التوقيت السبت، 28 نوفمبر 2020
التوقيت 10:30 م , بتوقيت القاهرة

حوار| بلاك تيما: اتعلمنا من أخطائنا وهنبعد عن الاحتكار

"حُر إني أعشق بلادي واللي هيفكر يعادي اتزرع له في حلقه مُر".. 
"أنا مش فارس ولا فتى أحلام أنا زحمة وربكة وشغل جنان، أنا م الآخر عفريت لابس بدلة إنسان"..
"ضايع مني إزازة المية ومش راضية الطيارة طير، راح الصبر ورجع الصبر وتعب القلب ولسه كتير".. 


هذه بعض الكلمات التي غنتها فرقة "بلاك تيما"، فحازت مكانة كبيرة في نفوس وقلوب الجمهور الذي تابعها منذ 10 أعوام، واستمرت في مسيرتها بالفن المستقل، وتطلق يوم 16 أبريل ألبومها الثاني، في حفل سيقام بحديقة الأزهر، لذا أجرى "دوت مصر" حوارا مع أعضاء الفريق "أحمد بحر، أمير صلاح الدين، محمد عبده".


زحمة



- إيه الاختلاف بين ألحان بلاك تيما وتوزيعها في الألبوم التاني عن الأول "بحار"؟


في اختلاف لأن حصل نضوج موسيقي، واتعلمنا من أخطاء الألبوم الأول، وبقى في موزعيين موسيقين أكتر.


- تلحين أغاني الألبوم كله أخد وقت أد إيه؟


في أغاني قديمة كانت متوزعة بالفعل، والأغاني الجديدة أخدت سنتين عشان نوزعها.


- كل واحد فيكم لحن كام أغنية؟


محمد عبده لحن 6 أغانٍ، بحر 6 أغانٍ، وأمير أغنيتن.


إنسان



- تفتكروا الجمهور هيستقبل الألبوم إزاي خاصة بعد ما كان توزيع "بحار" غريب على ودن جمهوركم القديم؟


الميزة في الألبوم ده إن 90% من الأغاني جديدة، وبالتالي مش هتحصل مشكلة ألبوم "بحار".


- هل هيكون في مفاجآت خلال حفل إطلاق الألبوم؟


أكيد.. يعني مثلا ممكن يشاركنا الحفلة أصدقاؤنا من الممثلين والمطربين والشخصيات العامة.


مكعب سكر 



- خطوة إن يكون لكم شركة إنتاج خاصة إيه أسبابها؟


عشان مكانش فيه شركة إنتاج ممكن ترضى تخلينا نغني اللي إحنا عاوزينه، وممكن تصرف على الألبوم أو تساعد في الإنتاج، ومكانش ينفع نتأخر أكتر من كده، أو نستنى شركة ونبعد شوية عن فكرة الاحتكار.