انتقد الإعلامي يوسف الحسيني، مساء أمس الأربعاء، مسؤولي وزارة الآثار، عقب تحطيم عصا وكرسي الملك توت عنخ آمون بعد أسابيع من تحطيم ذقن الملك الفرعوني الأشهر.

وقال الحسيني، عبر برنامج "السادة المحترمون" على شاشة أون تي في: "هو الوزير بيعمل إيه بالظبط، فاكرين كرسي توت عنخ آمون مولة سرير ولاعصاية جدك.. أنت وهو متستهلوش تقعدوا فيها.. ناموا في بيوتكم ونجيب خبراء أجانب بقى".

واستطرد الحسيني "لو توت عنخ آمون موجود؛ كان دمر وزارة الآثار كلها وشن عليها حربًا ضروس، فالحين بس تقولوا مصر وحضارة 7 آلاف سنة والأهرامات وهنعمل ونسوي.. وكله كلام في الهوا.. طق حنك، و أنتوا في الأساس وزارة نايمة في العسل".

واختم حديثه قائلاً "إهمال على كافة المستويات، في الآثار، ومش عارف هو إما واحد واخدها كعب داير، في الحكومة أو ناس قاعدة في المكاتب متشتغلش، وتقولوا بتنتقدوا الحكومة ليه".