التوقيت الثلاثاء، 19 مارس 2024
التوقيت 10:25 ص , بتوقيت القاهرة

Marvel ولا DC.. مقارنة بين أشهر شركتين كوميكس

Marvel ولا DC.. مقارنة بين أشهر شركتين كوميكس
Marvel ولا DC.. مقارنة بين أشهر شركتين كوميكس

Marvel ولا DC.. مقارنة بين أشهر شركتين كوميكس


شخصيات مارفل vs شخصيات دي سي


طول عمرنا بنسمع عن أفلام باتمان وسوبرمان وسبايدرمان وآيرون مان وغيرها من الأفلام اللي بنشوفها نازلة في السينما أو ساعات بتيجي على التلفزيون.. اللي ممكن ناس متعرفوش أن مش كلهم تبع نفس الشركة.. في أفلام تبع شركة Marvel وأفلام تبع شركة DC.. اللي هما تقريبًا أشهر شركتين كوميكس في العالم.. والنهاردة هنعمل مقارنة صغيرة بين أفلام الشركة دي.. وأفلام الشركة التانية.


البداية


gif لفيلم أيرون مان سنة 2008.. أول أفلام شركة مارفل


من أول ما بدأ الـ Marvel Cinematic Universe سنة 2008 مع فيلم Iron Man 1 من بطولة روبرت داوني جونيور.. والعالم ده محقق إيرادات تفوق الخيال.. وإيراداته وصلت لأكتر من 12.5 مليار دولار.. أيوة زي ما سمعت 12.5 مليار دولار.. ولو جينا نبص على الناحية التانية ونقارن Marvel بالشركة المنافسة ليها اللي هي DC وعالم الـ DC Extended Universe الخاص بيها في الأفلام هنلاقي مقارنات عجيبة.


لقطة من فيلم Man of steel أول أفلام دي سي


بوستر فيلم Justice league اللي هيصدر في نوفمبر السنة دي


مثلًا.. DC Extended Universe بدأ بفيلم Man of Steel سنة 2013.. اللي هو كان فيلم لسوبرمان.. الشخصية المحبوبة في عالم DC بعد شخصية باتمان.. وبعد الفيلم ده عملوا فيلم Batman vs Superman سنة 2016.. وفيلم Suicide Squad سنة 2016 بردو.. وآخر فيلم ليهم Wonder Woman 2017.. وهتنزل السنة دي فيلم Justice League اللي هيجمع كل الأبطال في فيلم واحد زي "سوبرمان، باتمان، وندر وومان، أكوا مان، فلاش، سايبورج".


شخصيات أفلام مارفل


لقطة من فيلم سبايدرمان الجديد 2017


فيلم Avengers 2012.. أول فيلم يتجمع فيه عدد من شخصيات مارفل


مارفل بقى معملتش كدا.. مارفل بدأت من 2008.. ولحد اللحظة دي يعني في خلال 9 سنين قدرت تعمل 16 فيلم.. كان آخرهم فيلم SpiderMan - Homecoming.. وقدرت تبني لكل شخصية عالم خاص بيها قبل ما تجمعهم في فيلم Avengers سنة 2012، وفيلم Avengers: Age of ultron سنة 2015.. وفيلم Captain America: Civil War سنة 2016.. مش هتجمعهم الأول وتعمل أفلام منفصلة بعد كده لكل واحد فيهم.


الإيرادات


مقارنة بين شخصيات مارفل ودي سي


تاني حاجة في المقارنة بينهم.. الإيرادات.. الفلوس.. اللي هي أساس صناعة السينما في هوليوود.. سلسلة أفلام مارفل كلها كانت ميزانيتها 3 مليار دولار تقريبًا.. بس قدرت تحقق أرباح 12.5 مليار دولار.. يعني أكتر من 4 أضعاف الميزانية دي.. وفي 4 أفلام تخطت إيراداتهم المليار دولار. منهم فيلمين الأفنجرز.. وفيلم كابتن أمريكا الأخير.. وفيلم آيرون مان الأخير.


شخصيات أفلام دي سي


دي سي بقى.. عملت 4 أفلام بالظبط لحد دلوقتي.. وكانت ميزانيتهم كلهم حوالي 800 ألف دولار.. بس قدروا يحققوا إيرادات حوالي 3 مليار وشوية.. يعني حوالي 4 أضعاف ميزانيتهم بردو.. ودي حاجة تحسبلهم طبعًا بالمقارنة بعدد الأفلام اللي هو 4 أفلام بس.


الخطة الجاية


بوستر فيلم أنفينيتي وار اللي هيصدر السنة الجاية.. واللي هيضم أكبر عدد من شخصيات في تاريخ مارفل


مارفل لما أعلنت عن خطتها الجاية في الأفلام.. قالت إن عندها أفلام لحد 2020.. والخطة دي شملت 8 أفلام متوزعين في الفترة من 2017 لحد 2020، من ضمنها فيلمين أفنجرز.. هيكونوا الأضخم في تاريخ السلسلة.. ومش بعيد يكونوا الأضخم في تاريخ السينما كلها كمان عشان هيكون فيهم كل ممثلين الأفلام اللي قبل كدا تقريبًا.. يعني في خلال 12 سنة من 2008 لحد 2020 مارفل هتكون عملت حوالي 17 فيلم.. ده في حالة إنه ما تمش الإعلان عن أفلام جديدة.



دي سي عندها نقطة تفوق هنا شوية.. بس تفوق بغباء.. يعني دي سي لما بدأت في السينما عملت 4 أفلام لشخصيات سوبرمان وباتمان ووندر وومان وسويسايد سكواد.. بس عندها خطة جاية في الأفلام لحد 2020.. هتعمل فيها 8 أفلام تقريبًا.. يعني هيكون عندها حوالي 12 فيلم.. بس عشان تتغلب على النقطة دي عملت ايه.. قررت أنها هتعمل أفلام كمان زيادة بس محددتلهاش تاريخ إصدار زي مثلًا أفلام Batgirl و The batman و Flashpoint و Gotham City Sirens والجزء التاني منSuicide Squad  وغيرهم.. والأفلام اللي مش متحددلها معاد دي بلغ عددها لحد دلوقتي 13 فيلم تقريبًا.. لو زودناهم على الـ 12 فيلم اللي بتواريخ هيطلع إجمالي 25 فيلم.. وتفوقت دي سي على مارفل في النقطة دي.


بينديكت كامبرباتش في مشهد من فيلم Dr Strange


هالك في فيلم الأفنجرز الأول سنة 2012


باتمان وسوبرمان ووندر وومان في فيلم Batman vs Superman


لقطة من فيلم Suicide Squad سنة 2016


طبعًا مش شرط أن كل أفلام دي سي تكون كويسة في النقد والبوكس أوفيس والتمثيل وغيره وتبقى بكده قدرت تفوز على مارفل في التحدي الأبدي اللي بينهم.. بس أكيد بالعدد ده كله.. على الأقل هتقدر تعمل إيرادات قد أو أكتر من إيرادات أفلام مارفل.. وده في حد ذاته هيدي إحساس بالعظمة لدي سي.. اللي لو كانت بدأت مع نفس توقيت مارفل على أو بعدها بسنة أو اتنين مثلًا كانت قدرت تحقق حاجة واسمها يتكتب في التاريخ.. بس عشان اتأخرت فمبقاش في فرصة أنها تقدر تجاريها في أي حاجة.. ايه اللي هيحصل في الفترة الجاية.. أدينا هنعرف لما مارفل ودي سي ينزلوا فيلمين مع بعض في نفس الشهر كاختبار تحدي بينهم.


فيلم Marvel الجاي هيكون فيلم Thor: Ragnarok.. وهينزل في 3 نوفمبر 2017.. وفيلم DC الجاي هيكون فيلم Justice League وهينزل بعد Thor بأسبوعين بس في 17 نوفمبر 2017.. لما نشوف مين هيحقق إيرادات أكتر في البوكس أوفيس.


Doctor Strangeإيزرا ميلر في فيلم Justice league اللي هينزل السنة ديمشهد الحرب بين سوبرمان وباتمانالأفنجرز متجمعين في بداية فيلم Captain America: Civil Warآيرون مان في فيلم آيرون مان 3كريس برات في فيلم Guardians of the galaxy 2014كابتن أمريكادراكس وجروت في فيلم Guardians of the galaxy 2014هارلي كوين في suicide squad 2016ديف باتيستا في شخصية دراكس موردو في مشهد من فيلم Doctor Strangeجال جادوت في مشهد من فيلم وندر وومان 2017جاريد ليتو بدور الجوكر في سويسايد سكواد 2016


لو عاوز تقرا حاجات شبه دي.. خش على اللينكات اللي تحت دي هتعجبك


حدوتة مصارعة.. من المصارعة للتمثيل.. تفتكر تفرق كتير؟


ليه تتفرج على المصارعة مع انها تمثيل؟


حدوتة مصارعة.. "Brothers Of Destruction" مش إخوات أصلًا