التوقيت الأحد، 27 سبتمبر 2020
التوقيت 12:25 ص , بتوقيت القاهرة

فيديو| أبو بكر تعليقا على حادث العريش: لسه هانشوف تاني

قال المحامي خالد أبو بكر، إنه يشعر بالغِل والغيظ بعد الهجوم على مديرية أمن شمال سيناء بقذائف الهاون، مشيرا أن هذا يدل على أن المشوار في محاربة الإرهاب سوف يطول قائلا: "لسه هانشوف تاني".


وأضاف أبو بكر خلال برنامج القاهرة اليوم على فضائية اليوم مساء الخميس،: "أنا معرفش إيه اللي ممكن نعمله وإحنا بنسمع الأخبار دي؟ أنا مش قادر أكمل بقية الأخبار اللي معايا، وحاسس بغِل وغيظ جوايا، ليه الناس دي بتموت؟، لازم نشوف إيه الخطوات اللي ممكن نعملها اليومين اللي جايين، أنا مش قادر أفهم إزاي الناس دي تدخل بأسلحة زي دي؟".


وكانت عناصر إرهابية أطلقت 3 قذائف صاروخية، مساء الخميس، سقطت في محيط ضاحية السلام، التي تضم جميع المقرات الأمنية من كتيبة 101، ومديرية أمن شمال سيناء، والاستخبارات العامة والعسكرية، ومقر مبنى أمن الدولة، ومحكمة شمال سيناء.


وأكدت مصادر في مرفق الإسعاف بشمال سيناء سقوط ما يقرب من 29 قتيلا و43 مصابا جراء التفجيرات التي استهدفت مقرات أمنية بالعريش.


فيما قالت مصادر أمنية إن القوات الجيش أعلنت حالة الاستنفار الأمني في محيط منطقة ضاحية السلام، وتم الدفع بالمدرعات وسيارات الأمن والجنود، للقبض على مرتكبي التفجيرات.