قال وزير التموين والتجارة الداخلية، خالد حنفي، إن "منظومة الخبز الجديدة التي تم تطبيقها لم تضر المحترمين من أصحاب المخابز، ولكنها ساعدتهم وزادت من أرباحهم المادية".

وأضاف خلال استضافته ببرنامج "هنا العاصمة" الذي يعرض عبر شاشة "CBC: "قبل المنظومة دي كانوا بيخسروا، لكن لما بدأت المنظومة الجديدة رحبوا بيها وشجعوها لأنهم بيوصلوا العيش للمواطن بدون عناء وهامش الربح بتاعهم زاد وبقوا بيشتغلوا بشرف ومش بيهربوا الدقيق أو يبيعوه في السوق السودة زي الأول".

وتابع: "المخابز اللي قفلت دلوقتي كانت ماشية غلط، والمخابز كلها بتاخد مستحقاتها أول بأول، وممثلي أصحاب المخابز بالتعاون مع القيادات في الوزارة وهيئة السلع التموينية أقروا لائحة للتعامل مع الوزارة ومع المواطنين بشكل مريح".

واستطرد: "أنا لما جيت أفكر في منظومة العيش أول ما جيت كل الناس حذروني حتى الصحف والإعلام قالولي كان غيرك أشطر أنت داخل عش الدبابير، لأننا جنبنا الدولة 11 مليار جنيه كانت بتضيع، وأكيد اللي كانوا بيستفادوا من الفلوس دي عايزين يوقفوا المنظومة".

اقراء أيضًا: 

وزير التموين: لن نلغي السلع التموينية أو فارق نقاط الخبز