حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.

*******************

: كلام جد

الحب له تاريخ صلاحية طبعا..بس مش مكتوبة على العبوة من تحت للأسف.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

برج الحمل دوت مصر
برج الحمل دوت مصر

إعرف حظك اليوم برج الحمل الأربعاء 13 سبتمبر 2017 مع عبدالله أحمد..

الحمل: من 21 مارس إلى 20 ابريل

برج الحمل عاطفياً ( الكراش والإكس والبوي فريند والجيرل فريند والجوز والزوجة والقرايب ):

في حاجة مهمة جدا عن قلبك ومشاعرك النهاردة هتعرفها وبوضوح.. متقولش لحد عليها بقى عشان دة سر وسر كبير كمان..

برج الحمل عملياً ( الشغل والمذاكرة والتخطيط لبكرة ):

ركز ف اللي وراك وبهدوء وتأني وإبتدي وكل حاجة متراكمة عليك هتخلص..إبتدي بس..وبطل خوف وندب..

برج الحمل صحياً ( نفسيا وجسمانيا وكل مايخص طاسة المزاج ):

الأكل مبيحتلش مساحة كبيرة ف حياتك عشان انتا بتكسل تقف تعمل لنفسك الأكل اللي بتحبه..مكسل ليه..ولا حاسس انك متستاهلش ولا ايه حكايتك بالظبط؟.

إعرف توافق برج الحمل مع باقي الأبراج النهاردة

متوافق مع الابراج الحبشتكانية( أي الابراج التي تهتم بالتفاصيل)

*****************************************************************************

برج الثور دوت مصر
برج الثور دوت مصر

إعرف حظك اليوم برج الثور الأربعاء 13 سبتمبر 2017 مع عبدالله أحمد..

الثور : من 21 ابريل إلى 20 مايو

برج الثور عاطفياً ( الكراش والإكس والبوي فريند والجيرل فريند والجوز والزوجة والقرايب ):

واخد جنب من الحياة ومقموص ليه..عموما دة تصرف غلط ولو مستنيها تحس بالذنب او التعاطف وتيجي تصالحك تبقى غلطان واللي فهمك ان دة ممكن يحصل برضة غلطان..

برج الثور عملياً ( الشغل والمذاكرة والتخطيط لبكرة ):

الحياة مبيفرقش معاها نكد حد..بالعكس..كل ما تتنكد هتلاقيها بترازيك اكتر واكتر..الصح تعاند وتفرح من باب العند وتنشيف الدماغ وخصوصا انه حقك ف الحياة..حقك فعلا..

برج الثور صحياً ( نفسيا وجسمانيا وكل مايخص طاسة المزاج ):

الاكل النهاردة مهم تكون الوانه حلوة وريحته تشد كدة ويكون معمول بحب واهتمام..اتصرف وشوف الموضوع دة وانبسط..دة حقك

إعرف توافق برج الثور مع باقي الأبراج النهاردة:

متوافق مع الابراج اللي تفهمك مش اللي تسيطر عليك

*****************************************************************************

برج الجوزاء دوت مصر
برج الجوزاء دوت مصر

إعرف حظك اليوم برج الجوزاء الأربعاء 13 سبتمبر 2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً ( الكراش والإكس والبوي فريند والجيرل فريند والجوز والزوجة والقرايب ):

من حقك تعمل اللي انتا عاوزه طالما شايف انه صح ومتأكد انه صح.. دي حاجة مفيهاش نقاش..قلبك انتا حر تملاه حب او تملاه رز بالخلطة..

برج الجوزاء عملياً ( الشغل والمذاكرة والتخطيط لبكرة ):

مهم النهاردة تملى حياتك رسومات والوان حتى لو من باب الشخبطة.. اي حاجة ابداعية هتعملها بايديك هتحسن من مودك وهتروقك جدا حتى لو كانت مفرش كوروشيه..

برج الجوزاء صحياً ( نفسيا وجسمانيا وكل مايخص طاسة المزاج ):

الاكل التقيل الدسم هيقلب مزاجك النهاردة ف ابعد عنه خالص وخليك ف الاكل الخفيف السهل ف الهضم.. ونام بدري عشان هتتباس ف الحلم ان شاء الله.

تعرف على توافق برج الجوزاء مع باقي الأبراج النهاردة:

متوافق مع خيالاتك عن الناس مش مع الناس

*****************************************************************************

برج السرطان دوت مصر
برج السرطان دوت مصر

إعرف حظك اليوم برج السرطان الأربعاء 13 سبتمبر 2017 مع عبدالله أحمد..

السرطان: من 21 يونيو إلى 20 يوليو

برج السرطان عاطفياً ( الكراش والإكس والبوي فريند والجيرل فريند والجوز والزوجة والقرايب ):

طول مانتا متفائل العالم هيحنو عليك ويدلعك..انما لو بطلت تبقى متفائل العالم مش هيعبرك..ف خد بالك كدة من نفسك وخليك ذكي وإتصرف صح ف مشاعرك..

برج السرطان عملياً ( الشغل والمذاكرة والتخطيط لبكرة ):

واضح ان في عقبات بتعترض طريق مستقبلك اولها فكرتك عن نفسك وعن قد ايه انتا بتضحي ف حين انك بس بتدور على سبب يبرر انانيتك تجاه كل حاجة..حاول تبقى واقعي وتبراكتيس وات يو بريتش من وقت للتاني عشان قريب هتتكشف..

برج السرطان صحياً ( نفسيا وجسمانيا وكل مايخص طاسة المزاج ):

بقالك كتير مكلتش فراولة..حاول تاكل فراولة..

تعرف على توافق برج السرطان مع باقي الأبراج النهاردة:

متوافق مع الابراج اللي تجيبلك نص كيلو فراولة

*****************************************************************************

برج الأسد دوت مصر
برج الأسد دوت مصر

إعرف حظك اليوم برج الأسد الأربعاء 13 سبتمبر 2017 مع عبدالله أحمد..

الأسد: من 21 يوليو إلى 20 اغسطس

برج الأسد عاطفياً ( الكراش والإكس والبوي فريند والجيرل فريند والجوز والزوجة والقرايب ):

جميل وجذاب النهاردة رغم انك مش ف المود لأنك بقالك فترة حاسس انك مش انتا اللي سايق حياتك وحاسس انك مظلوم..

برج الأسد عملياً ( الشغل والمذاكرة والتخطيط لبكرة ):

معلش..

برج الأسد صحياً ( نفسيا وجسمانيا وكل مايخص طاسة المزاج ):

مهم الليلة تغير شوية من الروتين بتاعك وبدل ما تقضي الليل كله بتسأل نفسك “انا ليه مش مبسوط؟” تنزل وتحاول تغير السؤال دة ل “هو انا ليه معرفش حد بيعرف فعلا ينبسط؟”.. جرب كدة ومش هتندم.

تعرف على توافق برج الأسد مع باقي الأبراج النهاردة:

متوافق مع الابراج البرمائية

*****************************************************************************

برج العذراء دوت مصر
برج العذراء دوت مصر

إعرف حظك اليوم برج العذراء الأربعاء 13 سبتمبر 2017 مع عبدالله أحمد..

العذراء: من 21 اغسطس إلى 20 سبتمبر

برج العذراء عاطفياً ( الكراش والإكس والبوي فريند والجيرل فريند والجوز والزوجة والقرايب ):

حاول تبقى رومانسي النهاردة حبة..حاول ولو معرفتش مش أزمة.. نحاول تاني بكرة حبة لحد ما نعرف ازاي..

برج العذراء عملياً ( الشغل والمذاكرة والتخطيط لبكرة ):

متمضيش لحد على اي حاجة النهاردة..خد وقتك وتآنى كدة وخد وإدي مع نفسك براحتك..انتا مش مضطر تزنق نفسك خالص..

برج العذراء صحياً ( نفسيا وجسمانيا وكل مايخص طاسة المزاج ):

صحتك محتاجة اهتمام طبعا خصوصا صحتك النفسية.

تعرف على توافق برج العذراء مع باقي الأبراج النهاردة:

متوافق مع الابراج الترابية

*****************************************************************************

برج الميزان دوت مصر
برج الميزان دوت مصر

إعرف حظك اليوم برج الميزان الأربعاء 13 سبتمبر 2017 مع عبدالله أحمد..

الميزان : من 21 سبتمبر إلى 20 اكتوبر

برج الميزان عاطفياً ( الكراش والإكس والبوي فريند والجيرل فريند والجوز والزوجة والقرايب ):

ضحكتك النهاردة سلاح ومهم تخرج وانتا مسلح بالسلاح دة إلي جانب سلاح العلم اللي انتا محتاج برضة تتسلح بيه حبة عشان تعرف تقهر المشاكل التكنولوجية اللي هتقابلك النهاردة..

برج الميزان عملياً ( الشغل والمذاكرة والتخطيط لبكرة ):

ثق ف نفسك ومتخافش وعادي يعني..كلنا بييجي علينا اوقات بنضطر فيها نفتي ونبوظ الحاجات..امال هنتعلم ازاي يعني..هنفضل باصين للحياة من برة خايفين ندخل لنوسخ الارض مثلا ولا ايه..

برج الميزان صحياً ( نفسيا وجسمانيا وكل مايخص طاسة المزاج ):

إعمل بلوك للنكد والتفكير الاوفر بالليل..خصوصا بعد العشا.

تعرف على توافق برج الميزان مع باقي الأبراج النهاردة:

متوافق مع الابراج الهوائية (اللي بتركب الهوا)

*****************************************************************************

برج العقرب دوت مصر
برج العقرب دوت مصر

إعرف حظك اليوم برج العقرب الأربعاء 13 سبتمبر 2017 مع عبدالله أحمد..

العقرب: من 21 اكتوبر إلى 20 نوفمبر

برج العقرب عاطفياً ( الكراش والإكس والبوي فريند والجيرل فريند والجوز والزوجة والقرايب ):

انتا صح وعارف كل حاجة وبرنس ف نفسك طبعا.. أمال..دة مفيش منك اصلا اتنين والكوكب من غيرك ميلفش اساسا..

برج العقرب عملياً ( الشغل والمذاكرة والتخطيط لبكرة ):

اتولدت مدير وكابتن طيار وعارف كل حاجة ومش محتاج اي حد اساسا وعلاقاتك بالناس مجرد إهتمام من ملك تجاه الرعية بتوعه مش اكتر.. انا رأيي تقعد لوحدك أحسن..خصوصا وان مفيش حد يستاهل انك تتنازل وتتعطف وتحبه ولا بعد الشر تهتم بيه بجد.. خليك لوحدك..دة قدر العباقرة والمميزين اللي زيك مفيش كلام.

برج العقرب صحياً ( نفسيا وجسمانيا وكل مايخص طاسة المزاج ):

انا رأيي تقعد لوحدك أحسن..خصوصا وان مفيش حد يستاهل انك تتنازل وتتعطف وتحبه ولا بعد الشر تهتم بيه بجد.. خليك لوحدك..دة قدر العباقرة والمميزين اللي زيك مفيش كلام.

تعرف على توافق برج العقرب مع باقي الأبراج النهاردة:

متوافق مع الابراج اللي تعرف انك اكبر من انك تقعد معاهم او تعرفهم اساسا

*****************************************************************************

برج القوس دوت مصر
برج القوس دوت مصر

إعرف حظك اليوم برج القوس الأربعاء 13 سبتمبر 2017 مع عبدالله أحمد..

القوس: من 21 نوفمبر إلى 20 ديسمبر

برج القوس عاطفياً ( الكراش والإكس والبوي فريند والجيرل فريند والجوز والزوجة والقرايب ):

قلبك مش هيستحمل اللي بتعمله يه دة كتير..إحترمه شوية..

برج القوس عملياً ( الشغل والمذاكرة والتخطيط لبكرة ):

روق على نفسيتك الصبح بكشري والضهر بفطير وجبنة وشاي وبالليل فاكهة وضحك ف التليفون مع حد بتحبه..

برج القوس صحياً ( نفسيا وجسمانيا وكل مايخص طاسة المزاج ):

غير كدة كله ف الكلتش ويوم اساسا مالوش عازة بس تقدر رغم كل شيئ تنبسط بيه براحتك.

تعرف على توافق برج القوس مع باقي الأبراج النهاردة:

متوافق مع الابراج السنجابية بس

*****************************************************************************

برج الجدي دوت مصر
برج الجدي دوت مصر

إعرف حظك اليوم برج الجدي الأربعاء 13 سبتمبر 2017 مع عبدالله أحمد..

الجدى: من 21 ديسمبر إلى 20 يناير

برج الجدي عاطفياً ( الكراش والإكس والبوي فريند والجيرل فريند والجوز والزوجة والقرايب ):

متكلمش حد وترصله ف التليفون الكلام الدبش اللي انتا قاعد طول الليل بتفكر فيه وبتجهز فيه لمجرد انك سادي وبتحب تطلع نفسك مثالي ومبتغلطش وحتى ان حصل ف محدش من حقه يحاسبك.. لا والله..

برج الجدي عملياً ( الشغل والمذاكرة والتخطيط لبكرة ):

طب مش تقولنا انك إترقيت وبقيت من ألهة الأوليمب عشان نباركلك طيب ولا نجيب بسبوسة ولا كيكة ايس كريم من اللي بتحبها..

برج الجدي صحياً ( نفسيا وجسمانيا وكل مايخص طاسة المزاج ):

عيش الواقع وإنزل من برجك العاجي انتا بشر وهتفضل بشر لحد الأخر..تواضع وبطل جنان بدل ماترجع تعيط.

تعرف على توافق برج الجدي مع باقي الأبراج النهاردة:

متوافق مع كيكة الأيس كريم

*****************************************************************************

برج الدلو دوت مصر
برج الدلو دوت مصر

إعرف حظك اليوم برج الدلو الأربعاء 13 سبتمبر 2017 مع عبدالله أحمد..

الدلو: من 21 يناير إلى 20 فبراير

برج الدلو عاطفياً ( الكراش والإكس والبوي فريند والجيرل فريند والجوز والزوجة والقرايب ):

مغلول ومفقوع ونفسك تفش غلك الرهيب دة ف حد لكن مبتعملش كدة لأنك من جواك إنسان رقيق ومبتحبش تزعل حد منك رغم الوش الأبلكاش اللي مصدره للبشر طول الوقت..

برج الدلو عملياً ( الشغل والمذاكرة والتخطيط لبكرة ):

زي مانتا وحسن من جودة الإيقاع..مش أكتر..كافح وخليك مستمر ومتواجد وبس

برج الدلو صحياً ( نفسيا وجسمانيا وكل مايخص طاسة المزاج ):

طب ماتتوجه ناحية الجيمز والاكل الخفيف وتنعزل كدة وتروق نفسك بطريقتك وبمزيكتك وإبداعك بينك وبين نفسك أحسن بدل ماتفرقع ف وش حد بتحبه وتبقى مصيبة.

تعرف على توافق برج الدلو مع باقي الأبراج النهاردة:

متوافق مع الابراج المائية

*****************************************************************************

برج الحوت دوت مصر
برج الحوت دوت مصر

إعرف حظك اليوم برج الحوت الأربعاء 13 سبتمبر 2017 مع عبدالله أحمد..

الحوت: من 21 فبراير إلى 20 مارس

برج الحوت عاطفياً ( الكراش والإكس والبوي فريند والجيرل فريند والجوز والزوجة والقرايب ):

الحياة هتختارك النهاردة عشان تعمل مهمة خطيرة جايز جدا يتوقف عليها مستقبل الجنس البشري كله برمته وبتفاصيله المميكنة واللي مش مميكنة وإحتمال كبير جدا تكون المهمة دي مهمة خطر أو مش مهمة اصلا بس صدقني لازم تنفذ تعليماتها بحرفية شديدة وبإلتزام شديد وإلا الكوكب كله هيبقى ف خطر وال لايف از وي نو إيت ممكن تتغير او تتشقلب او تبوظ او تتحرق بجاز.. مهمتك النهاردة انك تقعد متتحركش ومتخرجش من البيت ومتجيبش ف سيرة حد..تفتكر هتقدر؟..اما نشوف..اما نشوف.

برج الحوت عملياً ( الشغل والمذاكرة والتخطيط لبكرة ):

خلي بالك من نفسك وانتا بتنفذ المهمة الخطيرة دي

برج الحوت صحياً ( نفسيا وجسمانيا وكل مايخص طاسة المزاج ):

مش معنى انك وراك حاجات مهمة انك متنبسطتش..بالعكس..مهم يحصل

تعرف على توافق برج الحوت مع باقي الأبراج النهاردة:

متوافق مع الابراج البرمائية

*****************************************************************************

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.