التوقيت الجمعة، 29 مارس 2024
التوقيت 02:21 ص , بتوقيت القاهرة

حوار| فادي بدر: ألبوم بلاك تيما مختلف والألحان كلها جديدة

فادي بدر هو أحد أبرز الموزعين في الوسط الفني، وعازف في عدة فرق مستقلة منها "الدور الأول - ريجانج - مشوار باند.. وغيرها"، وهو أحد المشاركين في ألبوم بلاك تيما الثاني، الذي يصدر بعد غد الخميس، وكان حوارنا معه كالتالي ..

- إيه شجعك كموزع إنك تشتغل مع فرقة بلاك تيما؟

اتحمست لأنهم أصحابي حتى من قبل الألبوم الأول.

-لما سمعت الألحان حسيت إيه؟ 

حسيت لما سمعتها إن ما ينفعش اسمعها من أي حد غير بلاك تيما.

استمع إلى تراك "رقص الهوانم" لـ فرقة الدور الأول 

- شايف إن الألبوم التاني هيختلف عن الأول؟.. ولو مختلف يختلف في ايه كتوزيع؟

أكيد هيكون مختلف عن الألبوم الأول، لأن الألحان كلها جديدة وجريئة وده بيفرض على الموزع نوع ما من المزيكا اللي هيشتغل عليها.

- وزعت كام أغنية في الألبوم؟

وزعت 5 أغاني وفي منها 3 في الألبوم.

- توزيع الأغاني أخد منك وقت اد إيه؟

من حوالي شهرين فاتوا كنا بنظبط في الأغاني وابتدينا من حوالي 3 سنين أو أكثر.

- إيه أكتر أغنية قريبة لقلبك فيهم وحابب تسمعها في الحفلة لايف؟

"كبرت".

- تفتكر الجمهور هيتقبل الألبوم ده ومش هينتقده زي الألبوم الأول؟

إحنا عملنا اللي علينا بكل ضمير وأمانة والتوفيق من عند الله، و أتمني يعجب الناس ونكون عند حسن ظنهم إن شاء الله.