تداول رواد مواقع التواصل الاجتماعي فيديو وصور، أظهرت محاولة فتاة على الانتحار من أعلي كوبري استانلي، إذ تبين لفتاه أخري تدعي سارة كانت فى تلك اللحظة تلقط صورة سيلفي بصحبه أخيها فى الخلفية محاولة الفتاة على الانتحار، وهو ما دفعها لتتبع الفتاة.

إذا قالت على حسابها الشخصي على فيس بوك :"أسوأ ليلة فى حياتي و أبشع موقف أتعرضتله.. واقفه بتصور أنا و اخويا على كوبرى استانلى ظهر فى الكاميرا ورايا حد طالع على السور، للوهلة الأولى بحسبه ولد لفيت ابص لقيتها بنت .. جريت بقولها يابنتى انزلى مينفعش كده قالتلى متخافيش متخافيش أنا قاعدة ! قولتلها من فضلك انزلى !! و جه صياد من بعيد بيشاورلى انزلها .. البنت بصتلى وقالتلى ممكن اقولك حاجه، قولتلها قولى قالتلى روحى قولى للشاب اللى لابس اسود هناك دة نيره نطت .. لسه بشدها من ذراعها ملحقتهاش و رمت نفسها من فوق الكوبرى جالى هيستريا صريخ لحد ما الكوبرى كله اتلم".

وتابعت: "البنت انقذوها و كل حاجه باينه فى الفيديو و الصور بس لو هتشوفى البوست دة عاوزة اقولك انى متعاطفتش معاكى وكنتى هتخسرى دنيتك و اخرتك ومش مسامحاكى على تعب الاعصاب و الصريخ والرعشة اللى كنت فيها ومافيش حاجه ولا حد فى الدنيا يستاهل ان الإنسان يضيع نفسه عشانها"