صباح الخير.. صباح المزيكا..صباح بلاي ليست..

لو ف الشارع.. لو سايق عربيتك.. لو ف المترو..لو مكسل تقوم من السرير وناوي تكمل نوم..المزيكا دايماً ليها مكان ف حياتك..هتفوقك وهتنعشك وهتخلي بداية اليوم متفائلة وهادية وجميلة..مفيش أجمل من يوم تبتديه بفن ومفيش أجمل من المزيكا ينفع بداية لأي حاجة..الاصوات اللي ملهاش كتالوج..الألحان اللي ملهاش سقف..والكلام اللي رصته ورا بعضه دايما تبان سهلة وبسيطة..إلا انها لما تدقق فيها إستحالة تلاقيها سهلة او بسيطة.. بلاي ليست إصطباحتك اليوم ينفع تبتدي بيه صباحك معانا كل يوم وإنتا متطمن..هننعشك وهنبسطك وهنظبط مزاجك بليستة أغاني دايما متنقية بعناية وذوق وحب..إبدأ صباحك معانا..

صباح الخير.. صباح المزيكا.. المزيكا بترقصنا ولا احنا اللي بنرقصها ولا احنا بنرقص معاها بخيالنا وإحساسنا ومنعرفش..

المزيكا ممكن تكون لغة.. كائن حي.. او ميت.. احنا بنحييه بس لما بنسمعها.. المزيكا حتة من روح اللي عملها.. جايز مات.. جايز لسة موجود.. جايز قاعد ساكت دلوقتي ف حتة بعيدة من الدنيا.. بس الاكيد اننا نقدر دايما نسلم عليه وعلى روحه لما نشغل حتة من روحه وفنه وجماله نسمعها ف اي وقت وف اي حتة.. للآبد.

حابب تسمع مزيكا أكتر..من هنا..

مزيكا دوت بالبلدي