حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

  : كلام جد

ف كون موازي في ديناصور دكتور تغدية ديناصورات بيكتب دلوقتي روشتة فيها دايت لديناصور عاوز يخس عشان فرحه كمان شهرين ..الروشتة فيها خضار وبشر مسلوقة بس.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل الجمعة 22 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

الحياة مبتتروضش..الحياة مش حيوان برئ..الحياة حالة بتمر بيها خلايانا وبس

برج الحمل عملياً ( الشغل والمذاكرة والتخطيط لبكرة ):

متخشش ف صراع اليومين دول مع اي حد وركز ف اللي وراك وبس

برج الحمل صحياً ( نفسيا وجسمانيا وكل مايخص طاسة المزاج ):

شعرك جميل النهاردة ماشاء الله ودة فال خير

إعرف توافق برج الحمل مع باقي الأبراج النهاردة

متوافق مع الابراج اللي تاخد بالها من جمال شعرك النهاردة

*****************************************************************************

إعرف حظك اليوم برج الثور الجمعة 22 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

مسير اللي مطنشك يتنطش..وساعتها مش هيلاقي حد حواليه الا انتا..وهيجيلك زاحفا يبدي الندم..راكعا متربعا متقرفص..لو ليك مزاج تسامحه ابقى سامحه..انتا حر

برج الثور عملياً ( الشغل والمذاكرة والتخطيط لبكرة ): 

اتقل وكل حاجة هتبقى كويسة..اتقل واصبر بس حبة

برج الثور صحياً ( نفسيا وجسمانيا وكل مايخص طاسة المزاج ):

التلفزيون صديقك النهاردة

إعرف توافق برج الثور مع باقي الأبراج النهاردة:

متوافق مع الابراج البرمائية

*****************************************************************************

إعرف حظك اليوم برج الجوزاء الجمعة 22 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

المشاكل اللي بتكتر دي مضايقاك انا عارف..الحل الوحيد هو الصدق..سواء مع نفسك او مع الناس وبس..

برج الجوزاء عملياً ( الشغل والمذاكرة والتخطيط لبكرة ):

القراية حل لكل مشاكلك النهاردة وملجأ لطيف ومهرب من الفكر اللي شاغل بالك

برج الجوزاء صحياً ( نفسيا وجسمانيا وكل مايخص طاسة المزاج ):

اطبخ اكل لنفسك النهاردة بإيدك ومتاكلش من برة انشالله بيضة مسلوقة

تعرف على توافق برج الجوزاء مع باقي الأبراج النهاردة:

متوافق مع الابراج الترابية والغوغائية

*****************************************************************************

إعرف حظك اليوم برج السرطان الجمعة 22 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

متتمشاش جوة نفسيتك الليلة..بلاش..

برج السرطان عملياً ( الشغل والمذاكرة والتخطيط لبكرة ):

اللون النبيتي لون حلو النهاردة..إمشي وراه..

برج السرطان صحياً (نفسيا وجسمانيا وكل مايخص طاسة المزاج ):

الغدا يكون ف جنينة مش ف مكان مقفول النهاردة ياريت..والصحبة مهمة جدا جدا ف الموضوع دة

تعرف على توافق برج السرطان مع باقي الأبراج النهاردة:

متوافق مع الابراج المائية والغازية

*****************************************************************************

إعرف حظك اليوم برج الأسد الجمعة 22 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

النهاردة يوم مناسب للحوارات البناءة والصداقة..مش للحب

برج الأسد عملياً ( الشغل والمذاكرة والتخطيط لبكرة ):

متعندش وتقفش ف رأيك لمجرد انك عاوز طول الوقت تطلع صح وخلاص..بلاش..انتا اكبر من كدة ياسيد..

برج الأسد صحياً ( نفسيا وجسمانيا وكل مايخص طاسة المزاج ):

اللي خسر ف الطاولة او الدومنة هو اللي بيحاسب ودي حاجة معروفة ف اي نادي شباب محلي او عالمي

تعرف على توافق برج الأسد مع باقي الأبراج النهاردة:

متوافق مع الابراج اللي تغلبه ف الطاولة او ف الدومنة

*****************************************************************************

إعرف حظك اليوم برج العذراء الجمعة 22 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

غرق مشاعرك ف بيسين الرفاهية والدلع والفرفشة النهاردة على قد ماتقدر..محدش عارف بكرة فيه ايه

برج العذراء عملياً ( الشغل والمذاكرة والتخطيط لبكرة ):

اتلكك للفرحة عشان تفرح مش للنكد

برج العذراء صحياً ( نفسيا وجسمانيا وكل مايخص طاسة المزاج ):

الاكل النهاردة مهم جدا يكون خفيف

تعرف على توافق برج العذراء مع باقي الأبراج النهاردة:

متوافق مع الابراج الحبشتكانية

*****************************************************************************

إعرف حظك اليوم برج الميزان الجمعة 22 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

جميل ومفرفش النهاردة..إثبت على كدة بقى ياعم الحاج

برج الميزان عملياً ( الشغل والمذاكرة والتخطيط لبكرة ):

حافظ على مودك لو كويس وحلو على قد ماتقدر..بس كدة

برج الميزان صحياً ( نفسيا وجسمانيا وكل مايخص طاسة المزاج ):

اخرج وانبسط ومتقعدش ف البيت

تعرف على توافق برج الميزان مع باقي الأبراج النهاردة:

متوافق مع الابراج اللي تخرج معاك بالليل وتفرفشك زيادة على فرفشتك

*****************************************************************************

إعرف حظك اليوم برج العقرب الجمعة 22 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

الصراحة للأسف مؤذية..كل واحد بيطلب يسمع الصراحة منك بس ف الحقيقة هو بيطلب تقوله انه حلو وكويس ومفيش زيه

برج العقرب عملياً ( الشغل والمذاكرة والتخطيط لبكرة ):

انتا محتاج تركز الفترة اللي جاية ف شغلك وف مذاكرتك ومهم جدا متصدرش الوش الخشب لحد

برج العقرب صحياً ( نفسيا وجسمانيا وكل مايخص طاسة المزاج ):

خليك مع صواني المسقعة النهاردة هتنبسط جدا

تعرف على توافق برج العقرب مع باقي الأبراج النهاردة:

متوافق مع الابراج الغازية

*****************************************************************************

إعرف حظك اليوم برج القوس الجمعة 22 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

هتحتاج النهاردة تختلي بنفسك حبة..تقعد مع نفسك وتروق دماغك وتصفيها من كل الهسس اللي بيتفسح فيها رايح جاي بقاله حبة

برج القوس عملياً ( الشغل والمذاكرة والتخطيط لبكرة ):

خلوة موفقة يامعلم..كل القرارات اللي هتوصلها النهاردة هتفيدك مستقبلا جدا

برج القوس صحياً ( نفسيا وجسمانيا وكل مايخص طاسة المزاج ):

كل التفاصيل بتفرق..مهما كانت بسيطة بس برضة بتفرق ثم هو الانسان ايه غير حبة تفاصيل مرصوصة جنب بعضها بشكل حلو ومعمولها ماركتينج بشكل ناجح طول الوقت

تعرف على توافق برج القوس مع باقي الأبراج النهاردة:

متوافق مع الابراج الهوائية والمستحية

*****************************************************************************

إعرف حظك اليوم برج الجدي الجمعة 22 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

الكلمة الحلوة النهاردة مفتاح لكل حاجة حلوة..استخدمها بحرص ونقي هتقول ايه لمين وامتى وفين كويس

برج الجدي عملياً ( الشغل والمذاكرة والتخطيط لبكرة ):

من حقك تزمزأ لما حد يعتدي على خصوصيتك بس برضة راعي انك مبتسيبش حد ف حاله اوقات كتير..خليك ف حالك النهاردة ومحدش هيضايقك

برج الجدي صحياً ( نفسيا وجسمانيا وكل مايخص طاسة المزاج ):

صحتك كويسة بس ناقصك تمشي بعد الاكل ساعة او ساعتين او تلاتة..حاسب بس لا تتوه ومتنساش المزيكا معاك..والمية 

تعرف على توافق برج الجدي مع باقي الأبراج النهاردة:

متوافق مع الأبراج الترابية والنارية 

*****************************************************************************

إعرف حظك اليوم برج الدلو الجمعة 22 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

طاقة مهولة وعجائبية وغرائبية النهاردة مع إيجابية مستحية..ياريت توظف الطاقة دي ف الخير مش ف النوم

برج الدلو عملياً ( الشغل والمذاكرة والتخطيط لبكرة ):

حد غامض بيغير عليك وبيفكر يرازيك..خد بالك كويس النهاردة خصوصا بالليل ومتلبسش اي حاجة فيها لون أحمر او بينك

برج الدلو صحياً ( نفسيا وجسمانيا وكل مايخص طاسة المزاج ):

صحتك كويسة وزي الفل انتا اللي بتخوف ف نفسك ع الفاضي طول الوقت وبتخترع لنفسك بانيك آتاك من الهوا..على ذكر الهوا..ياريت تخرج بالليل تشم شوية هوا ساقع ف السر

تعرف على توافق برج الدلو مع باقي الأبراج النهاردة:

متوافق مع الابراج الهوائية والسنجابية والغازية

*****************************************************************************

إعرف حظك اليوم برج الحوت الجمعة 22 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

لو بتكراش على حد ياريت تاخد بالك انك بتعامله كأنك امين شرطة ف كمين..ف براحة وبشويش عشان ميطفش ويهبأ منك..كمان راعي انك قاسي جدا ف حبك ومبتقبلش بأي مناوشات صديقة عشان بتبوظلك الشغف..عموما الشغف مبيأكلش عيش ولو بتحب حد ياريت متكراش عليه من بعيد لبعيد وتروح تقوله من نفسك ولنفسك عشان مفيش وقت والكوكب ممكن يختفي بينا كلنا ف اي لحظة اصلا..ف يا تلحق يامتلحقش..

برج الحوت عملياً ( الشغل والمذاكرة والتخطيط لبكرة ):

النهاردة اجازة من الشغل وياريت متفكرش ف اي شغل خالص النهاردة دة لو حابب طبعا تقضي اجازة لطيفة بعيدة عن وجع الدماغ..

برج الحوت صحياً ( نفسيا وجسمانيا وكل مايخص طاسة المزاج ):

سقي جسمك ف البانيو ان مكانش عشانك ف عشان الميكروبات اللي عايشة على جسمك..راعيها حبة عشان تراعيك..

تعرف على توافق برج الحوت مع باقي الأبراج النهاردة:

متوافق مع الابراج المائية والبرمائية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.