ناشدت الفنانة هالة صدقي، كل من وزير السياحة ومحافظ الجيزة، من أجل تجميل وإنقاذ طريق سقارة من الإهمال.

 ونشرت "صدقي"، عدة فيديوهات، عبر حسابها الخاص على موقع "الفيس بوك"، وعلقت عليها قائلة: "يا تنشيط السياحة يا محافظه الجيزة يا وزارة السياحة يا هيئة التنظيف والتجميل إليكم اهم شارع مش في مصر لا في العالم كله.. إليكم طريق سقاره، مش لازم نستني لما السياحة ترجع ومش لازم نخلي أهم طريق في بلادنا مزبلة ما أعتقدش أبدا ان طريق المطار اهم من الطريق ده". 

 وتابعت: "يعني حتى لما يجيلنا ضيف بنحاول ننظف بيتنا على قد ما نقدر والمكان ده اللي أكيد ضيوفنا هتمر منه على فكرة دي إساءه لينا كلنا كمصريين وده أكبر إعلان اننا شعب مش نضيف،  والأغرب ان أغلب اللي في المحافظة عايشين هناك".

وأضافت: "عارفه ان المحافظة لوحدها مش هتقدر لازم كل الجهات وكل المسئولين يتحركوا وخصوصا ان الطريق ده فيه اغلب المسابقات الدولية للخيل.. وبطوله الفروسية هتبدأ من الشهر القادم لغاية منتصف أكتوبر ودي اول بطول للعالم للخيل يعني بالبلدي في اهم ضيوف في العالم يحضروا البطولة ومن جميع أنحاء العالم".

واختتمت حديثها، قائلة: "يا ريت نتحرك ونهتم بدل ما كل يوم نندب على حظ السياحة وعلى العاملين بيها يا ريت نحاول نساعدهم ونساعد مصر يا ريت".

أقرا أيضًا:

جمعهم "يادنيا ياغرامي" ولم تفرقهم الشهرة.. نجمات حافظن علي صداقتهن