استنكرت الإعلامية رولا خرسا، انقطاع الكهرباء عن القنوات الفضائية المصرية، والتي توقف على إثرها البث، قائلة: "فضيحة بكل المقاييس، أن ينقطع التيار الكهربائي، ويتوقف البث عن القنوات الرسمية وتليفزيون الدولة".

وتابعت خرسا، خلال تقديمها لبرنامجها "وماذا بعد؟" عبرفضائية "ltc"، مساء أمس السبت: "إيه اللي بيحصل ده، ومين المسؤول عن الحاجات الغريبة والعجيبة اللي بتحصل دي"، مضيفة: "إحنا عارفين إن المهندس إبراهيم محلب بيحقق في اللي حصل".

واختتمت حديثها، قائلة: "المفروض حد يرد علينا، ويقول لنا اللي حصل ده حصل ليه، يا جماعة دي ماسبيرو من أهم المباني اللي موجودة في الدولة، مش كشك سجائر في حارة مزنوقة، لازم نعرف ماذا حدث في ماسبيرو؟".

وكانت الكهرباء قد انقطعت في مبنى ماسبيرو، ما أدى إلى انقطاع بث عدد من قنوات التليفزيون المصري، إضافة إلى الإذاعة المصرية، وعادت بعد تسويد الشاشات.