تصوير - رقية نشأت

نظمت مجلة "نون"، إيفينت اللمة الحلوة، السبت الماضي، في جريك كامبس التحرير، لكل "البنات والستات".

ويتضمن الإيفينت 4 أنشطة:
- الرقص: أيوة هنرقص. هيكون معانا مدربة زومبا... وهنقضي معاها وقت مميز من الرقص الحر والبهجة والنشاط.

- الفن: يعني هنعمل حاجات بإيدينا، هنقعد سوا وندي براح لخيالنا في وسط خامات وألوان كتير، وزي ما دايما بنشوف DIY ideas تعقدنا، اليوم ده هنعمل حاجات تجنن بإيدينا.

- اللعب: واحنا كبار كده هنلعب، هيكون عندنا ألعاب وأنشطة مبتكرة وممتعة جدا.

- الفضفضة: هيكون عندنا وقت لجلسة مشاركة ومساندة جماعية، هنقدر من خلالها نسمع بعض ونطلع اللي جوانا اللي غالبا في زحمة الحياة مش لاقيين وقت نعرفه أو مش لاقيين حد يسمعه.