التوقيت الجمعة، 29 مارس 2024
التوقيت 09:38 ص , بتوقيت القاهرة

حظك اليوم الخميس 21 سبتمبر 2017 مع عبدالله أحمد..الميزان..متعدش التجاعيد ف المراية

حظك اليوم الخميس 21 سبتمبر 2017
حظك اليوم الخميس 21 سبتمبر 2017

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.


*******************


  : كلام جد


حيطة مكتوب عليها"تبا لكل مفسداٍ للمينتاليتي وسارقاً ناحتا للاوريچيناليتي ".



 


عشان تعرف حظك بشكل كامل .. صفي نيتك ودوس على اسم برجك بإيدك اليمين.


برج الحمل دوت مصر


إعرف حظك اليوم برج الحمل الخميس 21 سبتمبر 2017 مع عبدالله أحمد..


الحمل: من 21 مارس إلى 20 ابريل


برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):


انتا محتاج حنية ف حياتك مش قوة وسند وحد قولك تعمل ايه طول الوقت..دة مياكلش معاك على المدى الطويل بس انتا بتستهل بس مش اكتر..عموما متديش كف ايدك لحد يقراه الا لو كفه حنين..غير كدة مش هيفهمك اصلا ولا هيفهم ورا القوة والجبروت اللي بتصدرهم للحياة دة قد ايه انتا بسيط ورقيق وهش وحنين


برج الحمل عملياً ( الشغل والمذاكرة والتخطيط لبكرة ):


متراكمش المواعين على نفسك ف الحوض وتطنش عليها عشان كدة مش هينفع..ابتدي فيها ومسيرها تخلص


برج الحمل صحياً ( نفسيا وجسمانيا وكل مايخص طاسة المزاج ):


الكوكاكولا بتنضف الحلل احسن من فيري على فكرة..حط حبة منها ف اي حلة لازق فيها بواقي اكل وانتا تندهش من النتيجة


إعرف توافق برج الحمل مع باقي الأبراج النهاردة


متوافق مع الابراج اللي تشجعك تغسل المواعين


*****************************************************************************


برج الثور دوت مصر


إعرف حظك اليوم برج الثور الخميس 21 سبتمبر 2017 مع عبدالله أحمد..


الثور : من 21 ابريل إلى 20 مايو


برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):


خليك رقيق النهاردة ومجامل على غير العادة ولما حد بيحبك يقولك حاجة حلوة قوله ميرسي ولا اي حاجة مش تهز راسك وتسكت..كدة انتا بترمي مشاعرك من البلكونة بدل ما تديها للناس اللي بتحبك..ودة عنف عاطفي غير مبرر..ثم ليه الكبت ليه..ماتتكلم محدش حايشك..خصوصا وانك جواك بلاوي عاوزة تطلع وتتقال ياجدع..اتكلم ومتخافش


برج الثور عملياً ( الشغل والمذاكرة والتخطيط لبكرة ): 


متقعدش ف البيت عشان احتمال كبير يتم تكليفك بمهام سخيفة من باب انهم يشغلوك وخلاص ف اي حاجة..ف ولا ترتب سرير ولا تروق اوضتك ولا تمسح ولا تكنس ولا تطبخ ولا تنزل تجيب عيش او شاي او اي حاجة الا لو فيها فلوس هتطلعها مصلحة..غير كدة قولهم بعمل تمرينات تأمل وانزل واخرج وانبسط وبس


برج الثور صحياً ( نفسيا وجسمانيا وكل مايخص طاسة المزاج ):


انتا محتاج استرخاء وراحة وكلام حلو كتير جدا والاهم من دة كله انتا محتاج متبقاش قفيل او عدواني تجاه اللي هيقولك الكلام الحلو دة النهاردة لمجرد انك مش قادر تقوله بحبك وتخلص


إعرف توافق برج الثور مع باقي الأبراج النهاردة:


متوافق مع الابراج ترابية والغازية والسنجابية


*****************************************************************************


برج الجوزاء دوت مصر


إعرف حظك اليوم برج الجوزاء الخميس 21 سبتمبر 2017 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):


بتسقي برجليك ف بركة المبالغة ف رد الفعل طول الوقت ليه اليومين دول؟..هترجع تندم وتفضل تنكر انك غلطان لحد ماتقتنع انك فعلا متهور ومتسرع ودايما خناقاتك على حاجات متستاهلش لا لشيئ الا انك محتاج تتحب


برج الجوزاء عملياً ( الشغل والمذاكرة والتخطيط لبكرة ):


إتحكم ف نفسك وإفتكر انك انتا اللي سايقها مش العكس


برج الجوزاء صحياً ( نفسيا وجسمانيا وكل مايخص طاسة المزاج ):


سبانخ مجمدة وكبشة رز وبصل متقطع رفيع وتوم وحبة مكرونة مقصوصة مع بعض ف حلة تيفال مع حبة مية حلوين ومعاهم بابريكا ومعلقة صلصة تتضاف بعد الغلى وتوابل واغرف ف طبق واعصر لمون واستمتع يامعلم وياحبذا لو تحط اي حتت فراخ او لحمة متبقية عندك من اي اكل تاني مع الميكس العجيب دة..هيخليه تحفة طبعا..راعي بس ان الرز يترش فوق السبانخ المجمدة وهي راقدة ف الحلة فوق البصل وتكون المية طايلة الرز دة عشان يستوي..يدوبك طايلاها لأنه محطوط بس عشان يمتزج مع السبانخ ويديها قوام مش اكتر..كمان متنساش تغطي الحلة دي كويس ومتزودش مية بالعبيط..واحدة واحدة ياملواني عشان الطبخة دي لما بتظبط بتظبط المزاج بجد طول اليوم


تعرف على توافق برج الجوزاء مع باقي الأبراج النهاردة:


متوافق مع الابراج الهوائية والنارية والمستحية


*****************************************************************************


برج السرطان دوت مصر


إعرف حظك اليوم برج السرطان الخميس 21 سبتمبر 2017 مع عبدالله أحمد..


السرطان: من 21 يونيو إلى 20 يوليو


برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):


الفرح اللي ف دماغك دة انتا لوحدك اللي مسئول عن وجوده


برج السرطان عملياً ( الشغل والمذاكرة والتخطيط لبكرة ):


راقب نفسك بعيون الناس النهاردة وهتاخد بالك انتا بتقول ايه وبتعمل ايه واحتمال تاخد بالك كمان ان مفيش حد ظالمك قد نفسك..انتا مش ضحية ومش ملاك وياريت تبطل انانية


برج السرطان صحياً (نفسيا وجسمانيا وكل مايخص طاسة المزاج ):


انزل من سحابتك البيضا للارض حبة يمكن تنبسط معانا ..مين يعرف..جرب وشوف كدة


تعرف على توافق برج السرطان مع باقي الأبراج النهاردة:


متوافق مع الابراج الحبشتكانية


*****************************************************************************


برج الا?سد دوت مصر


إعرف حظك اليوم برج الأسد الخميس 21 سبتمبر 2017 مع عبدالله أحمد..


الأسد: من 21 يوليو إلى 20 اغسطس


برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):


إعتمادك على التكنولوجيا ف كل حاجة موديك ورا الشمس ومسببلك مشاكل كتير ف حين انه المفروض استخدام العلم الحديث يسهل حياة الانسان مش يصعبها زي ماهو حاصل معاك..حاول تكون بدائي النهاردة شوية وتعتمد على مجهودك الفردي اليدوي


برج الأسد عملياً ( الشغل والمذاكرة والتخطيط لبكرة ):


المجهود اليدوي طبيعي يتعبك ويهد حيلك ودة حلو ومصلحة عشان تنشغل ومتفكرش بشكل سلبي ف اي اتجاه ايا كان..


برج الأسد صحياً ( نفسيا وجسمانيا وكل مايخص طاسة المزاج ):


هتنام بعمق بالليل لو تعبت بالنهار كفاية..مهم برضة تبعد عن مرازية الناس خالص عشان دي مش قيمتك خالص


تعرف على توافق برج الأسد مع باقي الأبراج النهاردة:


متوافق مع الابراج الهوائية والبرمائية


*****************************************************************************


برج العذراء دوت مصر


إعرف حظك اليوم برج العذراء الخميس 21 سبتمبر 2017 مع عبدالله أحمد..


العذراء: من 21 اغسطس إلى 20 سبتمبر


برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):


حاول متكلمش نفسك النهاردة جوة دماغك يا معلم..غالبا مخاصماك ومش هترد عليك عشان انتا مطنشها بقالك حبة


برج العذراء عملياً ( الشغل والمذاكرة والتخطيط لبكرة ):


متتلككش عشان تزعل وتتقمص النهاردة..بلاش..هيفوتك انبساط كتير مجاني من الحياة لو عملت كدة..ف خد بالك بقى كويس ومتتقمصش مهما حصل وخليك كوول كدة ورايق


برج العذراء صحياً ( نفسيا وجسمانيا وكل مايخص طاسة المزاج ):


راعي قولونك النهاردة حبة ف الاكل او لو هتعك ف الاكل يبقى تحبس بشاي بلمون كتير وهو يتصرف بقى مع قولونك بظريقته وانتا ملكش دعوة


تعرف على توافق برج العذراء مع باقي الأبراج النهاردة:


متوافق مع الابراج النارية والترابية والغازية


*****************************************************************************


برج الميزان دوت مصر


إعرف حظك اليوم برج الميزان الخميس 21 سبتمبر 2017 مع عبدالله أحمد..


الميزان : من 21 سبتمبر إلى 20 اكتوبر


برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):


متجيش على نفسك عشان حد..اللي مش عاجبه ترددك يخف ضغطه عليك الاول ويديك مساحة تفكر وتتنفس وبعد كدة يبقى يتكلم عن التردد اللي هو نفسه غالبا بيعاني منه بشدة وبيداري 


برج الميزان عملياً ( الشغل والمذاكرة والتخطيط لبكرة ):


مش كل حاجة لازم تبقى بيرفكت..مش كل حاجة لازم تبقى على مزاجك وإلا هتملى الدنيا عياط وشكوى..الدنيا مش هيفرق معاها عياطك او شكوتك..مهما سيحتلها عند الناس مش هتتأثر..إكبر وكبر دماغك


برج الميزان صحياً ( نفسيا وجسمانيا وكل مايخص طاسة المزاج ):


متقفش ف المراية تعد التجاعيد تحت عينيك..كلنا بنكبر ودة طبيعي والطبيعي برضة ان شكلنا يتغير..المهم انك حلو ف عيون اللي بيحبوك مش ف عينيك انتا إلا لو خلاص قررت تعتزل حب الناس وتتفرغ لحب نفسك


تعرف على توافق برج الميزان مع باقي الأبراج النهاردة:


متوافق مع الابراج اللي تعزمك على بيتزا بالليل


*****************************************************************************


برج العقرب دوت مصر


إعرف حظك اليوم برج العقرب الخميس 21 سبتمبر 2017 مع عبدالله أحمد..


العقرب: من 21 اكتوبر إلى 20 نوفمبر


برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):


حاسس ليه انك مهمل من اللي بيحبوك ومستني يحسوا بدة لوحدهم؟..ازاي يعني..


برج العقرب عملياً ( الشغل والمذاكرة والتخطيط لبكرة ):


طالما محتاج دلع يبقى تطلب دلع..مش عيب ولا حرام..ثم نظرية الاهتمام مبيتطلبش دي هتوديك ف داهية خد بالك وهتودي الكوكب كله ف داهية لو مشي بيها هو راخر..الاهتمام مجهود خاص ومحتاج تفرغ وروقان ومشاغل الحياة بتنسي اي حد اسمه خصوصا انتا..وانتا عارف كيس انك متخصص ف طناش الناس طالما ملكش مزاج تكلمهم فلما يجيلك مزاجك فجأة تكلمهم وتحس باهتمامهم بيك بلاش تبقى اول حاجة تعملها هي انك تحسسهم بالذنب عشان دة تصرف رخيص موت وبقى قديم ومبقاش ياكل مع حد بصراحة


برج العقرب صحياً ( نفسيا وجسمانيا وكل مايخص طاسة المزاج ):


انتا محتاج تعوم وتبلبط ف الحب مش ف البحر


تعرف على توافق برج العقرب مع باقي الأبراج النهاردة:


متوافق مع الابراج الهوائية والسنجابية


*****************************************************************************برج القوس دوت مصر


إعرف حظك اليوم برج القوس الخميس 21 سبتمبر 2017 مع عبدالله أحمد..


القوس: من 21 نوفمبر إلى 20 ديسمبر


برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):


إتشعبط ف حلمك وإشبط..مش عيب


برج القوس عملياً ( الشغل والمذاكرة والتخطيط لبكرة ):


دافع عن الطفل اللي جواك ودلعه النهاردة..كمان اليوم مناسب للسفر ف الخيال بشكل كبير..استمتع


برج القوس صحياً ( نفسيا وجسمانيا وكل مايخص طاسة المزاج ):


اشحن تليفونك ومتسيبوش شرطة واحدة عشان احتمال يجيلك مكالمة حلوة الليلة ف المتأخر حبة


تعرف على توافق برج القوس مع باقي الأبراج النهاردة:


متوافق مع الابراج المائية والبرمائية


*****************************************************************************برج الجدي دوت مصر


إعرف حظك اليوم برج الجدي الخميس 21 سبتمبر 2017 مع عبدالله أحمد..


الجدى: من 21 ديسمبر إلى 20 يناير


برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):


انتا المسئول الاول والاخير عن احلامك مش اي حد تاني..


برج الجدي عملياً ( الشغل والمذاكرة والتخطيط لبكرة ):


افتح دولاب نفسيتك وارمي وكسر كل الشماعات اللي بتعلق عليها بطء ايقاعك واوهامك وفشلك وخوفك وكفاية ندب..اتحرك وخد حقك ف الحياة وبلاش تقعد تخوف ف نفسك..كل الناس بتفشل حواليك طول الوقت عشان يعرفوا ينجحوا بعدين..عادي والله..دة طبيعي..الفشل اكتر من النجاح ع الكوكب دة اساسا..


برج الجدي صحياً ( نفسيا وجسمانيا وكل مايخص طاسة المزاج ):


الندب مش رياضة ومينفعش رياضة خصوصا لو بينتج عنه انك بتضيع وقت كبير ف حالة العوزان اكتر من الوقت اللي بتبذله وبتخصصه مخصوص للتحرك ف اتجاه اهدافك ف الحياة..عموما اي صينية بالبشاميل ف الفرن ممكن تنهي كل المخاوف دي وترجعلك ثقتك بنفسك..كتر بس من الفلفل الابيض المطحون وجوزة الطيب ف البشاميل عشان يظبط مزاجك


تعرف على توافق برج الجدي مع باقي الأبراج النهاردة:


متوافق مع الأبراج اللي تعملك صينية اي حاجة بالبشاميل


*****************************************************************************


برج الدلو دوت مصر


إعرف حظك اليوم برج الدلو الخميس 21 سبتمبر 2017 مع عبدالله أحمد..


الدلو: من 21 يناير إلى 20 فبراير


برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):


محاولش تبهر حد ومتوجعش دماغك تحاول تفهم حد انتا بتفكر ازاي..كل واحد عاوز الدنيا مراية لجمال شخصيته..عاوز يشوف الاعجاب بيه ف عينيك بالعافية كل ماتبصله ولا يبصلك فجأة..ودة مرهق جدا بالنسبالك..مرهق فعلا..


برج الدلو عملياً ( الشغل والمذاكرة والتخطيط لبكرة ):


إكتفي بنفسك النهاردة أحسن


برج الدلو صحياً ( نفسيا وجسمانيا وكل مايخص طاسة المزاج ):


ابعد عن الناس اللي مشغولة بالدعاية لنفسها عمال على بطال..دي ناس بلاستك محتاجة فتارين ازاز يتحطوا فيها مش حياة حرة


تعرف على توافق برج الدلو مع باقي الأبراج النهاردة:


متوافق مع الابراج الحرة


*****************************************************************************


برج الحوت دوت مصر


إعرف حظك اليوم برج الحوت الخميس 21 سبتمبر 2017 مع عبدالله أحمد..


الحوت: من 21 فبراير إلى 20 مارس


برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):


الطريق الوحيد للقضاء على الصداع النهاردة هو انك تقعد ف مكان مفتوح فيه خضرة وهوا مش ف مكان فيه رغي وحد بيشتغلك باسم الحب خصوصا وانك غالبا بتشجعه يشتغلك على امل انه يحبك بجد ف يوم ودة تصرف مش صح حضرتك..مفيش الكلام دة ف الحياة..اللي بيحبك لمصلحة مسيره يكت..خصوصا بعد المصلحة ماتخلص


برج الحوت عملياً ( الشغل والمذاكرة والتخطيط لبكرة ):


ريلاكس ورحرح حبة النهاردة على قد ماتقدر..ومتركزش ف التفاصيل لا عمليا ولا عاطفيا..بلا وجع دماغ 


برج الحوت صحياً ( نفسيا وجسمانيا وكل مايخص طاسة المزاج ):


النهاردة اجازة من التفاصيل والدوشة..اجازة من التفكير..وشوفلك حد يعملك مساچ


تعرف على توافق برج الحوت مع باقي الأبراج النهاردة:


متوافق مع الابراج اللي تسيبك تقعد ف حالك 


*****************************************************************************



حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك اليوم النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


 


اعلان حظك اليوم دوت مصر


بلاي ليست دوت بالبلدي