رد سادات على هجوم الملحن حلمي بكر عليه، هو وفيفتي، قائلا "أستاذ حلمي بكر لتاني مرة بقولك رأيك ميهمنيش و كلامك لا هيقدم ولا هيأخر، والناس مش هتبطل تسمع، وبالتالي إحنا مش هنبطل غُنا طول ما الناس بتسمعنا".

وأضاف سادات في تصريح خاص إلى "دوت مصر"، "لو حضرتك عايز تساعد الفن بجد في بنت اسمها ياسيمن، كانت في أراب جوت تالنت، وهي صوت مش موجود زيه، واتظلمت، وإنت حتى ما اتكلمتش عليها وبتتكلم علينا بس، فبصراحة حضرتك عدو النجاح".

ووصف حلمي بكر، كل من فيفتي وسادات بـ "الزبالة"، بسبب ظهورهم في حفل ختام برنامج "أراب جوت تالنت"، مساء السبت الماضي، وتقديمهم لأغنية "أم الدنيا" مع مذيع البرنامج والرابر السعودي قصي خضر، ولم تكن تلك هي المرة الأولي التي ينتقد فيها بكر مقدمي فن المهرجان.

شاهد فيديو أغنية "أم الدنيا" في أراب جوت تالنت

وقال فيفتي في تصريح خاص إلى "دوت مصر"، ردا على هجوم بكر، "هي الناس دي أديتنا إيه عشان تنتقدنا، ومابنشوفش منهم إلا ضرر"، وأنهى فيفتي قائلا "حسبي الله ونعم الوكيل".