علق الإعلامي عمرو أديب، على عتاب الرئيس عبدالفتاح السيسي، لرئيس الهيئة الهندسية للقوات المسلحة اللواء كامل الوزير، خلال افتتاحه عدد من المشاريع في مجالات مختلفة بمدينة بدر.

وقال خلال برنامجه "القاهرة اليوم" المذاع على فضائية "اليوم"، أمس السبت: "الرئيس يحترم كامل الوزير ويقدره ويحبه، ولكن عندما يصطدم الأمر بإنجازه وحلمه أبعد من قدامه الساعة دي".

وتابع: "حضراتكوا عارفني لا أثق في الدولة المصرية بنكلة هي حبيبتي خمسة حبيبتي بس لا أثق في إنجاز الدولة المصرية لازم أشوف بعيني علشان أصدق".

وأضاف: "ما رأيناه يوم الخميس من مشروعات الموضوع أتغير خالص في طرق بتتغير وحجم من الحركة، أنا عندي سؤال بايخ أنتوا بتجيبوا الفلوس منين، أنا مش مدايق ده خير وبركة، أنا ببص في الموازنة عد غنمك يا جحا".

وتابع "35 مليار جنيه جبتهم منين، العمارات بتاعة الإسكان الاجتماعي بتطلع من الهوا، دي أول إدارة مش هيسألوها ضيعتوا الفلوس فين، هيسألوهم جبتوا الفلوس منين، ده لا في مستثمر ولا خصخصة ولا أي حاجة، الرئيس كان يتحدث بثقة كبيرة وده معناه أن جيبه مليان، في عد تنازلي للرئيس هو بيعمله لنفسه قبل 30 يونيو علشان يقدم كشف حساب للشعب".