التوقيت الخميس، 28 مايو 2020
التوقيت 09:12 ص , بتوقيت القاهرة

شاهد أدمن جروب "حد شاف جوزى" تبكى على الهواء.. اعرف السبب

انخرطت فاتن شعبان أدمن جروب "حد شاف جوزى" فى البكاء على الهواء، بعد سؤال الفنانة ندى رحمى لها، :"ممكن كمان شهر تلاقى مامتك دخلت على الجروب وحطت صورة باباكى، وواحدة قالت إنها متجوزاه، والوالد على ذمته بنت تانية".

وقالت خلال لقائها ببرنامج "كلام ستات"، على فضائية "ON E"، مع الفنانات نهال عنبر وهيدى كرم وندى رحمى، : "أكيد البيت هيحصل فيه مشاكل، مؤكدة أن الهدف من الجروب مناقشة قضية"، مستطردة: "كل الفكرة إننا بناقش قضية اسمها الخيانة، وفيه ستات بتعرف إن جوزها متجوز بدون علمها، لكن فجأة الموضوع كبر". 

 

من جانبها قالت رانيا شكرى أخصائى نفسى:"الجروب دخل فى عش دبابير، دخل فى موضوع شائك جدا، رجال عملوا جروب ونزلوا فيه صور بنات، ودا مش لطيف وضد رجولته، مسمعش زى الجروب ده، ودا معناه إن الستات عندهم حالة عدم ثقة فى الرجال المرتبطين بهم".

 

وتابعت: "ودا بيقول إن فيه مشكلة كبيرة فى العلاقات، وفيه بيوت قاعدة على حافة بركان، والطرف التعبان السيدة، والجانب السلبى، فين حق الراجل كبنى آدم، لو انتى صورتك نزلت فى جروب تانى، هتحسى بالإهانة".

وكان اللواء محمود الرشيدى، مساعد وزير الداخلية لأمن المعلومات الأسبق، قال إن ظاهرة جروبات تبث الفتنة على موقع التواصل الاجتماعى كمثال مجموعة "حد شاف جوزى"، تعد انتهاك لخصوصية الآخرين، محذرا كل من تسول له نفسه لإنشاء هذه الجروبات لأغراض مهينة، مضيفا أن كل من يقوم بذلك عليه توخى الحذر لأن جهاز الأمن على قدر من الكفاءة للرصد هذه الجروبات.

أضاف مساعد وزير الداخلية لأمن المعلومات الأسبق خلال مداخلة هاتفية لبرنامج "حضرة المواطن"، المذاع عبر قناة "الحدث اليوم":"هذه المجموعات، والذي يتصل بها دون التعامل مع هويتها، مصيدة إلكترونية للإيقاع بالفتيات والشباب، والسطو الإلكتروني على المعلومات الخاصة بهم والصور والمعلومات والبيانات الشخصية، خاصة الفتيات واستغلالهن في أعمال منافية للآداب".