تمكن محام من تسجيل مقطع فيديو بهاتفه المحمول، لموظف بمحكمة جنوب الجيزة الابتدائية، ظهر فيه يطلب رشوة لإنهاء مصالح المواطنين.

وانتشر الفيديو بين رواد "فيس بوك" بعد دقائق من قيام صفحة "الجيش المصري الإلكتروني" بنشره.

وبحسب ناشر الفيديو، فإن الموظف يُدعى (ع)، وأضاف معلقًا على الواقعة: "مكتبه فوق سطح المحكمة، وهو ماسك حاجه اسمها قلم الصور (لما حد بياخد شهادة أو صورة حكم وظيفته إنه يسجل ده عنده في الدفتر ويمضيني) لا أكثر ولا أقل".

وتابع: المهم أنا كنت واقف أول واحد، ولقيته متعنت معايا وباقي المحامين لقيتهم بيطلعوا رشاوي ويعطوها ليه، على الرغم إني أول واحد في الطابور، أنا مرضتش أديلوا لأنه طلبها ببجاحه، وقررت أفضحه لأنه زي ما هتشوفوا لاطعني بكل قلة أدب وبيزعق ويطلب بوقاحة عشان مدتهوش رشوة.

وأشار مصور الفيديو: لو ركزتوا في الصوت، بيقول لكل محامي ياللا ظبط يعني طلع الإصطباحه.. ولما قلتله أنا جاي من السويس نفضلي وأخد ورق محامي دفعله رشوة، وقال بصوت عالي (مش شايفين تظبيط منكم يعني؟)، قولتله أنا أكتر واحد متظبط (عشان كنت دفعت لكذا موظف حوالي 7 موظفين) فقالي حوش حوش على المليون اللي دفعهم.. قلتله أنا بدفع رشاوي من الدور الأرضي لحد السطح عندك،... لاقيت محامي بيقوله مشي المتر بتاع السويس راح رد بزعيق (مبيدفعوش فلوس.. كمان شويه.. مدفعوش زي اللي قبليهم.. مبيدفعوش جنيه واحد).. قصده عليا أنا ومحامي تاني اللي مرضناش نديه".