التوقيت الخميس، 28 مارس 2024
التوقيت 05:55 م , بتوقيت القاهرة

فيديو| إسلام كنكا: "أديك" للمدفعجية "إفيه" مش شتيمة

<p>كان إسلام كنكا، هو الأكثر تلقائية أثناء حوارنا مع "كتيبة" المهرجانات، اسمه الحقيقي، إسلام شوقي محمد، 22 سنة، يدرس في كلية تجارة جامعة عين شمس، بدأ في كتابة هذا النوع من الأغاني وهو في الـ 17 من عمره..</p><p><span style="color:#FF0000;">إسلام أول ما بدأت كان مع المدفعجية ولا مع حد تاني؟</span></p><p>لا كان مع المدفعجية بس. </p><p><span style="color:#FF0000;">أشهر حاجة كتبتها إيه؟</span></p><p>أشهر حاجة كتبتها "أديك في الأرض تفحر"، بس أنا كتبت قبلها "الشنيبة" وحاجات تانية كتير.</p><p><span style="color:#FF0000;">طب ممكن تقولنا كلام أي أغنية ليك؟</span><br />"وشربنا المحشي عصير <br />وعملنا الكرسي سرير <br />وقضينا على الشرير<br />ونزلنا الساحة ببجاحة<br />وأدينا جامد بالراحة <br />وكتبنا على الكشاكيل<br />ومسحنا أبو دم تقيل<br />غنينا الناس سمعانا <br />والدنيا كمان عرفانا<br />حطينا على المغرور<br />خلينا جناحة مكسور<br />ووقفنا مع الغلبان <br />م الفرحة وجاله جنون"</p><p><span style="color:#FF0000;">ليه التباهي بالنفس بيبقى موجود دايما في اللي بتكتبوه؟</span></p><p>الفكرة هنا إننا بنطلع مواضيع للناس، بس في حاجة في الشعبي عندنا بنقول منها ونشرح إحنا بنعمل إيه، وإننا بنحارب وعايزين نوصل، عشان المهرجان يبقى أهم حاجة.</p><p><span style="color:#FF0000;">بتختار موضوع الأغنية إزاى؟</span></p><p>أنا بسمع المزيكا الأول، وبعدين بنقعد كلنا في "المدفعجية"، ونشوف هنكتب إيه.</p><p><span style="color:#FF0000;">بتخلص كتابة أغنية في أد إيه؟</span></p><p>ممكن يوم، وساعات الأغنية بتخلص في نص ساعة، فالموضوع مش محدد ولا مربوط بوقت.</p><p><span style="color:#FF0000;">"أديك" كلمة فيها إيحاء.. وعليها جدل إشمعني اختارتها بالذات؟</span></p><p>بص الأغنية طلعت في فرحة "دولسيكا"، وقتها كنا بنشتغل دي جي، والكلمة طلعنا فيها شحنة جواها، وطلعناها في الأغنية دي، وهي مش شتيمة، هو إفيه يضحك الناس، ويعلقوا عليه ونجحت الفكرة.</p><p><span style="color:#FF0000;">بس الناس خدت الكلمة بمعنى تاني؟</span></p><p>لا ملهاش معنى تاني، ليه الناس تاخدها بنية وحشة، طالما في نية تانية سليمة، وأنا مش مسؤول يعني.</p><p><span style="color:#FF0000;">الأغنية اتغنت في فيلم "قلب الأسد" لمحمد رمضان.. هل ده فرق معاكم كفرقة؟</span></p><p>أه طبعا لأنها أول حاجة لنا في الميديا، فرقت معانا وظهرت للناس وعرفت الناس بالمدفعجية، وزودت نسبة المتابعة لنا.</p><p><span style="color:#FF0000;">التعاون مع محمد رمضان جه إزاي؟</span></p><p>الأغنية كانت عجباه جدا، قابلناه وإحنا رايحين للسبكي، ساعتها قالنا إنه متابعنا وأغانينا عنده في العربية وبيسمعنا، وكان مصر إنه هو اللي يغني "أديك في الأرض تفحر".</p><p><span style="color:#FF0000;">المدفعجية هيقدموا إيه جديد؟</span></p><p>هنقدم أغنيتين مع ستوديو 100 نسخة، وبرة الألبوم ده في أغاني تانية إحنا بنحضرها، منها أغنية اسمها "بروباجاندا، بتتكلم عن أشهر الحاجات في 2014، زي السلفي والبرامج الإعلامية".</p><p><span style="color:#FF0000;">هو المهرجان هيتطور؟</span></p><p>هو بيتطور بالفعل.</p>