التوقيت الخميس، 28 مارس 2024
التوقيت 12:37 م , بتوقيت القاهرة

توقيع "كسر عين" بالإسكندرية والقاهرة

يعقد الشاعر محمد السيد، مؤلف ديوان "كسر عين"، حفلين لتوقيع الديوان بالإسكندرية والقاهرة، الخميس 7 مايو، في مكتبة ألف بكفر عبده، الإسكندرية، في السابعة مساء. وفي اليوم التالي الجمعة 8 مايو، في بيت دون، بوسط البلد، في السادسة مساء.


اشتهر الشاعر محمد السيد بتأليف الأغاني ذات الطابع الثوري، فهو شاعر عاميه من محافظة الإسكندرية، من أعماله "ديوان التلت الأسود في العالم، وديوان أبيض غامق"، وأغاني (التغريبة، ودوري يا دنيا، وبلدي يا بلدي، ولسة العدل غياب) حمزة نمرة ، أغاني (الحكومة، وإجباري المسار) مسار إجباري.


 



مقطتقات من ديوان "كسر عين":


"عيش "


يادنيا لو تسمحي.. خفي الحمول حبة


مش كل يوم تجرحي.. حبة كده وحبة


مالك كده ملخبطة.. خدتي كتير منّي


لو كنتي أخد وعطا.. هاتي بقى حبة


"هنزل هنا"


الرحلة دي مش ممكنة.. ومفيش نصيب


أوقات كتير الانسحاب ميكونش عيب


فمتزعليش.. وللا ازعلي


أحسن ما كنت تكملي


ده الجرح لما بييجي بدري


أوم يطيب.. عارف بإني بجرحك


وعشان كده بستسمحك.. بعد أما تدبل دمعتك


والدنيا تنوي تفرحك.. متنكريش إن السبب


واحد عرف.. ازاي بتعبه يريحك


لحظة ما قال.. هنزل هنا


"سافر يا واد"


جرب وجع من نوع جديد ... اسمه البعاد


وسيب هنا.. وجع الجيوب


وجع القلوب.. وجع البلاد


وإذا كان على القصة اللي حالفة تنتهي قبل أما تبدأ


وإذا كان على شلة صحاب قاسمين معاك


نص ضحكة ونص دمعه ونص مبدأ


اوعى تقلق.. البعد لو إجبار


برضه اللقا بمعاد