انفعل الإعلامي توفيق عكاشة، الثلاثاء، على فريق الإعداد الخاص به، حين قام أحد العاملين بدخول الاستوديو الخاص ببرنامجه "مصر اليوم" على شاشة "الفراعين" حاملا طبق كشري، لتناوله على الهواء.

وقال عكاشة، موجها حديثه له، "إنت بتهزر يا بني إنت، هي زريبة، إنت متخلف، الواد يا إخوانا من البلد عندنا وماسك طبق كشري ونازل فيه أكل في الاستوديو، وماسك المعلقة وشغال، ماينفعش الكلام ده يا بني، إحنا في مصر، مش في البلد".

وأضاف عكاشة ضاحكا بقوله "نحن لدينا كل حاجة ممكنة في القناة، فنحن جلبنا البلد إلى الاستوديو، كان يجب أن أخرج إلى الفاصل حتى أطرده من الاستوديو، فلم يصل الأمر إلى أكل الكشري ونحن على الهواء مباشرة، الموضوع مابقاش طبيعي خالص".

وتابع عكاشة "الواد داخل عادي جدا، كأنه سارح في الغيط، مفيش شوية دم، بس أعمله إيه، هما كده، يا واد الكلام ده ماينفعش، مش في الاستوديو، عملية مش طبيعية، بس إحنا عندنا عادى مفيش مشكلة ومدير التصوير يبصله وهو يبصلي وبياكل حاجات غريبة، والله نسيت كنت هقول إيه، يا أخي حرام عليك".