التوقيت الجمعة، 06 ديسمبر 2019
التوقيت 01:20 ص , بتوقيت القاهرة

فيديو.. سائق تاكسي: الزبون بيحب المنظرة وبيركب أوبر وكريم.. وعلاقتنا حلوة بالفوطة

 

نبيل سيدهم "سائق تاكسي" منذ عام 82، يعمل في التاكسي منذ 36 عاما، ويقول لكاميرا "فيديو 7"، قناة اليوم السابع المصورة، "في سنة 88 كان معايا رخصة درجة أولى، وروحت أجددها ادوني رخصة درجة تانية بحجة اني عندي خشونة بعد ما نجحت في الاختبارات، 32 سنة معايا رخصة درجة أولى".

وتابع: "التاكسي زمان الأسود في أبيض كان أحسن من دلوقتي كانت الدنيا رخيصة والبلد فاضية وكنا بنشتغل عال العال، دلوقتي البنزين والإكسسوار عالي والشغل قل وأوبر وكريم هي اللي شغالة ولا بتدفع ضرائب، وهما اللي شغالين وإحنا اللي قاعدين، الناس بتركب أوبر وكريم منظرة وأجرة التاكسي أرخص منه".

وأردف: "الزبون بيحب يركب عربية ملاكي مكيفة وكله نظام منظرة، واللي متعود على التاكسي بيركبه .. أوبر وكريم بتاخد قد التاكسي مرتين واللي السواق بيطلبه الزيون بيدفعه".