على توافق برج الدلو مع باقي الأبراج النهاردة:

متوافق مع الابراج الترابية والدخانية

*****************************************************************************

إعرف حظك اليوم برج الحوت الأحد 24 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

نفسيتك بترقص النهاردة..

برج الحوت عملياً ( الشغل والمذاكرة والتخطيط لبكرة ):

نفسيتك محتاجة مزيكا مناسبة ترصها ف بلاي ليست منعش على تليفونك من اول اليوم عشان تعرف تطنش اي مضايقات او هسهسة عابرة من الحياة او من البني آدمين..

برج الحوت صحياً ( نفسيا وجسمانيا وكل مايخص طاسة المزاج ):

احساسك بالوحدة شاغل تفكيرك عشان انتا حابب تنكد على نفسك مش اكتر..ركز النهاردة مع الشوربة بكل انواعها..سواء شوربة خضار او شوربة سي فوود.

تعرف على توافق برج الحوت مع باقي الأبراج النهاردة:

متوافق مع الابراج البرمائية والهوائية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.