حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

  : كلام جد

ف كون موازي في ديناصور دكتور تغدية ديناصورات بيكتب دلوقتي روشتة فيها دايت لديناصور عاوز يخس عشان فرحه كمان شهرين ..الروشتة فيها خضار وبشر مسلوقة بس.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل السبت 23 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

فجر احزانك بالانبساط البسيط البرئ المفاجئ لنفسيتك..فاجئ نفسك كدة بأي حاجة حلوة حتى لو شوكلاتاية ولا اي حاجة متبقاش بخيل

برج الحمل عملياً ( الشغل والمذاكرة والتخطيط لبكرة ):

متخشش ف معركة مع اي حد النهاردة سواء ف الشغل او ف البيت..مش وقته خالص

برج الحمل صحياً ( نفسيا وجسمانيا وكل مايخص طاسة المزاج ):

وراك حاجات كتير جدا بتفكر فيها بس ممكن تركنها حبة وتقعد تستمتع بشاي ساعة العصاري..جايز تنبسط..يمكن يحصل مين يعرف

إعرف توافق برج الحمل مع باقي الأبراج النهاردة

متوافق مع الابراج الغازية

*****************************************************************************

إعرف حظك اليوم برج الثور السبت 23 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

نفسيتك محتاجة لون ازرق كتير..جايز يكون بحر او مجرد انك تشوف لون البحر على امتداد البصر

برج الثور عملياً ( الشغل والمذاكرة والتخطيط لبكرة ): 

اتقل وهتعرف تاخد اجازة وتروح ماكن مانتا عاوز بعدين..خلص اللي وراك النهاردة الاول بس وبعد كدة فكر ف الاجازة

برج الثور صحياً ( نفسيا وجسمانيا وكل مايخص طاسة المزاج ):

المكرونة والبطاطس اصدقائك النهاردة

إعرف توافق برج الثور مع باقي الأبراج النهاردة:

متوافق مع الابراج المائية

*****************************************************************************

إعرف حظك اليوم برج الجوزاء السبت 23 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

هدوءك المبالغ فيه وثباتك الانفعالي مش هينفعوك النهاردة..فكر ف وش جديد احسن

برج الجوزاء عملياً ( الشغل والمذاكرة والتخطيط لبكرة ):

واضح انك كنت عامل مصيبة صغننة على جنب ومداريها وإتكشفت او على وشك تنكشف..مفيش حل غير الهرب..من المكان او من المواجهة

برج الجوزاء صحياً ( نفسيا وجسمانيا وكل مايخص طاسة المزاج ):

انتا محتاج تجري حبة لحد ما حيلك يتهد وبعد كدة تفكر ف الاكل..مش العكس..حياتك محتاجة النشاط دة بكل اثارته وتفاصيله..ران فور يور لايف

تعرف على توافق برج الجوزاء مع باقي الأبراج النهاردة:

متوافق مع الابراج البرمائية

*****************************************************************************

إعرف حظك اليوم برج السرطان السبت 23 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

دلع نفسك بنفسك ومتعتمدش على مصادر خارجية ممكن تذلك بالدلع دة..مالوش لازمة

برج السرطان عملياً ( الشغل والمذاكرة والتخطيط لبكرة ):

ركز كويس عشان متقعش ف مشاكل النهاردة على المستوى العملي..ركز كويس وفتح مخك حبة ومشي امورك وبلاش صدام

برج السرطان صحياً (نفسيا وجسمانيا وكل مايخص طاسة المزاج ):

السمك مناسب لمودك النهاردة

تعرف على توافق برج السرطان مع باقي الأبراج النهاردة:

متوافق مع الابراج اللي بتحب السمك

*****************************************************************************

إعرف حظك اليوم برج الأسد السبت 23 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

لو مش حابب تتعامل مع حد النهاردة متحسش بالذنب..دة حقك ف الحياة

برج الأسد عملياً ( الشغل والمذاكرة والتخطيط لبكرة ):

طالما مش عاوز تتكلم مع حد يبقى تركز مع المزيكا وتكتشف النهاردة اغاني جديدة تحبها وتنبسط بيها وخلاص..مش لازم تتكلم

برج الأسد صحياً ( نفسيا وجسمانيا وكل مايخص طاسة المزاج ):

الاكل اللي فيه لون اخضر كتير وفريش مع الفاكهة مناسبين للحالة اللي انتا فيها النهاردة..كمان الفراخ المتبلة وكذلك الملوخية..سقي فيها احزانك براحتك

تعرف على توافق برج الأسد مع باقي الأبراج النهاردة:

متوافق مع الابراج اللي تعملك ملوخية

*****************************************************************************

إعرف حظك اليوم برج العذراء السبت 23 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

راكن مشاعرك انتا بقالك فترة..براحتك..انتا حر

برج العذراء عملياً ( الشغل والمذاكرة والتخطيط لبكرة ):

هتعمل مشوار مهم النهاردة..بعد ماتخلصه بقترح تكن ف البيت قدام المروحة والتلفزيون ومتعملش اي حاجة

برج العذراء صحياً ( نفسيا وجسمانيا وكل مايخص طاسة المزاج ):

تقدر تخش بقلب جامد ف اي صينية او حلة طبيخ تلاقيها ف التلاجة صدفة..

تعرف على توافق برج العذراء مع باقي الأبراج النهاردة:

متوافق مع الابراج الحبشتكانية زي امبارح

*****************************************************************************

إعرف حظك اليوم برج الميزان السبت 23 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

النهاردة يوم عظيم بالنسبالك لو حبيته يبقى عظيم وكئيب ورزل لو مودك متنكد ومكتئب..ف نقي مودك الاول النهاردة قبل ماتنزل

برج الميزان عملياً ( الشغل والمذاكرة والتخطيط لبكرة ):

اليوم مناسب للفسح والخروج بشكل كبير جدا ومناسب برضة لمواجهة اي كبت داخلي مالوش لازمة..

برج الميزان صحياً ( نفسيا وجسمانيا وكل مايخص طاسة المزاج ):

ابعد عن اللون الاصفر وعن اي حد مش واثق ف نفسه..ابعد بالمشوار

تعرف على توافق برج الميزان مع باقي الأبراج النهاردة:

متوافق مع الابراج اللي بتثق ف نفسها

*****************************************************************************

إعرف حظك اليوم برج العقرب السبت 23 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

رومانسية كانت منسية هتطفو مجددا على سطح بحيرة مشاعرك..إستمتع..

برج العقرب عملياً ( الشغل والمذاكرة والتخطيط لبكرة ):

الرومانسية مطلوبة واساسا محدش لاقيها اليومين دول ف متستكبرش على الموضوع وانبسط احسن..الشغل مش هيطير

برج العقرب صحياً ( نفسيا وجسمانيا وكل مايخص طاسة المزاج ):

بلاش تقعد النهاردة ف مكان اضاءته مش كويسة

تعرف على توافق برج العقرب مع باقي الأبراج النهاردة:

متوافق مع الابراج الهوائية

*****************************************************************************

إعرف حظك اليوم برج القوس السبت 23 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

مش سهل عليك تسامح بس مهم النهاردة تعمل كدة عشان الدنيا تمشي

برج القوس عملياً ( الشغل والمذاكرة والتخطيط لبكرة ):

حاول تدي الناس حواليك اكترم ن فرصة جايز يتغيروا..جايز مين عارف

برج القوس صحياً ( نفسيا وجسمانيا وكل مايخص طاسة المزاج ):

خد بالك من الحساسية بشكل عام النهاردة..نفسيا وصحيا

تعرف على توافق برج القوس مع باقي الأبراج النهاردة:

متوافق مع الابراج النارية

*****************************************************************************

إعرف حظك اليوم برج الجدي السبت 23 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

مغرم بالتحكم ف كل حاجة لدرجة مبتخلكش تريح اساسا الا لما تقع من التعب..

برج الجدي عملياً ( الشغل والمذاكرة والتخطيط لبكرة ):

عندك استعداد تستغل الناس عشان توصل لأهدافك النهاردة..ماشاء الله انتهازي وهتنجح

برج الجدي صحياً ( نفسيا وجسمانيا وكل مايخص طاسة المزاج ):

بتحب تتكلم عن الفشل والفشلة كتير وبتتغذى على الطاقة السلبية ليه بقى؟..انتا هتسلك ف الحياة متقلقش من غير ما تعمل كدة..مالوش لازمة..

تعرف على توافق برج الجدي مع باقي الأبراج النهاردة:

متوافق مع الابراج الترابية

*****************************************************************************

إعرف حظك اليوم برج الدلو السبت 23 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

في حد بيكراش ليك ف السر..كالعادة..كبر دماغك ومتشغلش بالك بالحاجات التافهة دي

برج الدلو عملياً ( الشغل والمذاكرة والتخطيط لبكرة ):

محتاج تنام كويس ومحتاج تخلص كل اللي وراك الاول ومتركنش حاجة لبكرة عشان مش هتعرف تنام بعمق طول ماوراك مشغوليات او نواقص او حاجات نفسك تعملها..كمان مهم النهاردة تبقى رايق وهادي ف وش المجتمع..وتبعد عن اللون الاصفر ف كل حاجة

برج الدلو صحياً ( نفسيا وجسمانيا وكل مايخص طاسة المزاج ):

صحتك كويسة..بس مزاجك مش مظبوط لسة بشكل كامل رغم انك بتعمل اللي عليك تجاهه..جايز في حاجة ناقصة وجايز في حاجة جديدة هتحصل..مسيرنا نشوف

تعرف على توافق برج الدلو مع باقي الأبراج النهاردة:

متوافق مع الابراج الكتكوتية

*****************************************************************************

إعرف حظك اليوم برج الحوت السبت 23 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

انتا محتاج تتفسح اليومين دول بشكل اكبر من الفسح اللي كنت بتتفسحها اليومين اللي فاتوا..قلبك محتاج هوا..زهق من الكتمة غالبا..

برج الحوت عملياً ( الشغل والمذاكرة والتخطيط لبكرة ):

محدش بيستقل بذكائك ولا حاجة..دي مجرد ناس مش عارفاك كويس بس مش اكتر..

برج الحوت صحياً ( نفسيا وجسمانيا وكل مايخص طاسة المزاج ):

إحساسك بالذنب تجاه الدايت هيعملك عقدة لو فضلك تفكر ف الموضوع كتير..وانتا مش ناقص عقد

تعرف على توافق برج الحوت مع باقي الأبراج النهاردة:

متوافق مع الابراج السنجابية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.